Həkim kollektivi Həkimə sual ver
Söhbət otağı
Süni mayalanmada uğurun sirri
Süni mayalanmada uğurun sirri
Göndərən: NoName
Şərhlər:
Baxılıb: 1165
Səs ver:
Süni mayalanmadan əvvəl özünüzü rahat hiss edin
Süni mayalanmanın uğurlu olması üçün ilk olaraq bunu özünüzü rahat hiss etdiyiniz mərkəzdə və vaxtda həyata keçirməlisiniz. Müalicə üçün həm maddi, həm də əhval olaraq hazır olmaq uğurun birinci açarıdır. Sonsuzluğun  bir xəstəlik olduğunu və düzgün müalicə ilə asanlıqla müalicə oluna bildiyini unutmadan müalicəyə başlamalısınız. Süni mayalanmada xəstənin yaşı və yaşla əlaqədar yumurta keyfiyyəti ilə bərabər, istifadə edilən texnologiyanın da böyük əhəmiyyəti vardır, lakin normal və ya süni mayalanma üsulu ilə hamiləliyin qazanılması üçün "keyfiyyətli yumurta”  ilkin şərtdir. Ölkəmizdə süni mayalanma müalicəsi bahalı olduğu üçün əsasən süni mayalanma mərkəzləri zəruri texnoloji avadanlıqlara malikdir və dünyada baş verən bütün texnoloji irəliləyişlərə asanlıqla adaptasiya olur.

Qarşılıqlı münasibət ən mühüm faktor olaraq
Süni mayalanmada uğur, ilk olaraq həkim-xəstə arasında olan qarşılıqlı münasibətdən asılıdır. Həkiminiz sizi nə qədər yaxşı tanıyarsa və haqqınızda nə qədər ətraflı məlumata malik olarsa, qoyacağı diaqnozu və tətbiq edəcəyi müalicəni bir o qədər düzgün müəyyən edəcəkdir. Həkiminiz ilə münasibətiniz nə qədər səmimi və möhkəm olarsa, bu stresinizi də azaldacaqdır və müalicə zamanı (bu uzun və yorucu prosesdir) nə qədər rahat və sakit olsanız bir o qədər uğur şansınız artacaqdır.

Həyat tərzinizi dəyişdirin
Süni mayalanma əsnasında həyat tərzinizdə həyata keçirəcəyiniz bəzi dəyişikliklər  uğur şansınızı artıracaqdır. Məsələn, siqaret çəkirsinizsə, istər süni mayalanma müalicəsi ilə hamilə qalmağa çalışdığınızda, istərsə də normal yollarla övlad sahibi olmaq istədiyinizdə siqareti atmaq, hətta siqaret çəkilən yerdə durmamaq uğur şansını artıran mühüm amillərdən iridir. Spirtli içkidən istifadə etməmək, mümkün qədər təbii qidalar qəbul etmək, yüksək temperaturda durmamaq yumurtalarınızın keyfiyyətini artıraraq uğur nisbətini olduqca yüksəldəcəkdir.

Maddi cəhətdən hazırlanın
Eyni zamanda, maddi cəhətdən də özünüzü hazır hiss etmədiyiniz zaman müalicəyə başlamaq stress faktorunu artırır. Yüksək əhval müalicənin ən yaxşı dərmanlarından biridir. Bu yalnız süni mayalanma müalicəsi üçün deyil, eyni zamanda bütün növ narahatlıqlar üçün dərmandır. Yuxarıda da qeyd olunduğu kimi, xəstənin əhvalı nə qədər yüksək olarsa, uğur şansı bir o qədər yüksək olar.

Süni mayalanmanın uğur nisbətləri
Süni mayalanmanın uğur nisbəti ilk olaraq qadının yaşından asılıdır. Süni mayalanmanın uğur nisbəti canlı doğuş ilə ölçülür. əlbəttə ki, qadının yaşı tək faktor deyil, qadının yaşı ilə yanaşı yumurtalıq ehtiyatı və kişinin sperma keyfiyyəti də mühüm amillərdəndir.

