Həkim kollektivi Həkimə sual ver
Söhbət otağı
12 aylıq körpənin inkişaf xüsusiyyətləri
12 aylıq körpənin inkişaf xüsusiyyətləri
Göndərən: NoName
Şərhlər:
Baxılıb: 557
Səs ver:
Artıq sizi təbrik edə bilərik! Övladınız 12-ci aya qədəm qoydu, bu isə o deməkdir ki, 1 illik əziyyəti qeyd etməyə az qaldı! Bəs 12 aylıq körpədə ad gününə qədər hansı dəyişikliklər, inkişaf olacaq? Onun əqli və fiziki irəliləməsinə siz və ərtafdakılar necə dəstək ola bilər? 12 aylıq balacanızın inkişaf xüsusiyyətlərini bizimlə öyrənin.

1 yaşlı uşaq bunları bacarmalıdır:
- Əlindən tutarkən gəzməli, yeriməli – düzdür, bəzi körpələr artıq 12-ci aydan sərbəst yeriməyə başlayırlar, lakin sizin balaca hələ sərbəst gəzmirsə, tələsməyin. Narahatlığa əsas yoxdur. Çünki hər uşağın inkişaf xüsusiyyətləri fərdidir.

- Kitabdakı şəkillərə maraq göstərər;

- Hər hansı əşyanın adını söylədikdə, onun nə olduğunu anlar;

- Balacanızı geyindirərkən sizə yardım edər;

- Gördüyünüz ev işlərini o da təqlid etməyə başlar - əlinə əski parçası götürüb sanki toz silirmiş kimi...

- Topla oynayır, ayaqüstə olarkən əyilib yerdəki əşyanı götürə bilir;

- Bəyənildiyi hərəkətlərini tez-tez edər, xətrinə dəyəndə küsər, daha kaprizli olar;

- "Ana”, "Ata”nın nə olduğunu anlar, ailədəkiləri tanıyar və gülər. Daha çox sevdiklərini qucaqlayar;

- Yuxuya və qidaya "yox” deyər və s.

Danışıq bacarıqları
1 yaşlı uşaq 2-4 kəlməni sərbəst deməlidir. Təbii ki, çoxlu heca və səslər çıxarar, ona deyilən əmr! cümlələrini başa düşər, ətrafdakıların söz və səslərini təqlid edər.

Əşyaları göstərərək, adlarını söyləyin. Bunu tez-tez təkrarladıqca o artıq fincan, qələm, kitab və s. deyincə həmin əşyaları tanıyar və sizə tərəf uzadar. Belə etdikdə isə mütləq ona gülümsəyin, afərin deyin.

Valideynlər 12 aylıq körpənin inkişafını necə dəstəkləməli?

Evdə onun gəzməsi üçün geniş və təhlükəsiz şərait yaradılmalıdır. Artıq yüyrəkdən (xadunok) istifadə etməyə gərək yoxdur. Ev şəraitində ayaqqabı geydirməyin.

Hər hərəkətinə "xeyir”, "olmaz” deməyin! Düşünün, ən gərəkli məqamlarda bu ifadələrdən istifadə edin. Çalışın ki, təhlükəsiz mühit yaradın və ətrafında gördüyü hər şeyi kəşf edib, anlasın. Tez-tez "çox sağ ol”, "təşəkkür edirəm” kimi ifadələr işlədin. Unutmayın ki, o, sizin nümunənizdir. Necə etsəniz körpə də onu edəcək.

O, artıq nələrsə etməyə çalışır, onun yerinə həmin işi siz görməyin, buraxın özü sərbəst məşğul olsun. Hər çağırdığında yanına da qaçmayın. Bu ona səbirli olmağı və ananın başının qarışıq olduğunu öyrədəcək.

1 yaşlı uşağın oyunları
Artıq onunla daha çox vaxt keçirib, oyun oynamağın zamanı yetişdi: Körpəniz üçün mahnı oxuyun, nağıl danışın, rəngli uşaq kitabları vərəqləyin və s. Rəngli qələmlər alın və ondan istifadəni başa salın. Həmçinin digər uşaqlarla oynamağı öyrədin. Rəngli üçbucaq, kvadrat, düzbucaqlı oyuncaqlar onun bu dövrü üçün ideal vasitədir.

12 aylıq balacanın yuxu rejimi
Artıq yuxusu da rejimə düşüb. Gecələri tam, oyanmadan yatar. Gündüzlər isə 1 dəfə, lakin bir neçə saat yatar. Əgər rejimi belə deyilsə, çalışın zaman-zaman onu bu qaydaya salasınız.

Aygün Quliyeva


Şərhlər:
Baxılıb: 557
Geriyə
loading...
Hörmətli Qonaq, siz sayta qeydiyyatsız istifadəçi kimi daxil olmusunuz.
Saytda şərh yazmaq, xəbər göndərmək və eləcə də digər hüquqlardan istifadə edə bilmək üçün QEYDİYYATDAN keçməyinizi məsləhət görürük.

TEZKLİKLƏ

Adların mənaları Yuxuyozmalar
Xəbər lenti HAMISI
YeniQadin.Biz
Səsvermə
 

Saytın hansı bölməsini xoşlayırsınız?

Qadınlar.Biz həyatı
Gündəm - Magazin xəbərləri
Moda
Gözəl qadın
Bizim mətbəx
Sağlıqlı yaşam
Hamiləlik və Analıq
Qadın və Cəmiyyət
Münasibətlər
Həyat tərzi
Bürclər və Qoroskop
Bölümlü Hekayələr
Kişi dünyası
Oyunlar
Video - Musiqi

 
 
HAMISI Ən çox oxunanlar
İdeal çəkini hesabla
Boyunuz : sm
Çəkiniz : kq
Yaşınız :
Cinsiniz :
İdeal Çəkiniz : kq
Fərq : kq

BÜRC UYĞUNLUĞU

Sevgilinizlə bürc uyğunluğunuzu öyrənə bilərsiniz