Həkim kollektivi Həkimə sual ver
Söhbət otağı
Qadınlar sükan arxasında nədən qorxurlar?
Qadınlar sükan arxasında nədən qorxurlar?
Göndərən: Ayten Melek
Şərhlər:
Baxılıb: 1385
Səs ver:
Hər bir sürücü sükan arxasında müəyyən qədər stress və qorxu yaşamaqdadır. Xüsusilə də, nəqliyyatın sıx, qəzaların sayının durmadan artdığı bir vaxtda. Statistikaya görə qadın sürücülərin sükan arxasında yaşadıqları qorxular kişilərdə olduğundan xeyli çoxdur. Maraqlı sual ortaya çıxır: Sürücü qadınlar nədən qorxurlar?

Qadının avtomobilə ilk qorxusu elə sükana əyləşmək istəyi ilə başlayır. Sükan, sürət, sıx nəqliyyat və "qaydasız” piyadalar – bunlar təcrübəsiz qadın sürücüdə xeyli təşviş yaradır. Bu qorxunu zamanla və psixoloji hazırlıqla aradan qaldırmaq mümkündür.
Yenicə sürməyə başlayan xanımlar həyat yoldaşları və digər tanış bəy ilə səfərə çıxarsa, sürmək qorxusunu xeyli dərəcədə aşmış olar. Sükan arxasına keçmək istəyən xanımlar çalışmalıdırlar ki, günün pik saatlarında deyil, daha çox tıxac olmayan vaxtlarda yola çıxsınlar. 

Sükan arxasında olan qadının daha bir qorxusu parketmə ilə bağlıdır. Parketmə yerləri məhdud olduğundan, qadın sürücü avtomobilini necə və harada saxlayacağı üçün həyəcan keçirməli olur. Onu da etiraf edək ki, heç də bütün qadınlar parketmədə yüksək məharətə malik deyillər.

Sürücü qadınlar avtomobilini zədələməkdən, kiminsə maşını ilə toqquşdurmaqdan, eləcə də hansısa insana xətər yetirməkdən daha çox qorxurlar. Psixoloqlar da iddia edirlər ki, qadın sürücü avtomobilini əzərkən daha çox stress yaşayır və "dəmir at”ının "yaralanması” onu xanımın gözündən sala bilir. 

Avtomobilin nasazlaması, yanacaq ehtiyatının tükənməsi kimi hallar da qadın sürücüdə qorxu və təlaşa səbəb olur. Ələlxüsus da, qadınların bu mövzuda ən çox qorxduqları - təkər partlamasıdır. Sürücü xanımlar bu qorxuya qalib gəlmək üçün ən sadə təmir qaydalarını bilməlidirlər.

Qadınların sükan arxasında digər qorxusu isə yolu azmaqla bağlıdır. Əvvəllər naviqator sisteminin olmaması onlara daha böyük çətinlik yaradırdısa, hazırda bu sistem xanım sürücülərin işini asanlaşdırmaqla, onların daha bir qorxusunun qarşısını alır.

Sürücüyə verilən tələblər sırasına yaxşı və iti müşahidə qabiliyyətinin olması da daxildir. Peşəkar sürücünün diqqətindən heç nə yayınmır: işıqforun işıqları, yol nişanları, siqnallar və s. Amma əksər hallarda xanım sürücünün zəif müşahidə qabiliyyəti sayəsində müxtəlif problemlər, hətta qəzalar da ortaya çıxa bilir.  

Qadın sürücülər nə qədər güclü və peşəkar olduqlarını iddia etsələr də, sükan arxasında müəyyən qədər qorxu yaşadıqları heç kəsə sirr deyil. Çalışın sükan arxasında yaşanan bütün stress və qorxunu dəf edə biləsiniz, çünki qorxusuz yol təhlükəsiz yol deməkdir!


Şərhlər:
Baxılıb: 1385
Geriyə
loading...
Hörmətli Qonaq, siz sayta qeydiyyatsız istifadəçi kimi daxil olmusunuz.
Saytda şərh yazmaq, xəbər göndərmək və eləcə də digər hüquqlardan istifadə edə bilmək üçün QEYDİYYATDAN keçməyinizi məsləhət görürük.

TEZKLİKLƏ

Adların mənaları Yuxuyozmalar
Xəbər lenti HAMISI
YeniQadin.Biz
Səsvermə
 

Bəs sizin bürcünüz nədir?

Qoç
Buğa
Əkizlər
Xərçəng
Şir
Qız
Tərəzi
Əqrəb
Oxatan
Oğlaq
Dolça
Balıqlar

 
 
HAMISI Ən çox oxunanlar
İdeal çəkini hesabla
Boyunuz : sm
Çəkiniz : kq
Yaşınız :
Cinsiniz :
İdeal Çəkiniz : kq
Fərq : kq

BÜRC UYĞUNLUĞU

Sevgilinizlə bürc uyğunluğunuzu öyrənə bilərsiniz