Həkim kollektivi Həkimə sual ver
Söhbət otağı
Hamilə qadınlar nədən şikayət edir?
Hamilə qadınlar nədən şikayət edir?
Göndərən: NoName
Şərhlər:
Baxılıb: 2541
Səs ver:
Hamiləlik zamanı qadın orqanizmində çox ciddi dəyişikliklər baş verir.
Bunun nəticəsində qadın öz dərisinin, saçların, dişlərin vəziyyətində, həzm və sidik-cinsiyyət sistemi fəaliyyətində və s. müxtəlif "yeniliklərlə" rastlaşır. Bir çox hallarda (xüsusilə ilk hamiləlik zamanı) bu yeniliklər qadınları narahat edir və bəzən qorxuzur. Bəli, bəzi simptomlar hər hansı pozulmadan xəbər verə bilər. Lakin bir çox hallarda belə dəyişikliklər təbiidir və onlardan qorxmaq lazım deyil.
 
 
- Təngnəfəslik (adətən 3-cü üçaylığında narahat edir). Hamiləliyin axırlarına yaxın fiziki iş və ya adi danışıq zamanı əmələ gələn təngnəfəslik bir çox qadınları narahat edir. Böyümüş döl diafraqmaya təzyiq edir ki, bunun nəticəsində nəfəsalma prosesi çətinləşir. Bu halla mübarizə etmək üçün daha çox dincəlin, yatanda başınızın altına əlavə yastıq qoyun. Doğuşa 1 ay qalmış uşağın başı çanağın girişinə enir və təngnəfəslik azalır. Əgər təngnəfəslik sizi çox narahat edirsə, mütləq həkimə müraciət edin (bu anemiyanın simptomu ola bilər).
 
 
- Qəbizlik (bütün hamiləlik ərzində narahat edə bilər). Bu əksər hamilə qadınların şikayətidir. Hamiləlik zamanı qanda proqesteron hormonun səviyyəsi artır. Proqesteron uşaqlığın əzələlərinə zəiflədici təsir edir ki, doğuş lazım olan vaxtdan tez başlamasın. Bundan əlavə proqesteron bağırsaqların hərəkətliliyini (peristaltika) zəiflədir ki, hətta heç zaman qəbizliklə rastlaşmayan qadında bu pozulma inkişaf edə bilər. Qəbizliklə mübarizə etmək üçün kifayət qədər meyvə-tərəvəz, sıyıqlar (xüsusilə yulaf yarması) yeyin, maye qəbul edin, hərəkətli olun.
 
 
- Baldır və pəncə əzələlərin qıcolmaları (adətən 3-cü üçaylığında narahat edir, bir çox hallarda qıcolmalar gecə saatlarında olur). Hamiləliyin 3-cü üçaylığında uşağın skeleti fəal şəkildə böyüyür. Bunun nəticəsində ananın orqanizmindən kalsium yuyulur. Bu isə qıcolmalara, diş problemlərinə gətirib çıxardır. Qadın kalsium elementi və D vitamini ilə zəngin olan qidaları (süd məhsulları, yumurta) qəbul etməli, hamilə qadınlar üçün nəzərdə tutulmuş vitaminləri içməlidir. Lazım olduqda həkim xüsusi kalsium və D vitamini preparatı təyin edə bilər.
- Halsızlıq (1-ci və 3-cü üçaylıqlarında narahat edir). Hamiləlik zamanı qadınların əksəriyyətində qan təzyiqi enir. Bu səbəbdən qadın başgiləllənməsi, halsızlıq hiss edir.
 
 
- Tezləşmiş sidik ifrazı (1-ci və 3-cü üçaylıqlarında narahat edir). Hamiləliyin əvvəlində bu hormonal fonun kəskin dəyişilməsi, axırında isə böyümüş uşaqlığın sidik kisəsinə təzyiq etməsi ilə izah olunur. Əgər sidik ifrazı zamanı sizi ağrılar, yandırma hissi narahat edirsə, həkimə müraciət edin. Bu infeksiyanın əlamətidir.
 
