Həkim kollektivi Həkimə sual ver
Söhbət otağı
Rəqqasə Aytən: "Sponsor bir gecəlik əyləncədir" - Video
Rəqqasə Aytən:
Göndərən: NoName
Şərhlər:
Baxılıb: 3330
Səs ver:
Tanınmış rejissor sənət adamlarını "zibil yeşiyinə tullanan əl salfeti" adlandırıb. Qeyd edək ki, N.Naiboğlunun əməkdaşlıq etdiyi sənət adamları arasında rəqqasə Aytən də var. Tanınmış rəqqasə isə "Reytinq"ə müsahibəsində maraqlı faktlar açıqlayıb:

- Nail Naiboğlu düz deyir. Biz onunla dostuq. Düzdür, əvvəllər bir-birimizi sevmirdik, amma sonradan dost olduq. Amma bu o demək deyil ki, bütün kliplərimi Ќail çəkməlidir. Sənətdə belə qayda yoxdur. Buna baxmayaraq, Türkiyədə klip çəkdirəndə Naildən müəyyən məsləhətlər aldım. Bəlkə də rəqqasələ-rin arasında Ќailin ən çox hörmət etdiyi adam mənəm.

- Məmur övladlarının toyuna dəvət alırsınız?
- Əlbəttə. Həm də çox.

- Belə toylarda Sizə münasibət necə olur?
- Məni hörmətlə qarşılayırlar. Mən də səhnəyə çıxıb öz sənətimi nümayiş etdirirəm. Sonra isə ürəkdən alqışlayırlar.

- Yəqin məmur övladlarının toylarında daha çox pul qazanırsınız...
- Toyların pulunu əvvəlcədən danışıram. Mən toylara şabaş üçün getmirəm. 6 ildir ki, şabaş yığmıram. Türkiyə layihəsindən sonra getdiyim toyların qiyməti ikiqat artacaq. Çünki mən həmin klip üçün çoxlu pul xərcləmişəm. Ay ərzində cəmi bir toya getsəm də olar. Amma əsas odur ki, istədiyim məbləği ala bilim. Qiymət deyəndə restoran müdirlərinin gözü böyüyür. Səhnəyə yarıçılpaq çıxdığım üçün çox pul istəyirəm. Mən səhnədə sənət, rəqs nümayiş etdirirəm. Ona görə də, mən, müğənnilərdən çox pul almalıyam. Bu, tək mənə deyil, bütün rəqqasələrə aiddir.

Biz rəqqasələr hər zaman tamaşaçı qarşısında çılpaq oluruq. Səhnədə olanda başıma min iş gələ bilər. Ayaqqabım qırıla, paltarım üstümdən çıxa bilər. Səhnədə o qədər ayağım burxulub ki. Dəfələrlə zədə almışam. Mənə "baha qiymətə gedirsən",- deyən restoran müdirlərinin heç biri ayağımı müalicə elətdirməyib. Bəzən elə olub ki, aldığım pulun üstünə beş qatını da qoyub xəstəxanaya vermişəm.

- Səhnədə Aytən önə çıxır, yoxsa sənət?
- Əlbəttə, sənətim. Fikrim ancaq ritmdə olur. Mənim bir sifətim var, səhnədə necəyəmsə, həyatda da eləyəm. Zarafatcılam, səmimiyəm, amma sirr saxlayan deyiləm, nəyim varsa, hamısı ortada və səhnədədir. Çox vaxt məni qınayırlar ki, niyə belə üzdəsən, bir az qapalı ol. Deyirəm, gedin işinizlə məşğul olun. Bu gün mənim taksi ilə gəzməyim ayıbdır? Mənim altımda maşınım da var. İstəsəm luks maşın gətirdərəm. Səmimi deyirəm, mənim altımda maşın olanda Röyanın maşını yox idi. Mən 2000-2001-ci ildən danışıram. Maşın, ev hamısı boş şeylərdir.

