Həkim kollektivi Həkimə sual ver
Söhbət otağı
Kişisi o qadından imtina edə bilər...
Kişisi o qadından imtina edə bilər...
Göndərən: Qlamurr
Şərhlər: 11
Baxılıb: 1034
Səs ver:
Gözəl sinə qadınlığın simvolu sayılır. Cazibədar sinə xanımları həmişə diqqət mərkəzində saxlayan gözəllik atributu hesab olunub. Odur ki, cazibədar görünmək istəyi qadınları sinələrinə "əl gəzdirməkdən” belə çəkindirmir. Kimisi bunun üçün sinəsinə silikon qoydurur, kimisi də süd vəzisinin ölçüsünü dəyişdirmək üçün cərrah masasına uzanır. Amma bu istək heç də bütün qadınlara asan başa gəlmir. Həkimlər özləri də sinəsinə silikon qoyduran, süd vəzisinin ölçüsünü istəyinə uyğun olaraq kiçildib-böyüdən qadınların xərçəng kimi təhlükəli xəstəliklə üz-üzə qalma riskinin yüksək olduğunu söyləyirlər. Amma həkimlərin bu çağırışını qulaqardına vuraraq süd vəzisində estetik əməliyyat etdirən qadınlar da az deyil.

Milli Onkologiya Mərkəzinin şöbə müdiri Samir Qurbanov açıqlamasında söyləyib ki, gözəllik, cazibədarlıq üçün sinəsinə silikon qoyduran, süd vəzilərinin ölçülərinə dəyişiklik etdirən qadınlar bu əməliyyatlara müraciət etməzdən öncə mütləq mamoloq müayinəsindən keçməlidirlər: "Çox təəssüf ki, bu gün qadınların süd vəzlərində keçirilən əməliyyatlar estetik cərrahlar tərəfindən müayinə aparılmadan, kortəbii şəkildə həyata keçirilir. Sinəsini böyütmək istəyən qadınlar elə hesab edir ki, bu əməliyyatda silikonun düzgün seçilməsi əsas amildir. Bəzən estetik cərrahlar da qadının öz razılığı əsasında seçdiyi, təhlükəsizliyi Ümumdünya Səhiyyə Təşkilatı tərəfindən təsdiqlənən implantları qoymaqla öz üzərlərinə düşən işi bitmiş hesab edirlər. Amma bəzən süd vəzisində aparılan əməliyyatı üzdə, bədənin başqa nahiyələrində aparılan estetik əməliyyatla səhv salırlar. Unutmaq olmaz ki, əməliyyat qadın üçün ən həssas yer olan sinədə, süd vəzisində aparılır. Qadın bu əməliyyata girməzdən öncə mütləq USM müayinəsindən keçməlidir. Əgər qadının süd vəzisində hər hansı problem üzə çıxarsa, həmin qadın mütləq mamoloq tərəfindən yoxlanılmalı, mamoqrafik müayinəyə cəlb olunmalıdır. Çox təəssüf ki, qadınlar bəzən estetik cərrahların telekanallarda verilən cəlbedici reklamlarının toruna düşürlər. Peşəkarlığına əmin olmadıqları, xaricdən gələn hansısa estetik cərraha öz sağlamlıqlarını etibar edirlər. Xaricdən gələn estetik cərrahlar özəl klinikalarla müqavilə əsasında işlədiklərindən, burada pasiyentlərin sayı çox olduğu təqdirdə bir neçə günlük gələrək, əməliyyatlarını edir, yenidən öz vətənlərinə geri dönürlər. Vaxt az olduğundan əməliyyat edəcəkləri qadını demək olar ki, heç bir zəruri müayinədən keçirtmirlər. Bəzən adi USM müayinəsi belə edilmir. Bunun nəticəsində də süd vəzisində estetik əməliyyat aparılan qadın az keçməmiş fəsadla yenidən cərrah masasına uzanmalı olur”.

S. Qurbanov deyir ki, bəzi qadınların adi qəbul etdikləri süd vəzi əməliyyatları onları vaxtsız olaraq həyatla vidalaşdıra da bilər: "Süd vəzinə silikon yerləşdirən zaman həkim bir o qədər də məsuliyyət daşımır. Çünki silikonun hansı firmanın istehsalı olmasını pasiyent özü seçir. Həkimə qalan o silikonu qadının sinəsinə yerləşdirməkdir. Gələcəkdə silikonla bağlı hər hansı problem yaranarsa, qadın əməliyyatı edən həkimi yox, silikonu istehsal edən şirkəti məhkəməyə verir. Amma bununla belə süd vəzində əməliyyat öncəsi müayinə mütləq şərtdir”.

