Həkim kollektivi Həkimə sual ver
Söhbət otağı
Təbii görünən makiyaj üçün hər qadının bilməli olduğu 6 incəlik
Təbii görünən makiyaj üçün hər qadının bilməli olduğu 6 incəlik
Göndərən: NoName
Şərhlər: 13
Baxılıb: 1650
Səs ver:
Gözəl görünmək hər bir qadının arzusudur.Olduğundan daha gözəl görünməyin yolu isə təbii ki, düzgün makiyajdan keçir.Düzgün makiyajda əsas məqsəd isə qədərində və yerində istifadə edilmiş məhsullarla hər qadının özünəməxsus gözəl üz cizgilərini ön plana çıxararaq vurğulamaq və qüsurları gizlətməkdən ibarət olmalıdır.Təbii görünməyən və gərəyindən artıq nəzərə çarpan makiyaj həm şit və süni görünür həm də istənilən gənc qadını olduğundan bir neçə yaş daha yaşlı göstərir.Xüsusilə də gündəlik makiyajın mümkün qədər təbii olması mütləqdir.

Mənim də həm gündəlik həm də gecə makiyajlarımda çalışdığım ən önəmli məqam elə budur: "Təbii görünən makiyaj”. Təbii görünən makiyaj üçün isə daim diqqət etdiyim bir neçə xüsusi incəlik var.Bu incəliklərə təkcə öz etdiyim makiyajlarda yox hətta qeyri-ixtiyari olaraq rastlaşdığım bütün qadınların üzündə diqqət edirəm.Bu gün də blogumun oxucuları ilə məhz elə bu önəmli incəlikləri bölüşəcəyəm.

1.Düzgün üz makiyajı.
Təbii makiyajın ilk və ən önəmli şərti təbii üz makiyajıdır.Üz dəriniz nə qədər təravətli və təbii görünərsə makiyajınız da bir o qədər gözəl və təbii olacaq deməkdir.Üzünüzdə boya kimi qalmış və nəzərəçarpan tonal krem varsa göz və dodaq makiyajınızın nə qədər təbii görünməsinin də artıq heç bir anlamı yoxdur.Yəqin ki, həddindən artıq nəzərəçarpan üz makiyajına bizdə hər kəsin "шпатлевка” dediyini siz də mənim qədər yaxşı bilirsiniz.Təbii ki, bu sözün ona ünvanlanmasını heç bir qadın istəməz. :)
Ümumiyyətlə üz makiyajı üzdəki qüsurları,sızanaqlar və müxtəlif ləkələri,ton fərqliliklərini gizlədərək dərini qüsursuz və təravətli göstərməli, ancaq eyni zamanda da maksimum dərəcədə az və təbii görünməlidir.Bunun üçün üz dərinizin tonuna və tipinə ən uyğun tonal krem və konsiler istifadə etməyə və onları üzünüzdə bərabər yaymağa mütləq diqqət edin.Gərəyindən artıq miqdarda tonal krem istifadə etməyin.
Düzgün tonal krem seçimi və istifadə qaydası barəsində də önümüzdəki günlərdə ayrı bir blog yazımda ətraflı yazmağı düşünürəm.

2.Təbii dodaqlar.
Təbii makiyaj üçün əsas şərtlərdən bir digəri də təbii dodaqlardır.Bir çox qadın dodaqlarını olduğundan daha həcmli göstərmək üçün dodaq boyasını həddindən artıq dodaqlarından kənara çıxarır.Bu isə makiyajın təbiiliyini tamamilə pozur.Həmçinin qeyd etmək lazımdır ki, belə dodaqlar həqiqətən də çox pis görünür.Hətta bəzən bunu o dərəcədə şişirdilmiş şəkildə edirlər ki, olduqca gülməli bir görüntü yaranır.Bu mənim makiyaj zamanı ən sevmədiyim və özümün də əsla etmədiyim makiyaj xətalarının başında gəlir.

3.Səliqəyə salınmış qaşlar.
Xarici ölkələrdə qadınlar uzun illərdir ki, makiyaj zamanı qaşlarını səliqəyə salmaq üçün qaş karandaşları,tenlər və qaş tuşlarından istifadə edirlər.Son vaxtlar qaşları doldurmaq bizim xanımlar arasında da inanılmaz məşhurlaşsa da bəzi xanımlar tərəfindən çox yanlış tətbiq edildiyinin tez-tez şahidi oluram.Qaşların bu cür kosmetik vasitələrlə səliqəyə salınmasında əsas məqsəd boşluqların doldurulması olmalıdır.Qaş karandaşınızın yalnız qaşın işərisindəki boşluqları doldurmasına,qaşlarınızın tüklər olan üst və alt sərhəddindən yuxarı və aşağı keçməməsinə mütləq diqqət edin.

