Həkim kollektivi Həkimə sual ver
Söhbət otağı
23 yaşlı Aytacın ruhu rahatlıq tapmır, çünki ... - Deyirdi arvadımı boşayıb, səni...
23 yaşlı Aytacın ruhu rahatlıq tapmır, çünki ... - Deyirdi arvadımı boşayıb, səni...
Göndərən: NoName
Şərhlər: 7
Baxılıb: 2771
Səs ver:
23 yaşlı Nigar Vahabovanın başına gələnlər insanı dəhşətə gətirir. Bundan da dəhşətlisi isə cinayət işinin hələ də bir nəticəyə gəlib çıxa bilməməsidir.

İntihar çarəsizliyin son həddidir. Əlin hər yerdən üzülür, ayaqüstə dayana bilmirsən, "nə olursa olsun, bitsin" deyirsən. "Ölsəm də, qurtulsam" deyib arxada buraxdıqlarını düşünmədən özünü ölümün ağuşuna atırsan.

Və sənin üçün hər şey bitir bu dünyada. Olan səndən sonra qalanlara olur. Anan ağlını itirmək dərəcəsinə gəlir. Qardaşın eşitdiyi söz-söhbətdən boğulur. Bacın əzablarını heç kimlə bölüşə bilmir.

Bir də səni sağ olduğun zamanlarda sevməyən insanlar var ki, sən olmayandan sonra haqqında istədikləri kimi danışırlar. Biri "psixoloji problemi vardı" deyir, birisi "oğlan üstündə öldü" deyir. Hamı deyir, deyir… Sənin niyə intihar etdiyinin səbəbini heç kim, heç vaxt bilmir. Hamı danışır, öz bildiyini.

Deyirlər, bir də "İlahi ədalət" var. Amma İlahi Ədalətin bərqərar olmasına da hər canlı dözə bilmir.

23 yaşlı Nigarın dramı…

Cari ilin əvvəlində gənc qızın intihar etməsi xəbəri medianın gündəmini "zəbt etmişdi". 23 yaşlı Nigar Vahabovanın intiharı haqqında hər kəs bildiyini də yazırdı, bilmədiyini də…

Aradan 4 ay keçib, 4 aydır ki, Nigarın ailəsi qızın intiharında səbəbkar olanların cəzalandırılmasını istəyir. Və Nigarın bacısı Aytac Vahabova hadisənin bütün təfərrüatlarını Sputnik-ə danışdı.

"Bacım 19 yaşından, ali məktəbə daxil olandan işləməyə başladı. İlk iş yeri "İki Sahil" qəzeti idi. Qəzetdə mühasibatlıqda çalışırdı. Daha sonra, haradasa 2 il sonra oradan çıxıb, xaricdə təhsillə məşğul olan firmada çalışmağa başlamışdı", — deyir Aytac.

O, kiminsə kiməsə görə özünü öldürməsinə inanmır: "Kimsə insanı bu həddə çatdıra bilər ki, insan intihar etsin? Yəni bunun psixoloji səbəbləri çoxdur. Nigarın sevdiyi bir insan vardı. Bəhruz Əliyevlə bacım iki il əvvəl tanış olmuşdu. Aradan 3 ay keçəndən sonra mart ayında bacım öyrəndi ki, Bəhruz evlidir. Bacım onun evli olduğunu öyrənəndən sonra ayrıldı".

"Amma oğlan əl çəkmirdi. Yadıma gəlir, mart ayında bacıma böyük bir gül buketi — 101 ədəd gül göndərmişdi. Bacıma demişdi ki, "mən onsuz da yoldaşımdan boşanacağam, gəl barışaq". İyun ayında bacım artıq polisə ərizə verdi. Çünki Bəhruz onu rahat buraxmırdı. Bacım hara gedirdisə, bacımın qarşısını kəsir, hədələyir, "səni başqasına verməyəcəyəm" deyirdi", — Aytac nəql edir.

