Həkim kollektivi Həkimə sual ver
Söhbət otağı
2 yaşlı uşağın inkişaf cədvəli
2 yaşlı uşağın inkişaf cədvəli
Göndərən: NoName
Şərhlər:
Baxılıb: 681
Səs ver:
İki yaş körpəlikdən uşaqlığa keçid dövrüdür. Artıq qaçmağa və danışmağa başlamış uşaq passivlikdən və tabe olmaqdan imtina edir. Hər şeyi araşdırmaq, toxunmaq istədikdə isə qadağalarla rastlaşır. Bu zaman da inadkar və üsyankar olur. Özünü yerə çırparaq ağlaya bilər. Lakin hələ bir çox şeylərdə anaya möhtac olduğu üçün tabe olmağa məcburdur.
 
Fiziki inkişafı
2 yaşında qız uşaqlarında boy 76,5 - 97,5 sm, çəki 9,2-15,1 kq, oğlan uşaqlarında boy 77-92 sm, çəki 9,1-15 kq arası dəyişir.
2 yaş uşağı daima hərəkətdədir. Pilləkənləri özü çıxıb düşə bilər. Barmağının ucunda yeriyə bilər. 3-5 kubla qüllə düzəldə bilər. Böyük düymələri aça bilər. Gecə yuxusunun vaxtı gəldikdə oyaq qalmaq ona çox çətin gəlir.
 
Qidalanması
2 yaşdan uşağın mədə-bağırsaq sistemi və qaraciyəri inkişaf etmiş olsa da bəzi qidaların həzmi üçün hələ tam hazır deyil. Bu yaşda uşaqlara meyvəni püre halına salmağa ehtiyac yoxdur. Bu yaşdan etibarən rasiona yeni qidalar- kəsmikli-yarmalı və ətli zapekankalar daxil olur. Əksər uşaqlar əti pis yesələr də qızarmış kartoflu zapekankanı məmnuniyyətlə yeyirlər. Sıyıqları daha duru bişirməyə ehtiyac yoxdur. Böyüyən orqanizmin vitamin və mineral ehtiyacını ödəmək üçün mütləq tərəvəzlər rasionda olmalıdır. Həftədə ən azı 3 dəfə sup verilməlidir. Ağ və qara çörək gündəlik rasionda olmalıdır. Şirniyyatdan zefir, marmeld vermək olar. Şokolad allergik reaksiyaya səbəb ola bilər.
Bu yaşda uşaq artıq valideynlərlə bir süfrədə əyləşməli, yeməyini özü yeməyə öyrənməlidir. Ona hansı yeməkdən və nə qədər yemək istədiyinə qərar verməsinə imkan verin. Sizin vəzifəniz ona sağlam qida ilə təmin etməkdir. Uşaqlar deyiləndən çox valideynlərin hərəkətlərini örnək götürürlər. Ona öyrətdiyiniz vərdişlərə özünüz də əməl edin.
Artıq diş baxımına başlamaq olar. Bunun uçun uşaqlar üçün nəzərdə tutulmuş pasta ilə gündə 2 dəfə fırçalamaq lazımdır.
Bu yaş həm də bezlərdən azad olmaq üçün ideal vaxtdır. Ondan çox şey tələb etmədən, utandırmadan tualetdən istifadə etməyi öyrədə bilərsiniz.
 
Psixologiyası
2 yaşındakı uşaq "yox" deməyi sevən uşaqdır. Daima ona qoyulan sərhədləri keçmək istər. Ona görə də qoyduğunuz qaydalarda dəyişkən olmayın, onlara əməl etməsinə nəzarət edin. Tez əsəbləşir, səbrsizdir, hər şeyi öz bildiyi kimi etmək istəyir. Bu onun yaş xüsusiyyətidir. O inad etdikdə onunla inadlaşmayın. Fikrini başqa bir şeyə yayındırın. Sonra sakitləşdikdə ona niyə icazə vermədiyinizi izah edin. Uşaq bu dövrdə "niyə?"," nəyə görə?", nədir?" suallarını tez-tez verir. Bu suallara səbrlə cavab verin.
 
Zehni inkişaf.
Hər bir yaş üçün uşaqlarda əldə edə biləcəkləri bilik və bacarıqlar vardır. Uşağın məntiqi inkişafı ilə nə qədər tez məşğul olsanız onun ətrafla tanışlığı daha yaxşı inkişaf edəcəkdir.
 
Riyazi biliklər
Uşağı 2-3 yaş arası riyaziyyatla tamış etmək lazımdır. Bunun üçün rəqəmlər yazılmış kartlar, həndəsi fiqurlu pazllar, oyun üçün rəngbərəng evciklər köməyinizə gələ bilər.
 
Məntiqi təfəkkür
- uşaq iki-üç işdən ibarət tapşırıqları yerinə yetirə bilməlidir;
- uşaq şəkil çəkməyi, kublardan ev düzəltməyi, sadə pazlları düzəldə bilməlidir.
 
Nitq inkişafı
- uşaq 4-5 sözdən ibarət ifadələr qura bilməlidir;
- uşaq böyüklərin dediklərini tam başa düşməlidir (məişət sözləri və ifadələri);
- uşaq sadə şerləri öyrənə bilməlidir.
 
Ətraf aləmin tanınması
- 2 yaşında uşaq bədən üzvlərini tanımalı;
- uşaq üzən, uçan və sürülən obyektləri deyə bilməlidir.
 
Hərəkət bacarıqları
- pilləkənləri özü qalxıb-düşməli;
- geyinib- soyunmağı bacarmalı;
- arxa-arxaya yeriyə bilməli;
- özü sərbəst güvəcə (qorşok) gedə bilməli;
- şaquli xətt çəkə bilməli;
- əllərini yuyub quruda bilməlidir
Uşağın inkişafına təkan vermək üçün onunla oynayın. Başqa uşaqlarla ünsiyyətini təmin edin. Bu yaşda uşaqlar birlikdə oynamağı və oyuncaqlarını paylaşmağı sevmirlər. Televizora saatlarla baxmasına icazə verməyin. Ona kitab oxuyun, mahnı oxuyun və onunla söhbət edin.
 
Ülviyyə Səid


Şərhlər:
Baxılıb: 681
Geriyə
loading...
Hörmətli Qonaq, siz sayta qeydiyyatsız istifadəçi kimi daxil olmusunuz.
Saytda şərh yazmaq, xəbər göndərmək və eləcə də digər hüquqlardan istifadə edə bilmək üçün QEYDİYYATDAN keçməyinizi məsləhət görürük.

TEZKLİKLƏ

Adların mənaları Yuxuyozmalar
Xəbər lenti HAMISI
YeniQadin.Biz
Səsvermə
 

Bəs sizin bürcünüz nədir?

Qoç
Buğa
Əkizlər
Xərçəng
Şir
Qız
Tərəzi
Əqrəb
Oxatan
Oğlaq
Dolça
Balıqlar

 
 
HAMISI Ən çox oxunanlar
İdeal çəkini hesabla
Boyunuz : sm
Çəkiniz : kq
Yaşınız :
Cinsiniz :
İdeal Çəkiniz : kq
Fərq : kq

BÜRC UYĞUNLUĞU

Sevgilinizlə bürc uyğunluğunuzu öyrənə bilərsiniz