35 yaşdan aşağı qadınlarda süni mayalanmanın uğur nisbəti 40% olaraq qeyd edilir;
35-37 yaş arası qadınlarda uğur nisbəti 31%-dir;
38-40 yaş arası qadınlarda uğur nisbəti 21%-dir;
41-42 yaş arası qadınlarda uğur nisbəti 12,5%-dir;
43 yaşında olan qadınlarda uğur nisbəti 6%-dir.

44 yaşından yuxarı qadınlarda süni mayalanmanın uğur nisbəti 1% olaraq müəyyən edilmişdir və mütəxəssislər tərəfindən 44 yaşdan yuxarı süni mayalanmadan istifadə etmək məsləhət görülmür.

Yuxarıda da qeyd etdiyimiz kimi, süni mayalanmanın uğur nisbətinə təsir edən ən mühüm faktor qadının yaşıdır. Ana nə qədər gənc və yumurtaları keyfiyyətli olarsa, süni mayalanmanın uğur nisbəti o qədər yüksək olar. Sözsüz, hər gənc xəstədə eyni uğur əldə edilə bilməz. Xəstə 20 yaşında və yumurtaları zəif və keyfiyyətsizdirsə uğur nisbəti çox aşağı olacaqdır. Bununla belə, süni mayalanmanın uğur nisbətinə təsir edən bir sıra faktorlar vardır. Onlardan bəziləri aşağıdakılardır:

Ananın yaşı
Ananın yumurtalarının keyfiyyətliliyi
Cütlüyün nikah müddəti
Ananın bundan əvvəl hamilə olub olmaması
Ananın bundan əvvəl övladının düşürüb düşürməməsi
Atanın sperma sayı və keyfiyyəti
Bundan əvvəl keçirdikləri xəstəliklər
Hormon ilə əlaqədar problemlər və s.

Süni mayalanmanın uğur nisbəti klinikalardan asılı olaraq dəyişir. Lakin bu səhv nəticələr verə bilər. Bir çox klinika uğur şansı yüksək olan xəstələri müalicə edir, məsələn, gənc yaşlı xəstələri qəbul edir və uğur şansı aşağı olan xəstələri qəbul etməyərək uğur göstəricisini yüksəltməyə çalışır, daha doğrusu özünü uğur nisbəti yüksək olaraq göstərməyə çalışır. Bu səbəblə klinikaların uğur nisbətləri sizi yanıltmasın. Süni mayalanma müalicəsindən əvvəl klinikanı düzgün seçməli və əvvəlcədən klinik mərkəzlər haqqında araşdırma aparmanız məqsədə uyğun olardı.

Süni mayalanmanın mərhələləri
Müalicədən əvvəl hazırlıq
Süni mayalanma üsulu övlad sahibi ola bilməyən insanlar üçün son çarə kimi görünürdü. Lakin günümüzün texnologiyasında və tibb sahəsindəki irəliləyişlər süni mayalanma müalicəsini ilk, hətta yeganə çarəyə çevirmişdir. Hətta, günümüzdə yeni süni mayalanma üsulları meydana gəlmiş və uğur nisbətləri daha da yüksəlmişdir.

Süni mayalanma müalicəsinə qərar vermişsinizsə, aktiv müalicə müddətinə qədər yumurtalıqlarınızın müalicəyə hazırlanması üçün həkiminiz tərəfindən məsləhət görülmüş hamiləliyin yoxlanması üçün həb qəbul edə bilərsiniz. Hamiləliyin yoxlanması üçün qəbul edilən həblər sayəsində polikistik yumurtalıq sindromu ilə bağlı yumurtalıqların vəziyyəti yaxşılaşaraq hiperstimulyasiya adlanan həddindən artıq xəbərdarlıq ehtimalı azala bilər  və yumurtalıqlarınızda daha əvvəl qala bilən folikul kistaları keçə bilər.

Süni mayalanma müalicəsinin bəzi mərhələləri burada başlayır. Menstruasiyanızdan (aybaşı) 10 gün əvvəl GnRH analoqu adlı iynə və ya spreydən istifadə olunur. Bu iynə yumurtalıqlarınızın yuxuya getməsini təmin edir. Əgər daha aybaşı gec olursa progesteron tərkibli dərmanlardan istifadə edərək aybaşının istənilən zaman gəlməsini təmin etmək olar.