- Boş şey saydığınız maşını və evi öz zəhmətinizlə əldə etmisiniz?
- Azərbaycanda heç bir müğənni, heç bir rəqqasə deyə bilməz ki, mən sənətimin hesabına dolanıram. İlk öncə arxanda dayanan biri olmalıdır. Sponsor çirkin bir şeydir. Sevdiyin bir insan isə arxan, dayağın olmalıdır. Həmin insan hər zaman yanında olmalı, səni hər cəhətdən təmin etməlidir. O, səmimi sevgilin, eyni zamanda dostun olmalıdır. Bunu sözün həqiqi mənasında dost, sevgili etməlidir. Sponsor isə bir gecəlik əyləncədir, vəssalam. Mənim də sevdiyim, sənətimə dəyər verən biri var. Həmin insan illərdi ki, mənim arxamdadır. Bu sirri ilk dəfə sizə açıram.

- Sevdiyiniz o şəxs sevgisində səmimidir?
- Sənətimlə bağlı bir az deyingənliyi var. Amma sevgisində səmimidir.

- Yəni əminsiniz ki, bu gün səhnəyə hər hansı bir rəqqasə gəlsə, həmin şəxs Sizi atıb onu tutmayacaq?
- Heç vaxt belə bir şey ola bilməz. O, mənim sənətimi yox, özümü sevir. Rəqqasə kimi yox, qadın kimi sevir. Biz iş toplantılarında, başqa yerlərdə olmuşuq. O, hər zaman mənə dəstək verib. Mən həmişə çalışıram ki, işlərimi özüm həll edim. Allaha şükürlər olsun ki, nə istəyirdimsə, hamısını əldə etmişəm. Amma bu günə kimi öz biznesimi qura bilməmişəm. Başımı biznes işinə soxa bilmərəm. Biznesi ancaq sənətimlə qurmaq istəyirəm.

- Nə etmək istəyirsiniz?
- Məktəb açmaq istəyirəm. Amma istəyirəm ki, öz yerim olsun. Mən icarəyə yer götürmək istəmirəm. İllərlə işləyən yer olsun. Amma icarəyə götürülən yer müvəqqətidir. Bir dəfə icarəyə yer götürdüm, alınmadı. Arada anlaşılmazlıq olur, bir də baxırsan işin olur, insanın başına çox şey gəlir. Ona görə də məndən rəqs öyrənmək istəyən qızlar hələ gözləsinlər. Məktəb açan kimi dəvət edəcəm. Demək olar ki, işin 50 faizini artıq həll etmişəm.

- Ailəlisiniz?
- Yox. Çünki buna ehtiyac yoxdur. Sevdiyim insan var və o, mənim yanımdadır. Həyatda nə istəmişəm, hamısına nail olmuşam. Bu da mənim ürəyimin təmizliyindən irəli gəlir. Nə istədimsə, Allahım onu mənə verdi. Bir kimsəyə pisliyim dəyməyib. Çox vaxt efirdə məni həyasız kimi qələmə verirlər. Sadəcə, özümü əzişdirməyi sevmirəm. Sənətimin arxasınca pis danışmağa könlüm razı verməz.

- Sizə kənardan həyasız deyil, cazibədar qadın deyirlər...
- Bu, öz yerində. Amma hamı mənə həyasız deyir. Bunun da günahı mənim özümdədir. Efirə çıxıram təhqir edirlər, gördüyün işə əxlaqsızlıq kimi baxırlar. Sən onu necə qəbul edərsən? Mən həmin adamı öldürərəm. Onun əxlaqsız dediyi işdən mən evimə çörəkpulu aparıram. Mən ailəmi illərdir həmin pulla saxlayıram. Belə şeylərlə qarşılaşanda istər-istəməz özümdən çıxıram. Efir, kamera vecimə deyil. Açıram ağzımı, nə gəldi deyirəm. Amma son vaxtlar heç bir qalmaqala baş qoşmuram. Heç bir rəqqasə ilə işim yoxdur. Kənardan atılan atmacalara baş qoşmuram, öz işimlə məşğulam. Qalmaqal keçdi, daha o vaxtlar deyil. O vaxtlar 16 yaşımız vardı, hər bir şeyə qarışırdıq. İndi isə iş görüb tanınmaq vaxtıdır.

