Həkim kollektivi Həkimə sual ver
Söhbət otağı
Seks işgəncəsi
Seks işgəncəsi
Göndərən: NoName
Şərhlər: 2
Baxılıb: 1690
Səs ver:
Vaginizm haqqında çox eşitmisiniz. Aranızda bu problemi yaşayanlar da az deyil.  
 
Vaginizm xəstəliyi cinsi əlaqə zamanı ön sevişmədə heç bir problem yaşamayan, hətta  zövq alan qadınlarda cinsi birləşmə zamanı penisin vaginaya daxil ola bilməməsi və qadınların bu əsnada ağrı yaşaması problemidir.
 
Mütəxəssislərin fikrincə, vaginizm təkcə cinsi əlaqə zamanı sıxıntının yaşanması deyil, normal vəziyyətdə belə, vaginaya toxunmağın mümkünsüzlüyü deməkdir.
 
Ginekoloq Yayla Babayevanın sözlərinə görə, cinsi əlaqə zamanı vaginal sıxılma nəticəsində cinsi birləşmə ya heç olmur, ya da ağrılı şəkildə reallaşır. Bəzən vaginaya penisin sadəcə uc qismi girir və bu halda belə, hamilə qalmaq mümkündür: "Cinsi əlaqə zamanı sıxılmalar müxtəlif səviyyədə ola bilər. Vaginizm sıxılması zamanı qıçlar, omba bel, kürək və hətta vaginizm probleminin dərəcəsinə uyğun olaraq ayaq barmaqlarda da sıxılmalar müşahidə edilə bilər. Sıxılmaların səviyyəsi vaginizmin dərəcəsini müəyyən edir. Bəzi vaginizm xəstələrində sıxılmalar özlərinin belə, fərq edə bilməyəcəyi şəkildə olur”.
 
Bəzi qadınlarda vaginizm elə ilk toy gecəsindən başlayır. Bu qorxu ilə cinsi əlaqəyə girən qızlarda sıxılmalar böyük ağrılara səbəb olur. Sonradan cinsi əlaqəyə qarşı istəksizlik yaranır. Vaginizm zamanı sıxılmalar qadının idarəsi altında olmur.
 
Həkim bildirir ki, bəzi xəstələr penisin uc hissəsinin vaginaya daxil olmasına icazə versələr də, bəzi xəstələrdə heç bu da mümkün olmur.
Vaginizm xəstəliyi 90 faiz halda psixoloji problemlərlə, 10 faiz isə orqanik səbəblərlə (doğuş sonrası yaranan problemlərlərlə və ya sonradan keçirilən xəstəliklərlə) meydana gəlir.
 
Y. Babayeva deyir ki, vaginizm iki formada olur. Primer vaginizm (ilkin) istəksiz vaginal sıxılma səbəbi ilə heç bir cinsi əlaqəyə girə bilməmə halıdır. Primer vaginizm yaşayan qadınlar heç bir zaman cinsi əlaqəyə girə bilmirlər. Vaginizmdən əziyyət çəkən qadınların böyük bir hissəsi məhz primer vaginizm xəstəsidir.  
 
Sekonder vaginizm isə ikincili vaginizm deməkdir. Çox zaman normal cinsi həyatı olan qadınlar sonradan həkimə cinsi əlaqəyə girə bilməmə şikayəti ilə müraciət edir.  Sekonder vaginizm çox az halda yaşanılan bir haldır. Çox zaman ağrılı doğuş, ağrılı abort və ya zorlanma hadisəsindən sonra meydana gələ bilər.
 
Vaginizm düzgün diaqnoz qoyulduqda sağala bilən problemdir.
 
Psixoterapevt Nihad Məmmədovun sözlərinə görə isə, vaginizm qadının qorxularına  qarşı inkişaf etdirdiyi müdafiə cavabıdır: "Birləşmə zamanı vaginizmli qadınlar tərləmə, titrəmə, narahatlıq, ürək bulantısı, qarın ağrısı, qıçları bağlama, bədəni sıxma, qaz buraxma, nəfəsi tutma, ağlama, dayanma üçün yalvarma, qışqırma, qarşısındakını itələmə kimi əlamətlər nümayiş etdirir. Bunların hamısı deyil, bir neçəsi eyni anda müşahidə edilə bilər. Bu, qadından asılıdır”.
 
