Həkim kollektivi Həkimə sual ver
Söhbət otağı
Çaydanlarımızı ərpdən təmizləyək
Çaydanlarımızı ərpdən təmizləyək
Göndərən: NoName
Şərhlər:
Baxılıb: 3138
Səs ver:
Keyfiyyətindən asılı olmayaraq çaydanda uzun müddət su qaynadanda ərp əmələ gəlir. Kalsium, yaxud maqnium karbonatlardan ibarət ərp həm suyun qaynamasını ləngidir, həm də ona xoşagəlməz dad verir. Ərpdən bir neçə asan üsulla can qurtarmaq olar.

Adi çaydanın (elektrik olmayan) içinə kartof, limon, armud, yaxud da alma qabıqları tökün. Üstünə su alıb qaynadın. Sonra çaydanın içini adi süngərlə təmizləyin.

Elektrik çaynikinin içinə 1 litr koka-kola töküb qaynadın. Sonra süngər çəkən kimi ərp təmizlənəcək.

Bi qədər təhlükəli, amma güclü üsul: çaydanın içinə 1,5 l su, sonra 100 ml sirkə esensiyası töküb saxlayın. Çalışın, bu zaman esensiyanın buxarını udmayasınız, zəhərlənə bilərsiniz. Esensiyanın gözünüzə və dərinizə düşməsinə də imkan verməyin. Sonra çaydanı çoxlu suyla yaxalayın.

Həmçinin 1:6 nisbətində sirkə esensiyası ilə suyu qarışdırıb çaydana tökə, onu 60-70 dərəcə C-dək qızdıra və belə temperaturda çaydanı 20-30 dəqiqə saxlaya bilərsiniz. Bundan sonra çaydanı tərtəmiz yaxalamaq lazımdır.

Çaydanda suyu qaynadın, 2 x.q. limon turşusu əlavə edin. Qarışdırın. Bu zaman çaydanın içində qatı reaksiya gedəcək, fışıltı ilə qaz ayrılacaq. 10 dəqiqə saxlayın. Bu müddətdə ərp əriməlidir. Əgər yenə də qalıbsa, proseduru təkrarlayın.

Həftədə bir dəfə çaydanın içinə soyuq su tökün, 1-2 paket limon turşusu əlavə edib qaynadın. Bir qədər saxlayın. Sonra suyu süzün, çaydanı yaxalayın, içində yenə su (qarışıqsız) qaynadıb, onu da süzün.

Askorbin turşusunun tozu da ərpi yox etməyə kömək edir. Bunun üçün 1 l suya 1 x.q. askorbin turşusunun tozunu tökün. Suyu 15-20 dəqiqə qaynadın. Suyu süzüb, çaydanı yuyun.

Əgər çaydandakı ərp çox qalındırsa, o zaman içinə su doldurun, 1 x.q. qida sodası əlavə edin, qaynara düşəndən sonra 30 dəqiqə də qaynadın. Sonra suyu süzün, çaydanın içinə yenə su tökün, 1 x.q. limon turşusu əlavə edin və 30 dəqiqə qaynadın. Bu suyu da süzün, çaydana su doldurun, yarım stəkan sirkə töküb 30 dəqiqə qaynadın. Bundan sonra ərp yumşaq olacaq və asanlıqla təmizlənəcək.

Samovarda ərp əmələ gəlibsə, onun içinə su doldurun, 1 fincan qliserin töküb qaynadın. Sonra suyu boşaldıb samovarı yuyun. Ərp asanlıqla təmizlənəcək.

Samovardakı ərpi başqa üsulla da təmizləmək olar. Samovardakı su qaynayanda içinə 1-2 ovuc şəkər tozu tökün. Əgər ərp çoxdursa, bu proseduru 2-3 dəfə təkrarlayın. Bundan sonra samovar tərtəmiz olacaq.

Ərp həmçinin əlüzyuyanın, vannanın, unitazın da üstündə əmələ gəlir. Əgər ərpi və pası onlar üçün nəzərdə tutulmuş xüsusi vasitələrlə çıxara bilmirsinizsə, o zaman belə bir qarışıq hazırlayın: bərabər ölçüdə süfrə sirkəsi ilə hər hansı bir xlorlu ağardıcını qarışdırın (buraya 1 ç.q. duz da əlavə edə bilərsiniz). Sonra bu qarışığı ərpli və paslı yerin üzərinə çəkin. İki saat saxlayandan sonra yuyun. Amma diqqətli olun: bu qarışıq zəhərlidir. Prosedur zamanı evdə uşaqların olmaması məsləhətdir. Həmçinin qarışıq ərp və pası «yeyərkən» özünüz də həmin məkandan uzaqlaşsanız, qapı-pəncərəni açıq qoyub otağı havalandırsanız, əla olar.

Televizorda ustanın avtomat paltaryuyan maşının üstü ərp bağlamış spiralını necə doğradığını, yəqin, görmüsünüz. Dəhşətli mənzərədir, deyilmi? Tanınmış ərpə qarşı vasitələrdən istifadədən əlavə, yarım ildə bir dəfə təmizləyici prosedur aparmaq olar. Bunun üçün boş paltaryuyan maşına 1 şüşə süfrə sirkəsi tökün. Maksimal temperatur rejiminə qoyub qoşun, maşına yuma dövrünü tam başa vurmağa imkan verin. Bu zaman sirkə ərpi yox edəcək, eyni zamanda maşının nə rezin, nə də dəmir hissələrinə zərər yetirməyəcək.


Şərhlər:
Baxılıb: 3138
Geriyə
loading...
Hörmətli Qonaq, siz sayta qeydiyyatsız istifadəçi kimi daxil olmusunuz.
Saytda şərh yazmaq, xəbər göndərmək və eləcə də digər hüquqlardan istifadə edə bilmək üçün QEYDİYYATDAN keçməyinizi məsləhət görürük.

TEZKLİKLƏ

Adların mənaları Yuxuyozmalar
Xəbər lenti HAMISI
YeniQadin.Biz
Səsvermə
 

Bəs sizin bürcünüz nədir?

Qoç
Buğa
Əkizlər
Xərçəng
Şir
Qız
Tərəzi
Əqrəb
Oxatan
Oğlaq
Dolça
Balıqlar

 
 
HAMISI Ən çox oxunanlar
İdeal çəkini hesabla
Boyunuz : sm
Çəkiniz : kq
Yaşınız :
Cinsiniz :
İdeal Çəkiniz : kq
Fərq : kq

BÜRC UYĞUNLUĞU

Sevgilinizlə bürc uyğunluğunuzu öyrənə bilərsiniz