Bütün rəqqasələrin xətirini çox istəyirəm. Allah hər kəsin ruzisini versin. Ola bilər ki, kimlərsə qısqansın. Bizdə qısqanclıq çoxdur. Hətta sosial şəbəkədə də bu mümkündür.

- Bu yaxınlarda aparıcı Nanə rəqqasələri verilişinə çağırmışdı. Hind rəqsini oynamağının üstündə Fatimə, Aksana və İlham böyük bir qalmaqal yaratdı. O dedi mən birinciyəm, bu dedi tədbirlərdə mən öndəyəm...
- Onlar uşaqdır, gənc qızlardır. Təzə-təzə başlayanda biz də elə idik. O deyirdi mən gözəl oynayıram, bu deyirdi mən gözəl rəqs edirəm. Bir-birimizin acığına restoran müdirlərinin yanına gedib deyirdik ki, bizi işə götürəcəksən. Amma indi belə deyil. Mən otururam evimdə, gözləyirəm ki, mənə hansısa banketdən sifariş gələcək. Gələn sifarişi mən bir-bir araşdırıram ki, o banketdə kimlər olacaq. Yalnız bundan sonra gedirəm.

- Sizin üçün banketin keçirildiyi məkanın önəmi varmı?
- Məkandan çox, banketə gələn insanlar önəmlidir. Ora dəvət olunan qonaqlarla çox maraqlanıram. Hər banketə getmirəm. Bir dəfə salondaydım, bir qadın yaxınlaşdı. Dedi ki, Aytən, qızım sənin üçün ölür. Bu ay onun nişanıdır, imkanım yoxdur səni ora dəvət edəm, gəlib oynayarsan? Sənə yalnız az məbləğ verə bilərəm.

Onun ünvanını aldım. Nişan günü sakitcə zala daxil olub təbrik elədim, sonra da çıxıb getdim. Çox da yuxarıdan getmək Allaha xoş gəlməz.

- Toyxanalarda rəqqasələrin sinəsinə pul qoyulmasına necə baxırsınız?
- Mən səhnə paltarlarımı elə düzəltdirmişəm ki, onun sinəsinə pul qoymaq mümkün deyil. Baxırsan, ət rəngində tüllərdir. Bu, əslində pis adət deyil. Haradasa rəqs sənətinin üçüncü əlamətidir. Ərəbistandan bizə gələn bir adətdir. Vaxtı ilə bu bizim özümüzdə də olub. Məsələn, "Nəsimi" filminə baxın, orada oriental rəqs görünür. Əslində bu nə pis cəhətdir, nə də gözəl. Sadəcə olaraq, bunu efirlərdə pis qələmə verdilər, dilənçi kimi. Şabaş yığmağın da öz yolu var. Bu gün səhndə oynayanda mənim cibimə 10 min pul basa bilərlər. Bu başqa məsələ, biri də var 100 nəfər oturub sən də tək-tək onların qarşısında oynaya-oynaya 10 manat alırsan. Bu, sənəti aşağı səviyyə salır, rəqqasəni dilənçiyə bənzədir. Biri var yolda dilənəsən, biri də var səhnədə. Bu da ən çoxu 2003-2004-cü ildə oldu. Bəzi rəqqasələr bu sənəti cılızlaşdırdılar. Dilənçi kimi hamıdan pul almağı mən qəbul etmirəm.

- Bu gün oriental rəqs deyəndə Azərbaycanda göz önünə kim gəlir?
- Özümdən başqa heç kim gözümün önünə gəlmir. Bəlkə də gözəl oynayan qızlarımız var. Amma onları tanıyan yoxdur.

- Bakı Xoreoqrafiya Məktəbində bu rəqsin öyrədilməsinin vaxtı deyilmi?
- Mən iki il həmin məktəbə getmişəm.

