Həkim kollektivi Həkimə sual ver
Söhbət otağı
Hamiləlikdə qəbzlik
Hamiləlikdə qəbzlik
Göndərən: NoName
Şərhlər:
Baxılıb: 777
Səs ver:
Hamilə qadının başlıca  problemlərindən biri də qəbizlikdir.  Bu dövrdə qadınların 1/3 hissəsində qəbizlik qeyd edilir. Bəzən qəbizliyə xüsusi fikir verilməsə də, sonradan o təhlükəyə, başlıca olaraq, ana və uşaq üçün narahatlığa yol açır. Bəs qəbizlik nədən yaranır? Onu necə müalicə etmək lazımdır? Çoxsaylı hamilə oxucumuzun xahişi ilə suallara cavab hazırladıq.

Hamiləlikdə qəbizlik nədən yaranır?
Hamilə qadınlarda digərləri ilə müqayisədə bu problem daha tez yaranır. Təbii ki, bu da orqanizmdə baş verən hormonal dəyişikliklərdən, o cümlədən progesteronun səviyyəsinin artması ilə bağırsaqların peristaltikasının (bağırsaqların yığılması) azalmasından yaranır.  
Bundan başqa ölçüləri böyümüş olan uşaqlıq da bağırsaqlara təzyiq edərək onun normal fəaliyyətinə maneə törədir.

Hamiləlik dövründə qəbizliyin baş verməsinə səbəb olan digər faktorlar:əksər hallarda qadınlarda qeyd edilən anemiyaya görə onlara təyin olunan dəmir preparatları; qeyri-düzgün qidalanma; hamilə qadınların az hərəkətli həyat tərzi.

Qəbizliyin fəsadları nələrdir?
Qəbizlik zamanı qadın gücənməyə məcbur olur ki, bu da uşaqlığın tonusunu artırır. Nəticədə hamiləliyin pozulması kimi təhlükə ortaya çıxa bilər. Bundan başqa hamiləlik dövründə qəbizliyin baş verməsi, qadınlarda babasil və düz bağırsaqda çatların əmələ gəlməsinə də səbəb ola bilər.

Qəbizliyə qalib gəlin!
Hamiləlik zamanı qəbizliyə qalib gəlmək üçün düzgün pəhriz qaydalarına əməl etmək lazımdır.  Əvvəlki yazılarımızda da qeyd etmişdik ki, meyvə-tərəvəz şirələri həzm posesinə yaxşı təsir edir, faydalarından biri də qəbizliyi aradan qaldırmasıdır. Bir sözlə, kök, çuğundur, kələm, qabaq, brokkoli kimi tərəvəzlərdən hazırlanan salat, kompot, təzə çəkilmiş şirələr, problemin azalmasına kömək edə bilər.  Qarabaşaq, çovdar çörəyi, darı və arpa, yulaf, ərik, əncir və gavalı qurusu da bu ərzaqlar sırasındadır. Hamilələr bol-bol bioyoqurt və biokefirlərdən istifadə etməlidirlər. Xüsusilə də səhərlər acqarına içilən kefir müsbət təsir göstərir. Gecələr yatmazdan öncə 1 stəkan ilıq qaynanmış su içmək də qəbizlikdən xilas olmağa kömək edəcək.

Bunlardan istifadə olmaz!
Tünd çay, manna sıyığı, ağ çörək, düyü yeməkləri, heyva, armud, paxla, qarağat, qoz və bərk pendir qəbizlik yaratdığı üçün hamilə qadının onlardan uzaq durması məsləhətdir. Həmçinin hamiləlikdə işlədici dərmanlar məsləhət görülmür. Əsasən həkimlər şam və çaytikanı yağları tövsiyə edirlər.

Babasil daha təhlükəlidir.
Əgər hamiləlik vaxtı babasil düyünləri də sizə əziyyət verirsə, o zaman iş bir qədər də mürəkkəbdir. Babasilin müalicəsinə mümkün qədər tez başlamaq lazımdır. Bu zaman həkim tərəfindən xüsusi pəhriz resepti təyin edilir. Hamiləlikdə babasilin ən sadə müalicəsi çaytikanı yağından hazırlanmış şamlarladır. Bir də ən sadə qayda belədir: az oturub, çox ayaqüstə durmaq və uzanmaq.

Aygün Quliyeva


Şərhlər:
Baxılıb: 777
Geriyə
loading...
Hörmətli Qonaq, siz sayta qeydiyyatsız istifadəçi kimi daxil olmusunuz.
Saytda şərh yazmaq, xəbər göndərmək və eləcə də digər hüquqlardan istifadə edə bilmək üçün QEYDİYYATDAN keçməyinizi məsləhət görürük.

TEZKLİKLƏ

Adların mənaları Yuxuyozmalar
Xəbər lenti HAMISI
YeniQadin.Biz
Səsvermə
 

Saytın hansı bölməsini xoşlayırsınız?

Qadınlar.Biz həyatı
Gündəm - Magazin xəbərləri
Moda
Gözəl qadın
Bizim mətbəx
Sağlıqlı yaşam
Hamiləlik və Analıq
Qadın və Cəmiyyət
Münasibətlər
Həyat tərzi
Bürclər və Qoroskop
Bölümlü Hekayələr
Kişi dünyası
Oyunlar
Video - Musiqi

 
 
HAMISI Ən çox oxunanlar
İdeal çəkini hesabla
Boyunuz : sm
Çəkiniz : kq
Yaşınız :
Cinsiniz :
İdeal Çəkiniz : kq
Fərq : kq

BÜRC UYĞUNLUĞU

Sevgilinizlə bürc uyğunluğunuzu öyrənə bilərsiniz