Həkim kollektivi Həkimə sual ver
Söhbət otağı
Vüsalə: "Kimlərisə itirdiyimə, nələrisə itirdiyimə görə Allahıma minnətdaram" - müsahibə
Vüsalə:
Göndərən: NoName
Şərhlər: 24
Baxılıb: 1580
Səs ver:
Teleaparıcı Vüsalə Əlizadənin müsahibəsini təqdim edirik.

- Vüsalə xanım, bir neçə günə ad gününüzdür. Özəl gününüzü adətən necə qeyd edirsiz?
- Ad günümü həyatımın özəl bir günü kimi qeyd edirəm. Təbii ki, uşaqlıqda bu daha maraqlı idi. Ad günüm yay ayına təsadüf etdiyi üçün bütün ailə və dostlarımla Buzovnada bağ evində qeyd edirdik. İlk dəfə 20 yaşımda hiss etdim ki, ad günümdür və qəfildən ağladım. Çünki böyümək istəmirdim, uşaq qalmaq istəyirdim. Bu hadisə heç vaxt mənim yadımdan çıxmaz. Bir neçə il ad günümü qeyd etmədim, bu il isə qeyd edəcəyəm.

- Builki ad gününüzə necə hazırlaşmısız? Özəl gününüzə kimlər dəvətlidir?
- Mənim ad günlərim həmişə çal-çağırlı və gözəl keçib. İndi də həmkarlarımı ad günümə dəvət edəndə razılıq edirlər. Bu gün ildə bir dəfə olduğu üçün istəmişəm ki, maraqlı olsun. Əgər gələn qonaqlar məni sayıb gəlirlərsə, onlara xüsusi hörmət olmalıdır. Özüm də dost-tanışlarımın ad günlərindən qalmıram. Bəzən də şahidi oluram ki, qonaqlar narazı gedirlər. Ya yeməklər yaxşı olmayıb, ya da qarşılanma. Məndə heç vaxt bu cür hallar olmayıb. Gələn qonaqların qulluğunda durmaq mənim üçün çox önəmlidir.

- Ad gününüzün bir sürprizini demək istəyirəm. Yəqin ki, etiraz etməzsiz.
- Buyurun, deyin. Söz verirəm, əgər düzgündürsə, təsdiqləyəcəyəm (gülür).

- Eşitdiyimə görə, gələn qonaqlar hamısı ağ libasda olacaqlar.
- Bəli, düz eşitmisiz. Yəqin, mənə yaxın olan insanlardan kimsə sizə deyib. Hamı kimi olmaq istəmirəm, buna görə də həmişə fərqlənmək, seçilmək istəmişəm. Rəfiqələrim öz ad günlərində də, uşaqlarının ad günlərində də təşkilati işləri mənə həvalə edirlər. Deyilənə görə, gözəl ideyalarım var. Yay olduğuna görə məkan kimi dəniz kənarını seçmişəm. Sözün düzü, qonaqların ağ libasda olması mənim keçənilki ideyam idi. Bəlkə də, onlar üçün nə qədər önəmli olduğumu hiss etmək istəmişəm. Yaxşı da hazırlaşırlar (gülür). Keçən il bu ideyanı həyata keçirmək nəsib olmadı, çünki babam rəhmətə getdi. Amma elə bilməyin ki, sürpriz təkcə bununla bitir.

- Məxsusi hədiyyə gözlədiyiniz insan varmı?
- Xeyr, həyatımda məxsusi belə bir insan yoxdur ki, ondan hədiyyə gözləyim. Səmimiyyətim, doğmalığım olmayan bir insandan hədiyyə qəbul da etmərəm. Özümü heç vaxt o həddə, o səviyyəyə gətirmərəm. İnsanın canı ağrıyanda onun doğmaları da, dostları da gözünə görünmür. Allahdan özümə cansağlığı, güc, qüvvə istəyirəm. Bilirəm ki, yaxınlarım məni bu xoş günümdə sevindirəcəklər.

