Həkim kollektivi Həkimə sual ver
Söhbət otağı
Qızlar indiki oğlanları niyə bəyənmir? - Subay qızlarla sorğu[Maraqlı]
Qızlar indiki oğlanları niyə bəyənmir? - Subay qızlarla sorğu[Maraqlı]
Göndərən: Ayten Melek
Şərhlər:
Baxılıb: 9077
Səs ver:

 

Günümüzdə qızların çoxu ailə qurmaq üçün yaxşı oğlanın olmamasından şikayətlənirlər. Belə ki, soruşanda ki, niyə ailə qurmursan? Deyir "yaxşı oğlan yoxdur, ona görə”. Bəziləri oğlanda pulu, bəziləri isə ağıl istəyir. Bəs bizim qızlar oğlanlarda hansı xüsusiyyətləri bəyənmirlər? Oğlanlarda sevmədikləri nələrdir?

 

Həm tələbə, həm də media nümayəndəsi olan subay qızların fikirlərini oğlanların diqqətinə çatdırır.

 

"Gündəlik Teleqraf” qəzetinin əməkdaşı Nərgiz Cavadzadə bu gün istər qadınlar, istərsə də kişilər arasında möhkəm xarakterli insan tapmağın çox çətin olduğunu bildirib. 

"İnsan xasiyyətində cəsarət və dürüstlük problemi yaşanır. Oğlanlar qeybətçilikdə qızları ötüb. Hətta ictimai insanlar belə başqaları haqqında ittiham səsləndirib, arxasınca danışdığı insanın üzünə gülür, düşündüyünü deməkdən çəkinir. Bu, həqiqətən kişi üçün faciədir. Ən gülməlisi odur ki, bu günkü "dost”lar müəyyən anlaşılmazlıq yaranan kimi "dost”unu Facebook sosial şəbəkəsindəki siyahısından belə, çıxarırlar. Oğlanlarda rəqabət pərdəsi altında xüsusilə qadınlara qarşı paxıllıq hissini qəbul etmirəm. Bütün qadınlara deyilən komplimentlərdən əriyən qadınları isə ümumiyyətlə anlamıram və elələrini axmaq hesab edirəm”.

 

Bakı Dövlət Universitetinin Jurnalistika fakültəsinin tələbəsi Arzu Məmmədova oğlanlarda bəyənmədiyi xüsusiyyətləri sadalayıb: ikiüzlülük, məsuliyyətsizlik. 

"Ən əsası isə oğlanlardan siqaret qoxusunun gəlməsini sevmirəm, yəni siqaret çəkən oğlanları sevmirəm”.

 

Gənc jurnalist Nailə Rövşənqızı oğlanların eynirəngli geyim stilindən şikayətlənir: "Eynirəngli geyim stili, xasiyyətlərində qısqanclıq, keçmişi araşdırmaq istəyi. Bir də xəsislik, sevdiyi qıza qənaət eləməyi və geyimə qarışmaları dözülməzdir”.

 

Saytının əməkdaşı Gülxar Şərif: "Həm kişi, həm də qadın üçün sözübütövlük önəmli olsa da, qeybət edən oğlanları heç sevmirəm. Qadına yalnız evlənənə qədər xüsusi diqqət göstərən, sonradan isə ev süpürgəsindən fərqləndirməyənləri, "mənim arvadım işləməyəcək” deyənləri, işləyən qızların yalnız bir müddət sevgili olmaqdan başqa bir şey olmadığını düşünənləri sevmirəm. Ən əsası isə qazandığı pullu xərcləməyin yolunu bilməyən oğlanları bəyənmirəm”.

 

Təfəkkür Universitetinin tələbəsi Əfruzə Ağayeva oğlanların xəyanət etmələrindən şikayətçidir. "Məncə bu bağışlanmazdır. Daha öncə "səni sevirəm” deyib, daha sonra isə "dəyişməlisən, işləmək” olmaz və s. deyən oğlanlar xoşuma gəlmir. Əsas bunlardır. Digər şeyləri qadın istəsə, düzəldə bilər”.

 

Bakı Slavyan Universitetinin tələbəsi Günəş Fərhadlı indiki oğlanların mədəniyyətsiz olduğunu bildirib: "Mədəniyyətsizdilər. Qeybət edən oğlanlardan zəhləm gedir. Və xəyanətkar, yalan danışan, şorgöz oğlanlardan xoşum gəlmir”.

 

Gənc jurnalist Mirvari Nəcəf özündən açox razı olan oğlanlardan xoşu gəlmədiyini söyləyib. "Düşünürəm ki, oğlan nə qədər yaraşıqlı da olsa, bu onun özündənrazı olmağına əsas gətirmir. Yəni bir sözlə, sırf yaraşıqlı olduqları üçün burnu havalarda olan, "istənilən qızı əldə edərəm” deyən oğlanlar unutmasınlar ki, sonda onlarla qalan yalnız bir qadın olacaq”.

 

Təfəkkür Universitetinin tələbəsi Xədicə Məmmədli indiki oğlanların kobud olduğunu bildirib: "Oğlanların əksəriyyəti anlayışsızdır, həddindən çox qısqanclığı sevmirəm”.

 

Publika

Redakte etdi: PRETTY_GİRL

 


Şərhlər:
Baxılıb: 9077
Geriyə
loading...
Hörmətli Qonaq, siz sayta qeydiyyatsız istifadəçi kimi daxil olmusunuz.
Saytda şərh yazmaq, xəbər göndərmək və eləcə də digər hüquqlardan istifadə edə bilmək üçün QEYDİYYATDAN keçməyinizi məsləhət görürük.

TEZKLİKLƏ

Adların mənaları Yuxuyozmalar
Xəbər lenti HAMISI
YeniQadin.Biz
Səsvermə
 

Saytın hansı bölməsini xoşlayırsınız?

Qadınlar.Biz həyatı
Gündəm - Magazin xəbərləri
Moda
Gözəl qadın
Bizim mətbəx
Sağlıqlı yaşam
Hamiləlik və Analıq
Qadın və Cəmiyyət
Münasibətlər
Həyat tərzi
Bürclər və Qoroskop
Bölümlü Hekayələr
Kişi dünyası
Oyunlar
Video - Musiqi

 
 
HAMISI Ən çox oxunanlar
İdeal çəkini hesabla
Boyunuz : sm
Çəkiniz : kq
Yaşınız :
Cinsiniz :
İdeal Çəkiniz : kq
Fərq : kq

BÜRC UYĞUNLUĞU

Sevgilinizlə bürc uyğunluğunuzu öyrənə bilərsiniz