Onkoloq son vaxtlar Azərbaycanda da qadınlar arasında çox müraciət edilən bu cür əməliyyatların təhlükəli olduğunu qeyd edib. Onun sözlərinə görə, süd vəzisinin ölçüsündən razı qalmayıb estetik cərraha müraciət edən qadınlar təəssüf ki, ölkəmizdə kortəbii şəkildə əməliyyata cəlb olunur: "Süd vəzinin ölçüsünün böyüdülüb, yaxud kiçildilməsi qadının istəyi ilə yox, tibbi göstəriş əsasında olmalıdır. Mən çox təəssüf edirəm ki, bu cür istəklə estetik cərraha müraciət edən qadınları özəl klinikalarda tibbi göstəriş olmadan əməliyyata cəlb edirlər. Həmin həkimi də qadının sağlamlığı yox, ondan alacağı pul maraqlandırır”.

Həkim ailə qurmayan qadınların süd vəzisinin görünüşündə dəyişiklik etməsinin düzgün olmadığını vurğulayaraq, xüsusilə gənc xanımları bu cür estetik əməliyyatlardan çəkinməyə çağırır: "Bu əməliyyatı istəyən qadın subaydırsa, hələ ana olmayıbsa, onun süd vəzisinin ölçüsünün dəyişdirilməsi, ümumiyyətlə, düzgün deyil. Ona izah edilməlidir ki, bununla ana olarkən uşağına süd vermək haqqından məhrum olacaq. Süd vəzisinin ölçüsü dəyişdirilən qadın heç vaxt öz körpəsinə süd verə bilməz. Çünki bu əməliyyat zamanı döş giləsi öz yerindən miqrasiya edir. Süd vəzi bir neçə santimetr yuxarı çəkildiyindən süd axarlarının da yeri dəyişir. Belə halda ana uşağını gələcəkdə həmin döşlə əmizdirə bilməz. Ona görə də bu əməliyyat gənc və subay qızlarda yox, 35 yaşdan yuxarı, artıq ana olan və daha uşaq istəməyən qadınlarda aparıla bilər. Üstəlik, dediyim kimi, bu əməliyyat zamanı da qadının süd vəzisi müayinə edilməlidir. Əgər süd vəzi xərçəngə risklidirsə, orada fibroz, kistoz düyünlər varsa, mütləq o düyünlər yoxlanılmalıdır. Əks təqdirdə, qadınlar çox ağır nəticələrlə üz-üzə qala bilərlər”
 
Xarici ölkələrdə estetik əməliyyatdan öncə qadınlar psixoloqa müraciət edirlər. Hətta bəzi estetik klinikalarda pasiyentin əməliyyatdan öncə psixoloji testdən keçməsi şərt kimi qoyulur. Azərbaycanda isə estetik əməliyyatdan öncə psixoloq rəyinin öyrənilməsindən söhbət belə gedə bilməz.

Psixologiya və Konsultasiya Mərkəzinin rəhbəri, psixoloq Elnur Rüstəmov mövzu ilə bağlı bildirib ki, pasiyentlərin psixoloq yanına getməsi Azərbaycanda fəaliyyət göstərən estetik klinikalara heç sərf etmir. Çünki həmin klinikalar, estetik cərrahlar psixoloqla söhbətdən sonra pasiyentin fikrindən daşınacağından, əməliyyatdan imtina etməsindən ehtiyatlanırlar. Ona görə də pasiyent müraciət edərkən onun təklifini qəbul edib, əməliyyat üçün vaxt təyin edirlər. O ki qaldı estetik əməliyyatlar etdirən qadınların psixoloji durumuna: "Bu qərarı verərkən qadınlar düşünürlər ki, əməliyyatdan sonrakı dəyişikliklə diqqət cəlb edə və diqqət mərkəzində ola bilərlər. Tutaq ki, hər hansı qadın süd vəzisində əməliyyat etdirmək fikrinə düşür. Bu an o, elə hesab edir ki, bu əməliyyatı keçirsə, süd vəzisinin yeni görkəmi ilə əks cinsin, həyat yoldaşının daim diqqət mərkəzində olacaq, onun diqqətini daha çox özünə cəlb edəcək. Bir qismi bu cür dəyişikliklərdən zövq aldığı üçün bu addımı atır. Bu an o qadınlar həmin əməliyyatın fəsadları ilə bağlı ağıllarına heç nə gətirmirlər. Gözlərinin önündə bir klip canlandırır, özlərini həmin klipin qəhrəmanı hesab edirlər. Amma düşünmürlər ki, bu cür əməliyyatlar kişilər tərəfindən birmənalı qarşılanmır. Çünki kişilər bədənində çapıq, əməliyyat izi olan qadınlara öz nəvazişlərini göstərə bilmirlər. Elə hesab edirlər ki, bu an qadına hansısa xəsarət yetirə bilərlər. Bu da bəzən kişinin qadından uzaqlaşmasına da səbəb olur”.