- Nə vaxtsa ailə qurmaq istəyirsiz?
- Çox insanlar var idi, deyirdilər ki, mən filan şeyi etmərəm, amma hamısı etdilər. Onun üçün də heç vaxt "heç vaxt" demək lazım deyil. Bu dəqiqə hələ ki, ailə qurmaq fikrim yoxdur.

- Amma müsahibələrinizin birində ailə qurmaq istəyinizi bildirmişdiniz, hətta namizədin olduğunu da demişdiz.
- Baxmayaraq ki, müsahibə vermişdim, amma mən istəməmişəm. Bunu, əlbəttə ki, zaman göstərəcək. Hələ mənim özüm, övladım, karyeram üçün edəcəklərim çoxdur. Allah özümə güc verib, işlərimin öhdəsindən özüm gələ bilirəm. Ailə qurmağı Allah qismətimə yazıbsa, görəcəyik. Olmasa da həyatımdan da, taleyimdən də razıyam. Məni sevən insanlar yanımda olsun, yetər. Ədavət, kin, dava dünyada qalır. Ölüb gedirsən, ya rəhmət oxuyurlar, ya da lənət. Kimlərinsə hesabına gəlib bu yerə çıxmamışam, kimlərinsə hesabına yaşamamışam. Buna görə də ünvanıma həmişə xoş sözlər eşidirəm. Elə insanlar var ki, evi var, maşını var. Amma onları Allah mənim kimi sınaqlardan çıxarıb yenidən dünyaya qaytarmayıb. Onlara Allah ən problemli bir vəziyyətdə şirin nemət olan övlad payını verməyib.

- İnsanların sizə qarşı olan hansı münasibəti sizi qıcıqlandırır?
- Təbii ki, həyatda yaxşı insanlar da var, pis insanlar da. Dünya yaxşı ilə pisin üzərində qurulub. Bir-birini gözü götürməmək, haqsızlıq, paxıllıq dünya yaranışdan olub və olacaq. Amma yaltaqlıq qədər qıcıqlandığım ikinci pis xüsusiyyət yoxdur. Son bu iki ildə səni gördü, sənəcik, məni gördü, mənəcik insanlar çox rastıma çıxıb. Mənim üçün ya bir insan var, yüksək səviyyədədir, ya sıradan biridir, hamı kimidir, ya da yoxdur. Kimdənsə mənə, məndən ona, ondan mənə söz aparan insanlar da çoxdur. Bilmirəm onlar bunu etməklə nə xeyir görürlər? Bu xasiyyət insanları gözümdən tez salır.

- Dediyiniz paxıllıq televiziyadakı həmkarlarınıza da aiddir?
- Bəli, televiziyada həddindən artıq çox paxıllıqla rastlaşmışam. Bilmirəm nədən irəli gəlirsə, məni gözü götürməyən insanlar çoxdur. Mən bunu çəkinmədən deyirəm. Allah hamını pis niyyətli, şər atan insanlardan qorusun. Təbii ki, insanlar hamısı korlanmayıb. Haqqı, dürüstlüyü, düzlüyü görənlər də var. Mənə paxıllıq edən həmkarlarım da çoxdur. Elələri var ki, bunu açıq-aydın büruzə verir, hiss edirəm. Elələri də var ki, üzümə gülürlər, amma içlərində rahat deyillər. Ağız açılır, dişlər görünür, amma gözlərindən ilan çıxır. Mənə qarşı olacaq pis bir şeyi o dəqiqə hiss edirəm. İndi tanıyıb, sevdiyiniz aparıcıların 99 faizi efirdə olmayanda Vüsalə var idi. Hətta bu gün məndən öyrənib, dəst-xəttim ilə gedən, stajorum olan aparıcılar da var. Amma nədənsə onlar mənim televiziyaya qayıtmağımı istəmirdilər. Yenidən öz solo-fəaliyyətimə öz adımla qayıtmağım çoxlarını narahat edirdi. İş burasındadır ki, kişi teleaparıcılar da mənə paxıllıq edirdilər. Qadınları yenə də başa düşmək olar ki, qadındır. Oğlan teleaparıcılardan narahat olanları var idi ki, Vüsalə qayıdıb.