Müalicənin başlanğıcı
Süni mayalanma müalicəsinin tətbiqi mərhələsi Həkiminiz tərəfindən müayinə ilə başlayır. Bu müayinə menstruasiyanın 2-ci və ya 3-cü günü keçirilir və bu müayinə çox mühümdür. Bu müayinədə yumurtaların yuxuda olub olmaması müəyyən edilir. Əgər yumurtada kista mövcuddursa, bir neçə gün gözləmək və ya bir qədər uzadılma kimi seçimlər dəyərləndirilir. Süni mayalanmanın ən mühüm amillərindən biri olan yumurta ehtiyatınıza əsasən istifadə edəcəyiniz dərmanlar və onların dozaları müəyyən edilir.

Yumurtalıqların seçilməs
Süni mayalanmanın mərhələləri yumurtalıqların seçilməsi ilə başlayır. Süni mayalanma müalicəsinin tətbiqi hissəsinə başlamaq üçün yumurtalıqlarınızda bu və ya digər bir problem və ya maneə aşkar edilməmişdirsə, inyeksiya prosesi başlanılır. Bu proses 7-10 gün müddətindədir. Axşam saatlarında tətbiq ediləcək inyeksiyaları asanlıqla özünüz edə bilərsiniz. İnyeksiyadan necə istifadə etmək lazım olduğunu tibb bacısı sizə əvvəlcədən göstərəcəkdir.

Ultrasəs Müayinələrində və qan estradiol analizlərinin müəyyən ediləcəyi əməliyyatların aparılması üçün həkiminiz sizi yenidən mərkəzə çağıracaqdır. Daha sonrakı mərhələ olan yumurtaların toplanması üçün ən uyğun zaman və istifadə edilən dərmanların dozası bu prosesdə müəyyən olunacaqdır.

Yumurtaların toplanması
Yumurta toplamaq işi lokal və ya yüngül anesteziya tətbiq edərək aparılır və heç bir ağrı hiss edilmir. Siz yuxuda olarkən həkiminiz ultrasəsin ucuna taxılan iynə vasitəsi ilə yumurtalarınızı toplayacaqdır. Götürülən yumurtalar mayalandırmaq üçün laboratoriya göndərilir. Yumurta toplama əməliyyatının müddəti 20-30 dəqiqədən artıq olmur və son dərəcə qorxusuzdur. Yumurta toplama əməliyyatı başa çatdıqda 1-2 saat dincələrək evinizə gedə bilərsiniz.


Şərhlər:
Baxılıb: 1165
Geriyə
loading...
Hörmətli Qonaq, siz sayta qeydiyyatsız istifadəçi kimi daxil olmusunuz.
Saytda şərh yazmaq, xəbər göndərmək və eləcə də digər hüquqlardan istifadə edə bilmək üçün QEYDİYYATDAN keçməyinizi məsləhət görürük.

TEZKLİKLƏ

Adların mənaları Yuxuyozmalar
Xəbər lenti HAMISI
YeniQadin.Biz
Səsvermə
 

Saytın hansı bölməsini xoşlayırsınız?

Qadınlar.Biz həyatı
Gündəm - Magazin xəbərləri
Moda
Gözəl qadın
Bizim mətbəx
Sağlıqlı yaşam
Hamiləlik və Analıq
Qadın və Cəmiyyət
Münasibətlər
Həyat tərzi
Bürclər və Qoroskop
Bölümlü Hekayələr
Kişi dünyası
Oyunlar
Video - Musiqi

 
 
HAMISI Ən çox oxunanlar
İdeal çəkini hesabla
Boyunuz : sm
Çəkiniz : kq
Yaşınız :
Cinsiniz :
İdeal Çəkiniz : kq
Fərq : kq

BÜRC UYĞUNLUĞU

Sevgilinizlə bürc uyğunluğunuzu öyrənə bilərsiniz