- Dərs keçmək fikriniz olub?
- Orada oriental rəqslə bağlı dərs yoxdur. Amma bütün salonlarda oriental rəqs var. Hara gedirsənsə bu rəqs var. Həm də bu rəqs qadına gözəl yaraşır. Eyni zamanda tibbi cəhətdən də faydalıdır. İnsanı kökəlməyə qoymur, həm də bağırsaqlara xeyri var.

- Uzun zamandır ki, Türkiyədəsiniz. Ordan baxanda Azərbaycan rəqs məktəbi necə görünür?
- Çox gözəl görünür. Bizim milli rəqsimiz bütün dövlətlərin rəqsindən öndədir. Heç bir ölkədə belə rəqs yoxdur. Hər kəsin öz milli rəqsi var. Elə bir ölkə yoxdur ki, biz onun rəqsini öyrənməyək, oynamayaq. Amma bizim milli rəqsimizi oynayan yoxdur. Mən Azərbaycanda milli rəqsin bir mahir ifaçısını tanıyıram - həmin şəxs Təranə Muradovadır.

- Amma bu gün Təranə Muradova gündəmdə deyil...
- Gündəmdə olmaq Təranə xanımın nəyinə lazımdır? Onun belə şeylərə ehtiyacı yoxdur. Məktəbi var, turlara çıxır, sözünü deyir. Məni də, paltarlarımı da çox sevir.

- Rəqs libaslarınızı hardan alırsınız?
- 8-9 ildir Türkiyədən gətirdirəm. Mənim kostuyumlarım ən bahalı firmaların məhsullarıdır. "Bela" ilə işləyirdim. Hansı ki, Didəm, Asena da onlarla işləyirdi. Onlar hər adamı qəbul etmirlər. Vücuda baxıb, sonra razılıq verirlər. İndi isə Asenanın paltarını tikən firma ilə işləyirəm. Paltarlarımdan çox razıyam. Səmimi deyirəm. Azərbaycanda mənim rəqs paltarımın biri də yoxdur, heç kim belə paltar geyinməyib. Yeni ildə iki paltarım hazır olacaq. Paltarlar çox ağırdır, hardasa 4-5 kq çəkisi var. Kaşları, işləmələri çoxdur. Onların qiyməti də bahadır. Qiymət deyəndə bir az səhv başa düşürlər. Əsas olan mənim rəqsimdir. Asenanın meneceri Suad bəy istəyir ki, mən Türkiyədə çalışım. Mənim ora köçməyimi istəyirlər. Amma mən razı deyiləm, çünki gedib-gələ bilmərəm. Deyirlər ki, gəlməlisən, səhnəyə çox yaraşırsan. Mən isə Türkiyəyə ancaq seriala çəkilmək üçün köçərəm.





Şərhlər:
Baxılıb: 3330
Geriyə
loading...
Hörmətli Qonaq, siz sayta qeydiyyatsız istifadəçi kimi daxil olmusunuz.
Saytda şərh yazmaq, xəbər göndərmək və eləcə də digər hüquqlardan istifadə edə bilmək üçün QEYDİYYATDAN keçməyinizi məsləhət görürük.

TEZKLİKLƏ

Adların mənaları Yuxuyozmalar
Xəbər lenti HAMISI
YeniQadin.Biz
Səsvermə
 

Saytın hansı bölməsini xoşlayırsınız?

Qadınlar.Biz həyatı
Gündəm - Magazin xəbərləri
Moda
Gözəl qadın
Bizim mətbəx
Sağlıqlı yaşam
Hamiləlik və Analıq
Qadın və Cəmiyyət
Münasibətlər
Həyat tərzi
Bürclər və Qoroskop
Bölümlü Hekayələr
Kişi dünyası
Oyunlar
Video - Musiqi

 
 
HAMISI Ən çox oxunanlar
İdeal çəkini hesabla
Boyunuz : sm
Çəkiniz : kq
Yaşınız :
Cinsiniz :
İdeal Çəkiniz : kq
Fərq : kq

BÜRC UYĞUNLUĞU

Sevgilinizlə bürc uyğunluğunuzu öyrənə bilərsiniz