- Keçmişə baxanda daha çox nəyə təəssüflənirsiz? İndiki Vüsalə olsaydım, bunu etməzdim deyə...
- Çox vaxt deyirəm ki, kaş ki, 16 yaşıma qayıda biləydim. Amma sonra öz-özümə gülürəm ki, bu nə arzudur? Mən ümumiyyətlə olanlarla yaşamağı sevən insanam, xəyallarla yaşamağı sevmirəm. Təbii ki, insan keçmişini unutmamalıdır. Kimlərisə itirdiyimə, nələrisə itirdiyimə görə Allahıma minnətdaram. Deməli, Allah pis insanları qarşıma çıxarıb ki, yaxşıların qədrini bilim, onlara həyatıma girməyə yol verməyim. Yaxud da əgər başıma pis iş gəlibsə, Allah məni ayıltmaq üçün edib. Həqiqətən də pisi görməsən, yaxşının qədrini bilməzsən. Mən o səhvləri etməsəydim, indi yaxşılar olmazdı. Mən ayaqlarım üstə durmağı bacaran insanam, buna görə də həmişə mübarizə aparmışam. Allah mənə çıxılmaz sınaqlar verdi, amma bu sınaqlardan çıxış yolunu da göstərdi.

- Sosial şəbəkələrdən də istifadə edirsiz. İnsanlar daha çox nə ilə maraqlanırlar?
- Bəlkə də, çox az tanınmış insanlardanam ki, tamaşaçılarımın, izləyicilərimin hər bir sualına imkanım çatan qədər cavab verirəm. Saymazlığı sevmirəm. Sosial şəbəkədə şəxsi həyatımla bağlı olan suallara qadağa qoymuşam. Hər dəfə də insanlar eyni şeyi təkrarlayırlar. İnsanlar kiminsə yaxşı, yaxud pis halından zövq almağı xoşlayırlar. İnsanın pis gününə sevinənlər o qədər çoxdur ki. Düzünü deyim ki, ən azı, tərbiyəsizliyinə və inadına görə gündə 10 insanı izləyici səhifəmdən silirəm. Məni mənə dəyər verən insanlar baxıb izləsinlər, bu mənim üçün yetərlidir.

- Yeni mövsümdən aparıcısı olduğunuz "Qadına görə" verilişi davam edəcək, yoxsa tam yeni bir layihə ilə tamaşaçıların görüşünə gələcəksiz?
- İnşallah, davam edəcəyik. Yenilikləri indidən danışmaq istəmirəm. Çünki düşər-düşməzi var. Mənə əvvəldən demək düşmür.

- Qızınızın kaprizlərinə dözürsüz?
- Əlbəttə. Qurban olaram ona. Mən onunla nəfəs alıram. İşdən yorğun gəlirəm, görürəm ki, nəsə yeni söz deməyi öyrənib. Ürəyim gedir gülməkdən. Evə çatan kimi mənimlə oynamaq istəyir, mən isə o qədər yorğun oluram ki, oynamağa həvəsli olmuram. O mənim həyatımda heç kimlə əvəz olunmayacaq bir varlıqdır. Allah sizə qismət etsə, biləcəksiz ki, atalar ana kimi olmurlar, ana başqadır. Allah qədrini, dəyərini bilən insanlara övlad nəsib etsin.

- Gözəllik salonuna çox pul xərcləyirsiz?
- Deməzdim ki, salonlara çox pul xərcləyirəm. Mənə görə, nəinki xanımlar, kişilər də özlərinə baxmalıdırlar. Səliqəli, baxımlı kişiləri bəyənirəm. İşlərim o qədər çox olur ki, heç özümə baxmağa vaxtım da olmur. Xüsusi tədbirlərə gedərkən saç düzümümü, makiyajımı gözəllik salonunda edirlər. Verilişlərdə olan makiyajımı özüm edirəm. Çox bəzək-düzəyi sevmirəm. Sadəlik insanın gözəlliyidir.