Həkim bildirir ki, vaginizm çox zaman günahkarlıq, utancaqlıq duyğusu ilə yanaşı inkişaf edir. Vaginizm problemi yaşayan qadınlarda ağrıdan qorxma, qaçma, depressiya, çarəsizlik, xəyal qırıqlığı, evliliyin bitə bilməsi düşüncəsi, cinsi istəksizlik və soyuqluq, cinsi əlaqənin təxirə salınması davranışları da müşahidə edilir. Qadın problemini danışmaqdan çəkinir və "dünyada bu problemi yaşayan tək qadın mənəm”, - deyə düşünür.
 
Hər qadın vaginizmdən eyni səviyyədə təsirlənmir. Bəzi qadınlar tampon istifadə edə, həkim müayinəsindən keçə, transvagianal USM etdirə bilir, təkcə cinsi əlaqə zamanı sıxılma yaşayır. Bəzi qadınlar çox ağrılı olsa da, birləşmə yaşaya bilir. Bəziləri isə heç birini edə bilmir: "Cinsi əlaqə zamanı öz genital bölgəsinə baxa, ona toxunma, genital bölgəni yox sayma bu qadınların yaşadığı problemlərdəndir. Müalicəsi asan və az müddətlidir. Bu, təkcə qadının deyil, ailənin problemidir. Fizioloji narahatlığın olub-olmadığını öyrənmək üçün əvvəlcə ginekoloq müayinəsi lazımdır. Bundan sonra bir terapistə müraciət edilməlidir. Müalicəyə qadın həyat yoldaşı ilə getməlidir”.
Vaginizm müalicəsində bir çox fərqli texnikalardan istifadə edilir. Bu, vaginizmin yaranma səbəblərindən asılıdır.
Vaginizm zamanı problem yalnız penisin vaginaya girməməsi deyil. Yəni bu, orqanlarla bağlı bir problem deyil. Bu, ruhun, beynin və bədənin ortaq problemidir.
Və bu, çox zaman güvənsizlikdən, inamsızlıqdan, sevgisizlikdən yaranır. Çünki qadın sevən zaman bütün hissləri ilə qarşısındakı insana açılır. Sevgi olmadığı zaman isə vaginizmlə yanaşı bir çox reflektor xəstəliklər müşahidə edilə bilər.


Şərhlər: 2
Baxılıb: 1690
Geriyə
loading...
Hörmətli Qonaq, siz sayta qeydiyyatsız istifadəçi kimi daxil olmusunuz.
Saytda şərh yazmaq, xəbər göndərmək və eləcə də digər hüquqlardan istifadə edə bilmək üçün QEYDİYYATDAN keçməyinizi məsləhət görürük.
BARBI
Elaqe bezi insanlara sirf iskence kimidir. Bu da kecirdiyi stresler sixintilar ve yasadigi pis hadiselerden asilidir
11 avqust 2015 07:07
# 2
Canımı yaktıktan sonra, hiç birşey olmamış gibi helallik isteyenler! Cehennemde yandığınızı görsem üzerinize benzin dökerim... !
Dosta_inam
Tesekkur etrafli melumat ucun, indi de xanimlar arasinda bu qorxu yaranib, Allah her kese yardim olsun.
11 avqust 2015 06:16
# 1
Əsl "DOST" göydəki ulduzlar kimidir, qaranlıq çöküncə ilk onlar görünər...
İnformasiya
Qonaq qrupunda olanlar istifadəçilər bu xəbərə şərh əlavə edə bilməz.

(ana səhifəyə gedin.)

TEZKLİKLƏ

Adların mənaları Yuxuyozmalar
Xəbər lenti HAMISI
YeniQadin.Biz
Səsvermə
 

Saytın hansı bölməsini xoşlayırsınız?

Qadınlar.Biz həyatı
Gündəm - Magazin xəbərləri
Moda
Gözəl qadın
Bizim mətbəx
Sağlıqlı yaşam
Hamiləlik və Analıq
Qadın və Cəmiyyət
Münasibətlər
Həyat tərzi
Bürclər və Qoroskop
Bölümlü Hekayələr
Kişi dünyası
Oyunlar
Video - Musiqi

 
 
HAMISI Ən çox oxunanlar
İdeal çəkini hesabla
Boyunuz : sm
Çəkiniz : kq
Yaşınız :
Cinsiniz :
İdeal Çəkiniz : kq
Fərq : kq

BÜRC UYĞUNLUĞU

Sevgilinizlə bürc uyğunluğunuzu öyrənə bilərsiniz