Hava Bakıda hava 11°C
USD 0.7845 AZN
EUR 1.0687 AZN
RUB 0.0235 AZN
TRY 0.3582 AZN
Söhbət otağı
Şir Bürcü

23 iyul вЂ" 23 avqust

  • Ünsürü вЂ" od

  • Planeti вЂ" Günəş

  • Hakimiyyət müddəti вЂ" 31 gün

  • Simvolları вЂ" şir, sona

  • Düşərli günü вЂ" bazar

  • Düşərsiz günü вЂ" şənbə

  • Uğurlu rəngi вЂ" qızılı, narıncı, al, qara

  • Uğursuz rəngi вЂ" ağ

  • Uğurlu daşı вЂ" yantar, topaz, rubin, oniks, brilyant

  • Metalı вЂ" qızıl

  • Enerji verən çiçəyi вЂ" xrizantema, pion

  • Uğurlu rəqəmi вЂ" 1, 5, 9, 11

  • Müxalif bürcü вЂ" Sutökən

  • Talismanı вЂ" taclı inək, şir, qartal

  • Şanslı ölkələri вЂ" Fransa, Fransız Afrikası, İtaliya, Çexiya, Slovakiya, Antarktida, Arktika, Siciliya.

Qısa Xarakteri

Bir-birini tamamlayan iki ünsürü (Günəş planeti və od elementi) özündə birləşdirən yeganə Zodiak kimi tanınan Şirlər digər bürclərə nisbətən daha enerjili olurlar. Onların potensial imkanları geniş olduğundan hara düşsələr, asanlıqla hörmət qazanır, gözlənilmədən məşhurlaşırlar. Tarixi mənbələrdən bəlli olur ki, bu işarə altında doğulanlar qədər magiyaya meyl edənlər yoxdur. Cadugər, maq, ekstrasens, hipnozçu və digər mistik peşələrə həvəs göstərən "heyvanlar şahı" daha çox Tanrıya xidmət yolunu tuturlar.

Bu adamların cəmiyyətdəki "zadəgan" ədaları çoxlarında ikrah, qəzəb və qısqanclıq hissi yaradır. Ən çox paxıllığa məruz qalan, böhtan və iftiralara mübtəla olanlar da məhz belələridir. Lakin Şirlərdə ilk növbədə nəzərə çarpan qürurlu görkəm özünü çəkmək kimi deyil, xarakterik xüsusiyyət kimi qəbul olunmalıdır.

Şir ideal rəhbərdir. O, ruhlandırmaq lazım gələni, öz enerjisi ilə ruhlandırır, digərlərini isə təkarar olunmaz avtoreteti ilə tabe edir. Onun əsas problemi aşağı səviyyədə qavramadadır. Ona elə gəlir ki, uğur qazanan və güclü olan haqlıdır. Bundan başqa Şir reallığın ancaq onun enerjisinin işıqlandırdığı tərəfi ilə maraqlanır, qalan şeyləri isə inkar edir.

Ali Şir öz enerjisi ilə kor olmuş vəziyyətdə deyil. O, impulsiv deyil və həyatı diqqətlə müşahidə edir. Ali Şir enerji axınının da qulu deyil. Bu adam enerjini idarə etməyi bacarır. Bu, bir növ incəsənətdir. Odur ki, Şir həmişə nəzərə almalıdır ki, enerji özlüyündə heç nə yaratmır. bu enerjini yalnız lazımi istiqamətə yönəldib idarə ediləndə hansısa səmərəni verir. Həmçinin Şir onun idarəçiliyi altında ol-mayan real həyata hörmət etməyi öyrənməlidir. O, özünü daha çox həyatın gözəlliyinə sevinmək mümkün olduğu və başqalarına sevinc bəxş edən yaradıcı və aktyor kimi çıxış etməyin mümkün olduğu yerdə ifadə edə bilər.

Bu adamlar boş yerə vaxt itirməyi sevmir, bütün işlərdə dəqiqliyi xoşlayırlar. Amma bəzən qaba və səliqəsiz də olurlar. Şirlər, adətən sosial vəziyyəti nisbətən aşağı səviyyədə olan adamlarla ailə qururlar. Bu, əlbəttə ki, yuxarıda qeyd etdiyimiz qürurluluqdan irəli gəlir. Çünki bu Zodiakın nümayəndələri heç vaxt başqalarından minnət götürmür, kiminsə yanında başıaşağı olmaq, günahkar adam təsiri bağışlamaq istəmirlər. Onlar öz müsahiblərinə ötəri şəkildə qulaq asmırlar. Hətta özünüz də fikir versəniz, görərsiniz ki, Şirlər söhbət etməmişdən əvvəl qarşısında duran şəxsi bir müddət süzür və ya diqqətlə gözlərinin içinə baxır. Onlar bununla həm söhbətlərinin nə dərəcədə səmimi olmasını, belələri ilə uzun müddət ilişkilərdə olub-olmamaq barədə ciddi şəkildə götür-qoy edirlər. Bu şəxslərə kələk gəlinərsə, hamıdan əvvəl hiss edir, lakin zamanı çatana qədər susurlar. Bu səbəbdən də barəsində danışdığımız adamlarla səmimi və ehtiyatla davranmaq lazımdır.

Bu bürc altında doğulanların sevgi həyatında xəyanət amili mütləq baş verir. Bəzən bunun səbəbkarı özləri olsa da, əksər hallarda bu xəyanəti sevdikləri adamdan görürlər.