- Plastik əməliyyatlara münasibətiniz necədir?
- Heç vaxt üzümə plastik əməliyyat üçün əl gəzdirilməyib. Facebook-da olan mənasız səhifələrdən birində şəklimi paylaşıb, yazıblar ki, "Hər yeri plastikdir, bezdik bu silikonlardan". Nə qədər düşüncəsiz insan olasan ki, baxıb hiss etməyəsən ki, bu insanda silikon yoxdur. Ehtiyac olsaydı, bəlkə də, əməliyyat keçirərdim. Amma heç bir qüsuru olmadan plastik əməliyyat keçirən insanları qınayıram. Çox plastik əməliyyat keçirib, bərbad halda olan qadınlar var ki, hamısı bir-birinə oxşayır. Bəylər də belə xanımlardan bezir. Allah göstərməsin, elə bir hadisə olar ki, mənim də əməliyyata ehtiyacım olar. O halda etmək labüddür. Kimlərəsə xoş gəlmək üçün heç vaxt plastik əməliyyat keçirmərəm.


Şərhlər: 24
Baxılıb: 1580
Geriyə
loading...
Hörmətli Qonaq, siz sayta qeydiyyatsız istifadəçi kimi daxil olmusunuz.
Saytda şərh yazmaq, xəbər göndərmək və eləcə də digər hüquqlardan istifadə edə bilmək üçün QEYDİYYATDAN keçməyinizi məsləhət görürük.
Mrs.Pianist
Gozel xanimdi.
12 iyul 2015 17:26
# 24
Acısı çox olan qizların guluşu gozel olur.!
Catwoman666
ele bele tanyiram Vusaleni. amma gozel xanimdi
12 iyul 2015 04:26
# 23
"All men must die, but we are not men"

Daenerys Targaryen
VIP
Gözəl xanımdı
12 iyul 2015 03:00
# 22
Başımın üstündə Allah,yanımda ailəm olsun.
yaz_yamuru
Coox beyenirem vüsaleni hem gozel xanimdi hem de sade yerini bilen biridi Allah qizini ona onuda qizina cox gormesin
11 iyul 2015 16:50
# 21
Brilliantam
Vusale cox yaxsi qizdir.
11 iyul 2015 12:22
# 20
BIR GUN OLMEK UCUN,HER GUN YASAYIRIQ.
Luna-90
Yaxsi qizdi .bunlar zaur gunaydandan mehsur cutluk idi her yere 1gedirdiler eyni verilisi aparirdilar cox xosbext ve mehriban idiler taaaki azer kisilikden kenar hereket edene kimi .hele ayrilmamisdilar deyir mene valideynlerim demisdi onu alma kaski onlari dinliyerdim.kul kisi basina .kisiki oz sevgisini idare ede bilmir pultu kiminse elindedi ondan kisi olmaz
11 iyul 2015 12:13
# 19
Hec zaman
Hiss etmediyim Hissi ,
Hiss etdiyimde,
Hiss etdimki,
bu Hissi mene
Hiss etdiren
SeNSeN!¡
Sucan
sirindi
10 iyul 2015 20:26
# 18
GünƏşimƏ_AiD_
Sitat: aziz a
Vusale gozeldi.ondan sonra Azere nifret edirem.

