Bakıda hava
USD 1.0501 AZN
EUR 1.1906 AZN
RUB 0.0165 AZN
TRY 0.4244 AZN
Söhbət otağı
Həftəbecər turşusu
Həftəbecər turşusu
Müəllif: Ayten Melek
Şərhlər:
Baxılıb: 6531
Səs ver: +6
Düzdür, turşu sezonu qurtarmaq üzərədir, amma mən yenə də sizə bir turşu resepti yazmaq istədim. Turşu həvəskarıyam (yeməyi nəzərdə tuturam). Uşaqlıqda Bakıdakı həyətimizdə pərpətöyün bitərdi. Bacım və mən ondan yığıb bankalara doldurar, üstünə də sirkə tökərdik. Bİr həftəyə turşumuz hazır olardı. Fəxrlə yeyərdik. Özü də heç də pis alınmırdı. Təəssüflər olsun ki, Amerikada pərpətöyündən istifadə etmirlər. Onu yararsız ot hesab edirlər. Amma günlərin bir-günü Meksikan marketlərinin birində (burada Meksikalıların sayı çox olduğundan, çox sayda marketləri də var) gözümə tanış ot sataşdı. Üstündə ispan dilində "verdolaga”  yazılmışdı.  Diqqətlə baxdığımda gördüm ki, elə  bizim Bakıdakı həyətdə bitən pərpətöyünün eynisidir.  Sən demə, Meksika mətbəxində də pərpətöyündən istifadə edirlər, amma turşu üçün deyil - onun yeməyini bişirirlər. Nə isə, deyəsən pərpətöyün haqqında çox danışdım. Axı bu günkü turşu pərpətöyün turşusu deyil. Keçək turşumuzun izahına. Həftəbecər turşusunda bütün tərəvəzlər doğranıb bankalara yığılır. Bu turşunu hazırlamaq o qədər də çətin deyil. Sadəcə olaraq, tərəvəzləri doğramaq bir az vaxt aparır, amma eybi yoxdur, dəyər, çünki nəticədə öz əllərinizlə hazırladığınız turşunu süfrəyə çıxarmış olacaqsınız, özü də böyük fəxr hissiylə, eyniylə mənim pərpətöyün turşusunu hazırladığımdakı kimi:)

 

Həftəbecər  turşusu

2 litrlik banka üçün

500g badımcan (təxminən 3 ədəd) - kiçik kublara doğranmış
1 kg (1 orta boy) kələm - yarı bölünüb nazik-nazik  doğranmış
250 g (2 ədəd) yaşıl bibər - iri-iri doğranmış
1 acı bibır (əgər turşunuzun bir az acı olmasını istəyirsinizsə istifadə edin) - iri-iri doğranmış
500 g (4 ədəd) göy pomidor - iri-iri doğranmış
500 g (4 ədəd) yerkökü - uzunsov nazik-nazik doğranmış (digər tərəvəzlər kimi də doğraya da bilərsiniz)
1 kərəvizin sapı - iri-iri doğranmış
1 baş sarımsaq - doğranmış
1 stəkan xırda doğranmış nanə
1 stəkan xırda doğranmış cəfəri
4 xörək qaşığı duz

təxminən 300 ml ( 1/3 litr) və ya bankanı dolduracaq qədər sirkə


1. Doğranmış badımcanı aşsüzənə yığın və üstünə təxminən 2 xörək qaşığı duz səpin. Üzərinə ağırlıq (qapaq və ya qab) qoyun və 20 dəqiqə müddətində kənarda saxlayın. Sonra badımcanları yuyun,  yaxşıca süzün, suyunu sıxın və qalın salfet və ya kağız dəsmalla qurulayın.


 

2. Doğradığınız bütün tərəvəz və göyərtiləri iri ləyənə qoyun. Üstünə 2 xörək qaşığı duz səpin və əlinizlə ərzaqları yaxşıca qarışdırın. 20 dəqiqə müddətinə kənara qoyun.  Bu müddət ərzində tərəvəzlər sulanacaq.

 

3. Tərəvəzləri əlinizlə sıza-sıxa suyunu çıxardın. Sıxılmış ərzaqları bankaya doldurun. Üstünə sirkə töküb bankanı bağlayın. Turşunu sərin yerə qoyun. 1-2 həftəyə hazırdır.

 


/Mənbə: Fəridənin yemək kitabı/


Şərhlər:
Baxılıb: 6531
Geriyə
Hörmətli Qonaq, siz sayta qeydiyyatsız istifadəçi kimi daxil olmusunuz.
Saytda şərh yazmaq, xəbər göndərmək və eləcə də digər hüquqlardan istifadə edə bilmək üçün QEYDİYYATDAN keçməyinizi məsləhət görürük.

TEZKLİKLƏ

Adların mənaları Yuxuyozmalar
Xəbər lenti HAMISI
Səsvermə
 

Saytımızın film, serial (dizi) bölməsinin olmasını istərdinizmi?

1. Bəli
2. Xeyr
3. Baxdığım başqa sayt var

 
 
HAMISI Ən çox oxunanlar
İdeal çəkini hesabla
    Boyunuz : sm
    Çəkiniz : kq
    Yaşınız :
    Cinsiniz :
    İdeal Çəkiniz : kq
    Fərq : kq

BÜRC UYĞUNLUĞU

Sevgilinizlə bürc uyğunluğunuzu öyrənə bilərsiniz