Həkim kollektivi Həkimə sual ver
Söhbət otağı
Daxili qanaxma
Daxili qanaxma
Göndərən: NoName
Şərhlər: 2
Baxılıb: 976
Səs ver:
Xarici qanaxma ilə müqayisədə daxili qanaxmanın diaqnozunu qoymaq daha çətindir.
Bu isə çox təhlükəlidir. Qanaxma nəticəsində damarlarda dövr edən qanın həcmi azalır, həyati vacib orqanların funksiyaları pozulur və ağır patoloji hallar yaranır.
Daxili qanaxma vaxtında təyin olunmadıqda, tibbi yardım gecikə bilər ki, bu da xəstənin həlak olması ilə nəticələnə bilər. Bu səbəbdən hər bir insan daxili qanaxmanın əsas simptomlarını bilməli və bu simptomlar meydana çıxdıqda dərhal həkimə müraciət etməlidir. Bir çox hallarda daxili qanaxma zamanı yalnız təcili cərrahi əməliyyat xəstənin həyatını xilas edə bilər.
Daxili qanaxma zamanı qan orqanizmin daxili boşluqlarına (döş nahiyəsi, qarın boşluğu) axır.

Belə qanaxmanın əsas səbəbləri arasında:
- ağciyərin toxumasının və qabırğaarası damarların yırtılması ilə müşayiət olunan qabırğaların sınıqları,
- daxili orqanların bədxassəli şişlərı
- avtomobil qəzası, hündürlükdən yıxılma, zərbə və s. nəticəsində daxili orqanların (qaraciyər, dalaq, bağırsaqlar, böyrəklər) qapalı travmaları,
- qida borusu, mədə və 12 barmaq bağırsağı, qaraciyər, qadın cinsiyyət sistemi xəstəliklərinin fəsadları.

Hər bir ciddi zədə zamanı (avtomobil qəzası, hündürlükdən yıxılma, zərbə, travma və s.) mütləq daxili qanaxma ehtimalını nəzərə almaq lazımdır.
Qanaxmanın mənbəyindən asılı olmayaraq daxili qanaxmanın bəzi ümumi simptomları var: dərinin və selikli qişaların solğun olması, soyuq tər, ümumi zəiflik, başgicəllənməsi, gözlərin qaralması, bayılma, arterial təzyiqin düşməsi, nəbzin tezləşməsi. Ağır qanaxmalar zamanı "yuxarı" təzyiq 80 mm c.st. aşağı düşür, nəbzin göstəricisi isə 120-140 kimi qalxır.
Daxili qanaxma anemiyanın inkişafına səbəb olur.
Bir çox hallarda daxili qanaxmanın səbəbi mədə-bağırsaq sistemi xəstəlikləri (mədə və 12 barmaq bağırsağı xoraları, mədə və bağırsaq xərçəngi, qida borusu damarlarının varikoz genişlənməsi, qaraciyər sirrozu və s.) olur. Bağırsaq qanaxmaları zamanı nəcis qara olur. Mədə qanaxmaları zamanı qusma kütləsi qəhvəyi rəngdə olur. Böyrək qanaxmaları zamanı sidikdə qan aşkar olunur.

Qadın cinsiyyət sistemi xəstəlikləri də daxili qanaxmaya səbəb ola bilər. Bir çox hallarda bunun səbəbi uşaqlıqdan kənar hamiləlik olur. Uşaqlıq borusunda "ilişmiş" embrion burada inkişaf edir və borunu dartır. Müəyyən müddətdən sonra boru yırtılır və qadında daxili qanaxma inkişaf edir. Qadın çanaqda təzyiq hiss edir, daha sonra bu kimi simptomlar inkişaf edir: dərinin solğun olması, bayılma, təzyiqin qalxması, nəbzin tezləşməsi, soyuq tər.
Ağciyər qanaxmaları zamanı xəstədə al-qırmıza qanla qusma, döş qəfəsində kəskin ağrılar, nəfəsalmanın çətinləşməsi, halsızlıq, bayılma, nəbzin tezləşməsi, tərləmənin artması, dərinin solğun olması kimi simptomlar meydana çıxır.
Ağciyər qanaxmaların səbəbləri: hündürlükdən yıxılma, travmalar, bıcaq yaraları, ağciyər xərçəngi və s.
Beləliklə, daxili qanaxma çox ağır pozulmadır. Bu səbəbdən daxili qanaxmaya ilk şübhə yarandıqda dərhal "təcili yardım"çağırmaq lazımdır. Həkimlər gələnə kimi xəstəyə yemək, su, istənilən dərman və s. vermək olmaz. Xəstə yarıoturaq vəziyyətdə olmalıdır.

Dr.Bəxtiyar Qəhrəmanov
Bariatik ,Estetik Cərrah
(+99455) 395 44 55


Şərhlər: 2
Baxılıb: 976
Geriyə
loading...
Hörmətli Qonaq, siz sayta qeydiyyatsız istifadəçi kimi daxil olmusunuz.
Saytda şərh yazmaq, xəbər göndərmək və eləcə də digər hüquqlardan istifadə edə bilmək üçün QEYDİYYATDAN keçməyinizi məsləhət görürük.
Miss_Oxatan
Allah iraq elesin bele veziyyetleri ama bilmek yaxwj weydir,hec kim bilmir bawina ne gelecek ya da etrafinda kiminse.bele tecili veziyyetlerden cixmaq ucun komek etmek ucun az cox melumat olmalidir.
22 iyun 2016 00:54
# 2
İlan hər nə qədər ürpəndiyim və sevmədiyim canlı olsa da,ancaq,ikimizin,yəni ilanla mənim bir oxşar cəhətimiz var,"Dəymə mənə,dəyməyim sənə!" yayMiss_Oxatan♐
vipbetul
bu cur hallar bas verdikde hokmen vaxtinda hekime muragiyet etmek lazimdri gecikdirdikde bir cox tehlukeli xesdelikler yarana bilir
21 iyun 2016 23:59
# 1
Of,If I stretch my hands,do you hold them in your hands,Sir?
Oh, do you look at my tearful eyes even once?
İnformasiya
Qonaq qrupunda olanlar istifadəçilər bu xəbərə şərh əlavə edə bilməz.

(ana səhifəyə gedin.)

TEZKLİKLƏ

Adların mənaları Yuxuyozmalar
Xəbər lenti HAMISI
YeniQadin.Biz
Səsvermə
 

Bəs sizin bürcünüz nədir?

Qoç
Buğa
Əkizlər
Xərçəng
Şir
Qız
Tərəzi
Əqrəb
Oxatan
Oğlaq
Dolça
Balıqlar

 
 
HAMISI Ən çox oxunanlar
İdeal çəkini hesabla
Boyunuz : sm
Çəkiniz : kq
Yaşınız :
Cinsiniz :
İdeal Çəkiniz : kq
Fərq : kq

BÜRC UYĞUNLUĞU

Sevgilinizlə bürc uyğunluğunuzu öyrənə bilərsiniz