 
- Qıcqırma (3-cü trimestrdə narahat edir). Hormonal dəyişikliklərin nəticəsində mədə və qida borusu arasında olan qapaq zəifləyir. Bunun nəticəsində mədədən boru qidasına mədə şirəsi düşür və onu yandırır. Həkimlər hamilə qadınlara daha tez-tez və az miqdarlarda qida qəbul etmək, qızarmış və acı qidalardan imtina etmək tövsiyə edir. Qıcqırma dözülməzdirsə, həkimə müraciət edin ki, sizə xüsusi müalicə təyin olunsun.
 
 
- Həddən artıq tərləmə (bütün hamiləlik ərzində narahat edə bilər). Hamiləlik zamanı qadın orqanizmində baş verən hormonal dəyişikliklər və güclənmiş qan dövranı həddən artıq tərləməyə (xüsusilə gecə yuxu zamanı) səbəb olur. Bu da təbii haldır. Həkimlər bu halda daha çox maye qəbul etmək və enli təbii parçalardan olan paltarları geyinmək tövsiyə edir.
 
 
- Səpgilər (3-cü üçaylığında narahat edir). Hamilə qadınlarda qasıq nahiyyəsində və döşlərin altında qırmızı səpgilər əmələ gələ bilər. Buna səbəb hormonal dəyişikliklərdir. Həkimlər tez-tez duş qəbul etmək və enli təbii parmalardan olan paltarları geyinmək tövsiyə edir. Səpgilər çox narahat edirsə, həkim xüsusi məlhəm təyin edə bilər.
 
 
Uşaqlıq yolundan ifrazatların artması (bütün hamiləlik ərzində narahat edə bilər). Hamiləlik zamanı ifrazatların bir qədər artması müşahidə olunur. Bu normaldır. Lakin ifrazatlar həddən çox olmamalı, iysiz və ağ və ya şəffaf olmalıdır. İyli, qəhvəyi, yaşıl rəngdə, uşaqlıq yoluna yandırıcı, yeyici təsir edən ifrazatlar normal sayılmır. Bu halda qadın mütləq ginekoloqa müraciət etməlidir.
 
 
- Ödemlər (3-cü üçaylığında əmələ gəlir). Baldır, pəncə nahiyələrin və əl barmaqların zəif ödemləri normal sayılır. Məsələ burasındadır ki, hamiləlik zamanı orqanizmdə daha çox maye yığılır və bu da ödemlərə səbəb olur. Əgər ödemlər çox gözə çarpırsa, bu təhlükəli simptomdur. Mütləq həkimə müraciət edin.


Şərhlər:
Baxılıb: 2541
Geriyə
loading...
Hörmətli Qonaq, siz sayta qeydiyyatsız istifadəçi kimi daxil olmusunuz.
Saytda şərh yazmaq, xəbər göndərmək və eləcə də digər hüquqlardan istifadə edə bilmək üçün QEYDİYYATDAN keçməyinizi məsləhət görürük.

TEZKLİKLƏ

Adların mənaları Yuxuyozmalar
Xəbər lenti HAMISI
YeniQadin.Biz
Səsvermə
 

Bəs sizin bürcünüz nədir?

Qoç
Buğa
Əkizlər
Xərçəng
Şir
Qız
Tərəzi
Əqrəb
Oxatan
Oğlaq
Dolça
Balıqlar

 
 
HAMISI Ən çox oxunanlar
İdeal çəkini hesabla
Boyunuz : sm
Çəkiniz : kq
Yaşınız :
Cinsiniz :
İdeal Çəkiniz : kq
Fərq : kq

BÜRC UYĞUNLUĞU

Sevgilinizlə bürc uyğunluğunuzu öyrənə bilərsiniz