Həkim kollektivi Həkimə sual ver
Söhbət otağı
Antifosfolipid sindromu və hamiləlik
Antifosfolipid sindromu və hamiləlik
Göndərən: NoName
Şərhlər:
Baxılıb: 1087
Səs ver:
Qadınların bir hissəsi hamiləyin bir neçə dəfə "səbəbsiz olaraq" pozulması, ağır hestozlar (yüksək təzyiq, böyrəklərdə zülalın olması və ödəmlərlə müşayiət olunan ağır hamiləlik toksikozları), cift çatışmazlığı və s. pozulmalarla üzləşir.
Bəzən hətta müxtəlif analiz və müayinələrdən keçdikdən sonra bunların səbəbi aşkar olunmamış qalır. Ginekoloqların ümumi fikirinə görə, belə qadınlar mütləq antifosfolipid sindromunun (AFS) olub-olmamsına görə müayinə olunmalıdırlar. Bir çox hallarda məhz bu sindrom hamiləliyin təkrarlanan pozulmalarına, ağır hamiləlik toksikozlarına (hestoz) və hamiləliyin digər ciddi ağırlaşmalarına səbəb olur.
Antifosfolipid sindomu (və ya Xyuz sindromu) kifayyət qədər yayılmış patologiyadır. Bu sindrom zamanı orqanizm bəzi öz fosfolipidlərinə (hüceyrələrin divarlarının tərkibində olan maddələr) qarşı anticismlər hazırlayır.
Hamiləlik zamanı ciftin damarları formalaşdığı zaman bu sindromun nəticəsində onlarda tromblar əmələ gəlir. Nəticədə müxtəlif ağırlaşmalar inkişaf edir - ciftin aralanması və qopması, dölün inkişafının pozulması və ya inkişafdan qalması, hətta oksigenin çatışmazlığı nəticəsində dölün məhv olunması. Antifosfolipid sindromu xüsusilə hamiləliyin birinci üçaylığında olduqca təhlükəlidir. Bu zaman sindrom birbaşa döl yumurtasını zədələyir.
Bu sindromun səbəbləri müxtəlifdir - autoimmun xəstəliklər, orqanizmdə olan xroniki infeksiya ocaqları, bədxassəli şişlər, bəzi dərman preparatların və toksiki maddələrin təsiri və s. Bəzi hallarda AFS-unun inkişafetmə səbəbini təyin etmək mümkün olmur.
Hamiləliyin planlaşdırılması mərhələsində hər bir qadın lazım olan analiz və müayinələrdən keçməlidir. Bu analizlərin arasında o cümlədən antifosfolipid sindromuna görə analiz verilməlidir. Xüsusilə bu yaxın qadın qohumları arasında sonsuz və ya bir neçə dəfə hamiləliyin "səbəbsiz" pozulması ilə üzləşmiş olan qadınlara aiddir. Əgər hamiləliyin planlaşdırılması mərhələsində qadında AFS-u aşkar olunarsa, bu halda qadına müalicə kursu (qlyukokortikoidlər, immunoqlobulinlər, qanın laxtalanmasını tənzimləyən preparatlar və s.) təyin olunur. Bundan əlavə köməkçi vasitə kimi plazmaferez (qanın xüsusi üsullarla "təmizlənməsi") da istifadə oluna bilər.
Lakin bəzən bu sindrom qadında məhz hamiləlik zamanı aşkar olunur. Bu halda ruhdan düşmək üçün səbəb yoxdur. Həkim xüsusi müalicə təyin edir ki, nəticədə hüceyrə səviyyəsində gedən proseslər tənzimlər, qanın laxtalanma xarakteristikaları normallaşır və s.
AFS-u olan qadın hamiləlik zamanı daim həkimlərin nəzarətində olmalıdır, lazım olan analiz (qanın laxtalanması, autoimmun anticismlər və s.) və müayinələrdən (USM, doplerometriya və s.) keçməlidir, hamiləliyin müxtəlif dövrlərində müalicə almalıdır (bəzi hallarda xəstəxana şəraitində). Yalnız bu halda hamiləlik normal keçə bilər. Həkimlərin müşahidələrinə görə, AFS-u hamiləlik zamanı müalicə olunmadıqda bir çox hallarda dölün tələf olunması baş verir.
AFS-u olan qadın doğuşdan sonra da mütləq həkimlərin nəzarətində olmalıdır ki, doğuşdan sonra trombozların riski olduqca artır.
Antifosfolipid sindromu diaqnozu heç də o demək deyil ki, qadın sağlam uşaq dünyaya gətirə bilməyəcək. Sindrom vaxtında aşkar olunduqda və bundan sonra qadın lazım olan müalicə aldıqa, hamiləlik və doğuş fəsadsız keçir.


Şərhlər:
Baxılıb: 1087
Geriyə
loading...
Hörmətli Qonaq, siz sayta qeydiyyatsız istifadəçi kimi daxil olmusunuz.
Saytda şərh yazmaq, xəbər göndərmək və eləcə də digər hüquqlardan istifadə edə bilmək üçün QEYDİYYATDAN keçməyinizi məsləhət görürük.

TEZKLİKLƏ

Adların mənaları Yuxuyozmalar
Xəbər lenti HAMISI
YeniQadin.Biz
Səsvermə
 

Saytın hansı bölməsini xoşlayırsınız?

Qadınlar.Biz həyatı
Gündəm - Magazin xəbərləri
Moda
Gözəl qadın
Bizim mətbəx
Sağlıqlı yaşam
Hamiləlik və Analıq
Qadın və Cəmiyyət
Münasibətlər
Həyat tərzi
Bürclər və Qoroskop
Bölümlü Hekayələr
Kişi dünyası
Oyunlar
Video - Musiqi

 
 
HAMISI Ən çox oxunanlar
İdeal çəkini hesabla
Boyunuz : sm
Çəkiniz : kq
Yaşınız :
Cinsiniz :
İdeal Çəkiniz : kq
Fərq : kq

BÜRC UYĞUNLUĞU

Sevgilinizlə bürc uyğunluğunuzu öyrənə bilərsiniz