Həkim kollektivi Həkimə sual ver
Söhbət otağı
Körpəyə ana südündən əlavə nə vermək olar? İlk əlavə qida
Körpəyə ana südündən əlavə nə vermək olar? İlk əlavə qida
Göndərən: NoName
Şərhlər: 4
Baxılıb: 798
Səs ver:
Dünya Səhiyyə Təşkilatının tövsiyyəsinə əsasən sağlam, ana südü ilə qidalanan körpəyə ilk dəfə 6 aylığında su, tərəvəz, sonra meyvə şirəsi vermək olar. 2 həftədən sonra, uşaqda xoşagəlməz reaksiya olmayıbsa (nəcisində dəyişiklik yoxdursa, uşaq qusmursa, köpü yoxdursa, allergiyanın əlaməti müşahidə edilməzsə), 1 meyvənin, sonra 1 tərəvəzin püresi verilir. İlk qida qatı olmamalı, qaynadılmış su ilə durulaşdırılmalıdır. Yeməyi uşaq böyüdükcə qatılaşdıra bilərsiniz.
İlk əlavə qidanı günorta yeməyindən əvvəl vermək məsləhət görülür ("Uşağın süddən sonrakı qida rejimi Əlavə qidalandırmanın 11 qaydası”).
 
Sıyıq
Sıyıq körpə üçün ideal əlavə qidadır. Balacalar üçün nəzərdə tutulmuş hazır sıyıqlar, eləcə də peçenyelər çox əlverişlidir, qaynar suya qatmaqla hazır olur. Hazır sıyıqlara etibar etmirsinizsə, düyünü, yaxud yulafı isladıb əzin, lap az şəkər əlavə edib duru sıyıq bişirin. Manna yarmasından da sıyıq hazırlamaq olar. Sıyığı süddə yox, suda bişirin! Süd uşağa 1 yaşından sonra verilə bilər.

Tərəvəz püresi
Tərəvəzi (kartof, kök) ya buxarda, ya da suda qaynatmaq lazımdır. Hər bir tərəvəz ayrılıqda, qabığı soyulmamış bişirilməlidir. Əvvəl bir neçə damcı, sonralar (pürenin miqdarı 100-150 q-a çatdırılanda) bir çay qaşığı bitki yağı əlavə etmək olar. Uşaq püreni istəmirsə, azca limon sıxa, ya da duz ata bilərsiniz. Adətən körpələr tərəvəzi sevmir, bu halda məcbur etməyin. Gözləyin, 15-20 gündən sonra yenidən təklif edin.
İlk qarışıq tərəvəz püresini hazırlamaq üçün kartof, kök və kələmdən istifadə olunur. Kartof püresi 1 çay qaşığının yarısından, kök çay qaşığının ucunda, kələm də (gül kələmi, yaşıl kələm) çay qaşığının ucunda götürülüb qarışdırılır. Sonrakı günlər pürenin miqdarını artırmaq, 2 həftədən sonra bu qarışığa göyərti, ət bulyonu əlavə etmək olar.

Meyvə
Körpəyə əvvəl meyvənin şirəsini vermək lazımdır. İlk dəfə bir damcıdan başlayın, körpənin orqanizmi həssasdır.
Uşağa tərəvəz, eləcə də meyvə verəndə mütləq mövsüm məhsullarından istifadə edin. Yay olarsa albalı şirəsi, yayın ikinci yarısı armud, qalan mövsümlərdə alma şirəsindən başlamaq olar (alma qıcqırmanı artırdığı üçün çağaya yayda alma vermək məsləhət deyil).
Allergiyası olmayan çağaya həftədə 1-2 dəfə limon şirəsi vermək olar. Bir damla, bir neçə gündən sonra 2 damla limon şirəsini çaya əlavə etməklə uşağı C vitamini ilə təmin etmiş olarsız.
Şirəyə alışandan sonra uşağa meyvənin-almanın, armudun püresini vermək olar
 
Yumurta
Sağlam, ana südü ilə qidalanan uşağa yumurta 6 aylığından verilə bilər. İlk dəfə verəndə yumurtanı 15-20 dəqiqə qaynadın. Yumurta sarısının 4-də birinə ana südü, ya da bir neçə damcı qaynadılmış su əlavə edib durulaşdırın. 2 həftədən sonra yumurta sarısının yarısını, daha bir aydan sonra bütün sarını verə bilərsiniz. (Yumurta sarısını tərəvəz püresinə, sıyığa da qatmaq olar)
Ət verməyə başlayanda yumurta sarısını uşağa səhər, ətli yeməyi günorta verin.