Odur ki, E. Rüstəmov bu cür əməliyyatlardan öncə qadınların psixoloq məsləhəti almasını vacib sayır.


Şərhlər: 11
Baxılıb: 1034
Geriyə
loading...
Hörmətli Qonaq, siz sayta qeydiyyatsız istifadəçi kimi daxil olmusunuz.
Saytda şərh yazmaq, xəbər göndərmək və eləcə də digər hüquqlardan istifadə edə bilmək üçün QEYDİYYATDAN keçməyinizi məsləhət görürük.
EsmaNur
sine ne qeder balaca olsa o qeder yaxwidi

sine ne qeder balaca olsa o qeder yaxwidi
25 avqust 2015 03:09
# 11
Catwoman666
Hər zaman doğallıqdan yanayam.

...666...
16 avqust 2015 01:14
# 10
"All men must die, but we are not men"

Daenerys Targaryen
Fialka
Qadınların bu cür sinə estetik əməliyyatı etdirməsi heçdə xoş deyil baxmayaraq ki, bunu etdirənlər o cür düşünmür əksinə təbiiliyi ən əsası öz sağlamlıqları yerinə qarşı cinsin diqqətini üstün tuturlar hansı ki, olmaz olsun o cür diqqət...
15 avqust 2015 17:35
# 9
Milawka18
her weyin tebisi yaxwidir, en nifret etdyim wey qadin sud vezilerini silikon etdirmesidir
15 avqust 2015 17:21
# 8
toya hazirlaşıram))) Subay qizlarmız üçün olsun
ALESSANDRA
bele şeyleri hec sevmirme tebiiliye üstünlük verirem her zaman... 08
15 avqust 2015 17:14
# 7
Don't trust anyone ∆
vipbetul
bu cur estetik eetdiren qadinlara yaxsi baxmiram
15 avqust 2015 14:36
# 6
Of,If I stretch my hands,do you hold them in your hands,Sir?
Oh, do you look at my tearful eyes even once?
WiRiN BaLaM
hec seevmirem bu cür şeyləri çox pis görünür emeliyyat sonrası ))
15 avqust 2015 14:35
# 5
ALLAHım Məni SƏN Qaldır ki, Kimsələr yıxa BilməsiN ... melek
aziz a
Allah nece meslehet bilib elede yaradib...hansisa namehremin diqqetini cekmekden otru bu cur yollara el atmaq en boyik gunahdu....
15 avqust 2015 14:14
# 4
Qelbim doludu !!!!
Dosta_inam
Hec xoslamiram bu cur seyler, Allah veren gozellikle razilasmaq lazimdir, tebiilik gozellikdir.
15 avqust 2015 12:01
# 3
Əsl "DOST" göydəki ulduzlar kimidir, qaranlıq çöküncə ilk onlar görünər...
efsane..
insanlar bile bile oz saglamliqlarini nige bele mehv edirlerki anlamiram hemdeki bos yere
15 avqust 2015 10:42
# 2
BARBI
Sud vezilerinin emeliyatini hec xoslamiram. Qadinda suni goruntu yaradir
15 avqust 2015 08:05
# 1
Canımı yaktıktan sonra, hiç birşey olmamış gibi helallik isteyenler! Cehennemde yandığınızı görsem üzerinize benzin dökerim... !
İnformasiya
Qonaq qrupunda olanlar istifadəçilər bu xəbərə şərh əlavə edə bilməz.

(ana səhifəyə gedin.)

TEZKLİKLƏ

Adların mənaları Yuxuyozmalar
Xəbər lenti HAMISI
YeniQadin.Biz
Səsvermə
 

Bəs sizin bürcünüz nədir?

Qoç
Buğa
Əkizlər
Xərçəng
Şir
Qız
Tərəzi
Əqrəb
Oxatan
Oğlaq
Dolça
Balıqlar

 
 
HAMISI Ən çox oxunanlar
İdeal çəkini hesabla
Boyunuz : sm
Çəkiniz : kq
Yaşınız :
Cinsiniz :
İdeal Çəkiniz : kq
Fərq : kq

BÜRC UYĞUNLUĞU

Sevgilinizlə bürc uyğunluğunuzu öyrənə bilərsiniz