Dediyinə görə, Nigar, təxminən 7-8 ərizə ilə polisə müraciət edib: "Bir dəfə isə bacımla dalaşıb, bacımı vurmuşdu, bıçaq da çıxarmışdı üstünə. Bacım yenə polisə şikayət elədi. Ekspertiza rəyi də təqdim etdik. Bəhruz gəlib ağladı, yalvardı və iş dayandırıldı. Haradasa, Bəhruz 4-5 ay yoxa çıxdı".

Qızı ölümə aparan yol…

Aradan bir müddət keçəndən sonra Bəhruz yenidən Nigarın iş yerinə gedib, iş yerinin yanında onunla mübahisə edir. Həmin davadan sonra Nigar işdən çıxmalı olur. Avqust ayında Nigar öyrənir ki, Bəhruz yoldaşından boşanıb.

Amma Bəhruzu qəbul etmək istəmir. Bəhruza deyir ki, "mən səni istəmirəm, mən başqasıyla nişanlanacağam". Bəhruz Nigardan əl çəkmir, hər gün onu qarabaqara izləyir, qısqanclıq səhnələri göstərir, qızın yanında kimi görürsə, dava edir.

Nigarın bacısı danışır ki, Bəhruz Nigarı onun nişanlısına da qısqanırmış: "Hətta Nigarın yanında mənim nişanlımı görsə belə, dava salırdı. Bir dəfə kafedə oturmuşduq. Bəhruz gəlib bacımın çantasını götürüb getdi. Biz polisə şikayət etdik. Çanta qaytarıldı, telefon isə 10 gün sonra bacıma qaytarıldı".

"Aradan bir ay keçdikdən sonra Bəhruz Nigarı razı sala bilmədiyini görüb onunla çəkilmiş şəkilləri Nigarın bütün tanışlarına göndərdi. Biz yenə polisə şikayət etdik. Polisdən bizə bildirdilər ki, bu işdə cinayət tərkibi yoxdur", — müsahibimiz danışır.

Bu hadisə Nigarın qohumları tərəfindən də normal qarşılanmır. Böyük mübahisələr yaranır. Baş verən hadisələr Nigarı hər keçən gün bezdirir. Bir müddət keçir, Nigar elə düşünür ki, artıq sakitlikdir, Bəhruz əl çəkib. Amma heç nə onun düşündüyü kimi olmur…

Onun ruhu o vaxt rahatlıq tapacaq ki…

Aytac nənəsi xəstə olduğu üçün, onun yanında qalmalı olur. Və bir gün Nigar zəng edir ki, Bəhruzu yenidən poilsə verib: "Bəhruz gəlib onun yeni iş yerində dava saldığı üçün Nigar 102-yə zəng vurub şikayət edir. Aradan yarım saat keçsə də, heç kim hadisə yerinə göndərilmir. Nigar yenidən şikayət etidiyi zaman, başına bir iş gələrsə, Bəhruzun günahkar olduğunu deyir".

"Bazar günü Bəhruz bizə gəlir, qapını döyür. Açmırlar. Bəhruz anama deyir ki, "onsuz da Nigar səhər işə gedəndə onu tutub öldürəcəyəm". Anam deyib ki, polisə zəng edəcəyəm, çıx get. Bəhruz gedir. Birinci gün səhər tezdən yenə Bəhruz qapıya gəlir, döyür, ancaq açan olmur. Və bir neçə saat sonra bu hadisə baş verir. Nigarı ipdən də Bəhruz açır. Gedib təcili yardım çağırır və yenə "yoxa çıxır". Hadisə fevralın 8-də baş verir", — danışır həmsöhbətimiz.

Aytacın dediyinə görə, Nigarı Bəhruzdan onun yalanları soyudur, uzaqlaşdırır: "Bəhruz çox əsəbi, aqressiv biri idi. Nigarı hər dəqiqə izləyir, dava-dalaş salırdı. Hadisə baş verən günü axşam biz Nigarla mesajlaşırdıq. Dedi, "sənin toyun üçün paltar seçmişəm". Dedim niyə yatmırsan, dedi, "saçıma maska qoymuşam, qoy gözəl olsun". Özü üçün avtomobil alacadı, behini də vermişdi. Təhsil haqqını da ödəmişdi. O, özünü öldürən insana bənzəmirdi. Çox deyib-gülən zaraftcıl bir qız idi".