Ət
7-ci ayda körpəyə çolpa ətinin bulyonunu vermək olar. Əvvəlcə ət suyunu tərəvəz püresinə əlavə edə, yaxud bulyona suxarı, çörək doğraya bilərsiniz. Sonrakı günlər suya diri soğan, doğranmamış tərəvəz ata bilərsiniz ki, dadı çıxsın. 8-ci aydan çolpanın, daha sonra dana ətinin, balığın püresini verməyə başlayın. Bunun üçün əti bir neçə dəfə maşından keçirib, küftələr şəklində suda azı 1 saat qaynadın. Həftələr keçdikcə azca düyü, vermişel, yaxud bir neçə ədəd noxud, ya da lobya dənəsi, mərcimək və s. əlavə etməklə əsl şorba hazırlamaq olar.
Uşaqda anemiya varsa, tərəvəz və ət püresi daha tez—uşağın 5,5-6 aylığında verilməlidir.
Unutmayın ki, hər bir uşaq özünəməxsusdur. Hər əlavə qidanı verəndə uşağın səhhəti (uşağın dişi çıxırsa, eləcə də peyvənddən əvvəl, yaxud sonra əlavə qida arzuolunmazdır), çəkisi, iştahası, ailədə hər-hansı qidaya allergiyanın olub-olmaması, "böyük bayıra” az, ya çox çıxması, nəcisinin duru olub-olmaması, ailənin yaşadığı bölgə nəzərə alınmalıdır.


Şərhlər: 4
Baxılıb: 798
Geriyə
loading...
Hörmətli Qonaq, siz sayta qeydiyyatsız istifadəçi kimi daxil olmusunuz.
Saytda şərh yazmaq, xəbər göndərmək və eləcə də digər hüquqlardan istifadə edə bilmək üçün QEYDİYYATDAN keçməyinizi məsləhət görürük.
sizin 1205
Oglum 8ayliqdi uje yavaş yavaş her şeyden dadizdiriram.amma esas ana sududu
10 aprel 2016 18:34
# 4
L
Sara035
Artiq bawlamiwam balacama az az verirem alma wiresi,kok wiresi,yumurta 1yawa kimi olmaz bilirdim26siyiqlardanda verirem.Çox diqqetli olmaq lazim korpeye elave qida vererken allergiya vere birler her bir qida
9 aprel 2016 23:36
# 3
Aτasını Yuxuδa Ölмüş Görüв, Oyanarag Aτasına Sarılanlar,
-Bəs Aτasını Yuxuδa Sag Görüв, Oyanarag İçin-İçin Aglayanlar Neyləsin. !
vipbetul
Usaqlara usaq yemekleri verilmelidir
9 aprel 2016 21:50
# 2
Of,If I stretch my hands,do you hold them in your hands,Sir?
Oh, do you look at my tearful eyes even once?
Tomris Müslümova
Bizdə Ümid olanda çox balaca idi.Yaxşı baxmasaydı mama bəlkədə ölərdi.Bir neçə ay qaldı bizdə.Qəşəy kökəldi.Ona mama sıyıq,meyvə püresi verirdi.Bir neçə cür yeməklər verirdi çoxu yadımda qalmıyıb amma mama belə şeyləri yaxşı bilir.Nə olsada heçnə ana südünün yerini vermir.
9 aprel 2016 19:51
# 1
9 Milyard insan...9 Milyard ruh...Və içindən yalnız,bir dənəsinə ehtiyac duymaq çox qəribədir heart
İnformasiya
Qonaq qrupunda olanlar istifadəçilər bu xəbərə şərh əlavə edə bilməz.

(ana səhifəyə gedin.)

TEZKLİKLƏ

Adların mənaları Yuxuyozmalar
Xəbər lenti HAMISI
YeniQadin.Biz
Səsvermə
 

Bəs sizin bürcünüz nədir?

Qoç
Buğa
Əkizlər
Xərçəng
Şir
Qız
Tərəzi
Əqrəb
Oxatan
Oğlaq
Dolça
Balıqlar

 
 
HAMISI Ən çox oxunanlar
İdeal çəkini hesabla
Boyunuz : sm
Çəkiniz : kq
Yaşınız :
Cinsiniz :
İdeal Çəkiniz : kq
Fərq : kq

BÜRC UYĞUNLUĞU

Sevgilinizlə bürc uyğunluğunuzu öyrənə bilərsiniz