mendeee mence gozel xanimdi....ve ailesin seven
10 iyul 2015 20:17
# 17
"Hec kim senden artiq deyildir"
"Nede sen kimdense artiq deyilsen"
"Yixildin dur
Vuruldun vur"
"Heyat ascimasizdisa sende acima!!!"
wenikmurik
gozel xanimdi evveldaha cox mewhur idi
10 iyul 2015 19:05
# 16
Bugunume wukr!
aliceWOnDer
Gozel xanimdi...
10 iyul 2015 18:24
# 15
Mən xoşbəxt bir kəpənəyəm yaşasam da,ölsəm də..
Sirine
tanimiram amma coxwirin gorsenir)
10 iyul 2015 17:53
# 14
....
ayka95
Beyendim
10 iyul 2015 16:31
# 13
vipbetul
xosbext olsun

xosbext olsun
10 iyul 2015 14:56
# 12
Of,If I stretch my hands,do you hold them in your hands,Sir?
Oh, do you look at my tearful eyes even once?
anonim
Vusaleni cox beyenirem.gozeldi
10 iyul 2015 14:54
# 11
haminin coxlu arzusu olur.menimde coxlu arzularim var.ama en birinci odurki bebesimiz olsun.Allah hec bir evi usagsiz etmesin.her evden usag qigiltisi sesi gelsin.Allah hec kimi usagnan imtahana cekmesin.Allah xeyirli ovlad qismet etsin.Allah ne virir versin qiz oglan ferqi yoxdu saglam versin.Amin InsAllah
Nur k-off
Yaxsi musahibe alinib gozel xanimdir Vusale
10 iyul 2015 14:50
# 10
SVETA
aziz a
Vusale gozeldi.ondan sonra Azere nifret edirem.
10 iyul 2015 14:46
# 9
Qelbim doludu !!!!
Aydan Habili
Verilisinin anonslari çoxdan gedir hele başlamayıb ki? ??
10 iyul 2015 14:43
# 8
Dosta_inam
Gözel xanımdır bexti gözel olsun.
10 iyul 2015 14:39
# 7
Əsl "DOST" göydəki ulduzlar kimidir, qaranlıq çöküncə ilk onlar görünər...
KRALİCEM
Beyeniyer vusaleni sadedi
10 iyul 2015 14:22
# 6
Çox çetindir üreyin yanarken "qismet" deyib susmaq...
xeyalperest
Men evvel bu xanimi cox beyenirdim amma deyişib sanki musahibesinden de hiss eledoim
10 iyul 2015 14:21
# 5
Allahim sozlerimi nece aciqlayim?Bu sozlerde sendendir,yene sene donmekdedir.
BARBI
Maraqli alinib musahibesi. Cox gozel xanimdir
10 iyul 2015 13:54
# 4
Canımı yaktıktan sonra, hiç birşey olmamış gibi helallik isteyenler! Cehennemde yandığınızı görsem üzerinize benzin dökerim... !
yarpaq33
Suallara cox semimi cavab verib
Beyendiyim xanimdi xowbext olsun
10 iyul 2015 13:54
# 3
Rebbinin adini zikr et ve ozunu tamamile Ona hesr et
qanadli melek
Gozel xanimdi inwallah yeniden aile qurub xowbext olar
10 iyul 2015 13:45
# 2
Bezen herseyin tek bir cavabi vardir...BiLMiREM..
lelos
beyenirem bu aparicini
10 iyul 2015 13:32
# 1
her ümüdün puça çixandan sonra yeni bir ümüde sarilmaqdi yaşamaq
İnformasiya
Qonaq qrupunda olanlar istifadəçilər bu xəbərə şərh əlavə edə bilməz.

(ana səhifəyə gedin.)

TEZKLİKLƏ

Adların mənaları Yuxuyozmalar
Xəbər lenti HAMISI
YeniQadin.Biz
Səsvermə
 

Bəs sizin bürcünüz nədir?

Qoç
Buğa
Əkizlər
Xərçəng
Şir
Qız
Tərəzi
Əqrəb
Oxatan
Oğlaq
Dolça
Balıqlar

 
 
HAMISI Ən çox oxunanlar
İdeal çəkini hesabla
Boyunuz : sm
Çəkiniz : kq
Yaşınız :
Cinsiniz :
İdeal Çəkiniz : kq
Fərq : kq

BÜRC UYĞUNLUĞU

Sevgilinizlə bürc uyğunluğunuzu öyrənə bilərsiniz