Belələri hər yerdə hadisələrin gedişatını öz istəklərinə uyğun məcraya yönəltməyə çalışırlar. Onlar istənilən oyuna girməyi və nəticədə qələbə qazanmağı yaxşı bacarırlar. Hətta bəzən iştirakçısı olduğu situasiyaların ssenari müəllifi də özləri olur, lakin bir və ya iki nəfərdən başqa bunu heç kimə bildirmirlər. Bu isə onların kəşfiyyatı işlərə marağının böyüklüyünü sübut edir.

Şirlər 30 yaşına qədər ən müxtəlif sahələrdə fəaliyyət göstərsələr də, sonrakı illərdə yalnız bir amal uğrunda mübarizə aparırlar. Şirlər Buğa və Oxatanlardan sonra ən varlı Zodiak işarəsi hesab olunurlar. Lakin bəzi hiyləgər nüanslarına görə çox vaxt əvvəlki iki bürcü də kölgədə qoyurlar. Münəccimlər hesab edir ki, Şir bürcündə dünyaya gələnlər, ələlxüsus da kişilər nadir hallarda öz əcəlləri ilə ölürlər. Əgər onlar siyasətə baş qoşurlarsa, bu amilin reallaşma ehtimalı yüz faizə yaxın olur. Kənardan baxanlara elə gəlir ki, bu bürcdən olanların heç bir dərdi-səri yoxdur. Lakin zavallı Şirlərin iztirab və üzüntüləri hamınınkından çoxdur. Sadəcə olaraq, onlar hər şeyi ürəklərində saxlamağı bacarırlar. Elə bu səbəbdən də ürək ağrılarına tez-tez mübtəla olurlar. Yəqin çoxlarınıza bəlli deyil ki, insanlar arasında ən çox infarkta məruz qalanlar da məhz Şirlərdir.

Hazırda himayəsində yaşadığımız bu zodiakın nümayəndələri ilk baxışdan qürurlu görkəmləri və təkəbbürlü rəftarları ilə nəzəri cəlb edirlər. İstənilən siyasi və mənəvi mübarizədə onları ilk cərgədə görmək olar. Bu adamlar müsahibləri ilə dil tapmağı bacarır (əlbəttə ki, buna həvəsləri varsa), ətrafında olanların zəif cəhətlərini başqalarından daha yaxşı duyurlar. Şir bürcündə doğulanlarda müəmmalı xüsusiyyətlər də az deyil. Hətta qədimlərdə onları "anadangəlmə sehirbaz" da adlandırırdılar. Çünki belələri tez-tez qəribə addımlar atır, gözlənilməz hərəkətləri ilə çoxlarının heyrətinə səbəb olurlar. Bəzən davranışlarındakı soyuqqanlılığa və kobudluğa görə onlardan inciyirlər. Lakin dar məqamda adama elə kömək edirlər ki, bütün baş vermiş xoşagəlməzliklər yaddan çıxır. Şirlərin şəxsi həyatı, peşə fəaliyyətləri, insanlara münasibəti daimi deyil. Onların hansı məqamda necə addım atacaqları yalnız özlərinə məxsus olur. Gündüz doğulan Şirlər gecə doğulanlara nisbətən tez qızışan və özündənrazı olurlar.

Şirlərin əksəriyyəti üçün peşə fəaliyyəti və hakimiyyət istəyi ailədən daha vacibdir. Bu adamlar yalnız toya qədər əsl məhəbbət hissləri yaşayırlar. Toydan sonra isə buna, necə deyərlər "vaxtları olmur".

Günəşin himayəsində bərqərar olan bu Zodiak işarəsi yüksək enerjiyə malik olduğundan ən ali vəzifələrdə çalışmağa yararlı olurlar. Onlar həkim, sərkərdə, maarifçi, idmançı, təşkilat və hərəkat rəhbəri, eləcə də siyasətçi kimi məşhurlaşırlar. Şirlərdə gözəl rəssamlıq bacarığı da olur. Bundan başqa bu bürcün əksər nümayəndələri idmana, xüsusən də yüngül atletikaya meyl göstərirlər. Onlarda hipnoz qabiliyyəti güclü olduğundan astrologiya, spiritizm və magiya nəzəriyyələrini hamıdan tez qavrayırlar. Kino ulduzları arasında indiyə qədər ən çox "Oskar" alanlar da bu zodiakın bəxtinə düşür. Şirlər şairdir, yazıçıdır, pedaqoqdur, incəsənət xadimidir. Şir bürcü altında dünyaya gələnlərin yüksək postlara yiyələnmək perspektivi daha çoxdur. Buğa və Oxatandan sonra vəzifəpərəstlik istəyində olan şəxslər də məhz Şirlərdir.

Məşhur "şirlər":

Rasim Balayev, Pənah Hüseyn, Əlisa Nicat, Akif İslamzadə, Rauf Arifoğlu, Rəfael Hüseynov, Elmira Rəhimova, Azər Paşa Nemətov, Alim Qasımov, Flora Kərimova, İlhamə Quliveva, Afaq Bəşirqızı, Ramiz Məlikov, Rafiq Hüseynov, Mehriban Ələkbərzadə, Səyyad Əlizadə, Salam Sarvan, Kamil Vəli Nərimanoğlu, Nuridə Atəşi, Aygün Bəylər və b.


TEZKLİKLƏ

Adların mənaları Yuxuyozmalar
Xəbər lenti HAMISI
Səsvermə
 

Fiziki görünüşünüz uyğun olarsa, hansı geyimi seçərdiniz?

Uzun don
Mini yubka
Hər ikisi

 
 
HAMISI Ən çox oxunanlar
İdeal çəkini hesabla
    Boyunuz: sm
    Çəkiniz: kq
    Yaşınız:
    Cinsiniz:
    İdeal Çəkiniz: kq
    Fərq: kq

BÜRC UYĞUNLUĞU

Sevgilinizlə bürc uyğunluğunuzu öyrənə bilərsiniz