Aytac Vahabova baş prokuror Zakir Qaralovun da qəbulunda olub: "İşimiz Yasamal Rayon Prokurorluğunda idi. Cahangir Şükürlü nəzarət edirdi işə. Amma baxmırdı, gedib danışırdım. Deyirdi daha vacib işlərimiz var. Mən bacımın mesajlarını aparıb göstərdim, amma fikir vermirdi. Mən prokurorun görüşündə olandan sonra iş Yasamal Rayon Prokurorluğudan alınıb Bakı Şəhər Prokurorluğuna verildi. İndi işimiz ordadır".

4 ay öncə həyata yeni atılmış bir qız həyatla vidalaşdı. Günahkarın kim olduğu bilinməsə də, günahkar cəzalandırılmasa da, ömrünün baharında bir gözəl torpağa qarışdı. Bəlkə də Nigarın "qatili" (onu intihar həddinə çatdıran insan) hüquq mühafizə orqanları tərəfindən layiqli cəzasını almayacaq. Amma gün gələcək, İlahi ədalət bərqərar olacaq. O gün Nigarın da ruhu rahatlıq tapacaq. Buna inanıram.


Şərhlər: 7
Baxılıb: 2771
Geriyə
loading...
Hörmətli Qonaq, siz sayta qeydiyyatsız istifadəçi kimi daxil olmusunuz.
Saytda şərh yazmaq, xəbər göndərmək və eləcə də digər hüquqlardan istifadə edə bilmək üçün QEYDİYYATDAN keçməyinizi məsləhət görürük.
vipbetul
bu cur olumler oluqda muemmali olur tam tefsilatiyla usdu acilmir ferziyelerle kifayetlenmeli olursan
8 iyun 2016 14:19
# 7
Of,If I stretch my hands,do you hold them in your hands,Sir?
Oh, do you look at my tearful eyes even once?
elanora
O oglan heyatda yasamamalidi
8 iyun 2016 14:08
# 6
yarpaq33
Oxuduqca cox pis oldum oglanda psixoloji problerin oldugu bellidir heyifki bele psixlerin qurbani gozel savadli qizlar olur Allah rehmet elesin inseallah haqq edalet oz yerini tapacaq
8 iyun 2016 13:50
# 5
Rebbinin adini zikr et ve ozunu tamamile Ona hesr et
Asya
Diqqət! Sizdə gizli mətnin baxışı üçün hüquq yoxdur.
8 iyun 2016 13:34
# 4
Barbaris
Allah rehmet elesin..tesirli hadise olub
8 iyun 2016 13:25
# 3
☆Arxamca danışan insanların xəyallarında imzam var ☆
Ekizlerin mamasi
Cox tesirli hadisedi.sevilmediyini bile bile ozunu bu qeder alcaltçagi kisi olan bendeye yarasdurmiram.bu sadece alcaqligdi.
8 iyun 2016 13:12
# 2
Xosbextlik-ezizlerimin ehatesinde,yoldasimin yaninda,ekizlerimle kecirdiyim gunlerdi.
canr
Oxudum Çox tesirlendim.Allah rehmet elesin.
8 iyun 2016 12:54
# 1
HƏYAT GÖZƏL YAŞAMAĞA DƏYƏR
İnformasiya
Qonaq qrupunda olanlar istifadəçilər bu xəbərə şərh əlavə edə bilməz.

(ana səhifəyə gedin.)

TEZKLİKLƏ

Adların mənaları Yuxuyozmalar
Xəbər lenti HAMISI
YeniQadin.Biz
Səsvermə
 

Bəs sizin bürcünüz nədir?

Qoç
Buğa
Əkizlər
Xərçəng
Şir
Qız
Tərəzi
Əqrəb
Oxatan
Oğlaq
Dolça
Balıqlar

 
 
HAMISI Ən çox oxunanlar
İdeal çəkini hesabla
Boyunuz : sm
Çəkiniz : kq
Yaşınız :
Cinsiniz :
İdeal Çəkiniz : kq
Fərq : kq

BÜRC UYĞUNLUĞU

Sevgilinizlə bürc uyğunluğunuzu öyrənə bilərsiniz