4.Təbii kirpiklər.
Təbii görünən kirpiklərin ilk düşməni köhnəlmiş tuşlardır.İstifadə etməyə başladıqdan bir müddət sonra tuşlarınızın qurumağa başladığını hiss edirsinizsə bir an əvvəl onu yenisi ilə əvəzləyin.Köhnəlmiş və qurumağa başlamış tuşların ilk xüsusiyyəti çəkilən zaman kirpiklərin üzərində qırıntılar buraxması və günün irəliləyən saatlarında ovularaq göz altlarına tökülməsidir.Bu cür tuşlar kirpiklərə çox qatı bir görüntü verməsi və kirpikləri bir-birinə yapışdırmasına görə təbiilikdən uzaq bir görüntü yaradır.Həmçinin üst-üstə 3-4 qat tuş çəkmək də kirpiklərinizin təbii görünməsinə imkan vermir.Kirpiklər taxta kimi sərt olur və olduqca süni görünür.Mən kirpiklərimə həmişə yalnız bir qat tuş istifadə edirəm.Əgər siz bir dəfədən artıq istifadə etməkdə qərarlısınızsa məsləhətim odur ki, daha təbii görüntü üçün maksimum 2 dəfə ilə kifayətlənəsiniz.

5.Doğru göz makiyajı.
Təbii görünən göz makiyajı üçün təkcə qara qələmlə kifayətlənməyinizə ehtiyac yoxdur.Düzgün seçilmiş ten rəngləri ilə təbii göz makiyajı etmək mümkündür.Əvvəlcə öz göz quruluşunuza yaraşan göz makiyajını müəyyən edin.Təbii görüntü yaratmaq üçün yaşıl,mavi,bənövşəyi kimi nəzərəçarpan rənglərdən daha çox qəhvəyi-krem rəng aralığından istifadə etmək daha asan olacaqdır.Göz makiyajı edərkən layner və göz qələminizi səliqəli çəkməyə və tenləri kistlərlə düzgün yaymağa diqqət edin.Əgər gündüz makiyajı edəcəksinizsə təbii görüntü əldə etmək üçün ağır göz makiyajı etməkdən çəkinin.

6.Düzgün ənlik.
Ənlik seçərkən sizin dəri tonunuza yaraşdığından əmin olun.Çünki qablaşdırılmasındakı rəngi nə qədər gözəl olursa olsun sizin tonunuza uyğun gəlməyən ənliklər üzünüzdə xoşagəlməz görünəcək.Əgər rəng seçimi etməkdə həmişə çətinlik çəkirsinizsə onda köməklik üçün deyə bilərəm ki, açıq çəhrayı və yüngül şaftalı tonları demək olar ki, əksər xanımlara yaraşır.
Ənlik istifadə edərkən gözlərinizin alt hissəsinə ənlik vurmamağa diqqət edin.Bu çox gülməli görünəcək.Lap rus nağıllarındakı qırmızıyanaq qızlara bənzəyəcəksiniz.Çalışın ki, ənliyi almacıq sümüklərinizin üstünə azacıq miqdarda vurasınız.Nəzərə alın ki, yanlış istifadə olunmuş ənlik bütün makiyajınızın təbii görünüşünü itirməsinə səbəb olacaq.

Həcər İsmayılova


Şərhlər: 13
Baxılıb: 1650
Geriyə
loading...
Hörmətli Qonaq, siz sayta qeydiyyatsız istifadəçi kimi daxil olmusunuz.
Saytda şərh yazmaq, xəbər göndərmək və eləcə də digər hüquqlardan istifadə edə bilmək üçün QEYDİYYATDAN keçməyinizi məsləhət görürük.
Dosta_inam
Elədə makiyaj edən deyiləm, edəndə isə çalışıram təbii olsun, təşəkkür.
31 avqust 2015 18:20
# 13
Əsl "DOST" göydəki ulduzlar kimidir, qaranlıq çöküncə ilk onlar görünər...
Catwoman666
Makiyaj edən xanımlar hər zaman təbiiliyə önəm verməlidir. Çalışmaq lazımdır ki, makiyaj daha təbii alınsın. Özüm isə makiyajdan istifadə etmirəm.

...666...
29 avqust 2015 16:45
# 12
"All men must die, but we are not men"

Daenerys Targaryen
nigarhesenli1
Diqqət! Sizdə gizli mətnin baxışı üçün hüquq yoxdur.
29 avqust 2015 11:02
# 11
aLoNe AnGeL
makyaj istifade etmiyorum
29 avqust 2015 10:41
# 10
Nə gözəl söyləmiş Hz.Əli-"İnsanları tanıyan yalnızlaşır" ciyy
VIP
Qaşımı hərdən doldururam.Amma karandaşdan deyil,tendən istifadə edirəm.Qaşımın rəngindən bir rəng acıg ten vururam,super olur.
29 avqust 2015 01:54
# 9
Başımın üstündə Allah,yanımda ailəm olsun.
vipbetul
makyaj sevmirem

makyaj sevmirem
28 avqust 2015 23:22
# 8
Of,If I stretch my hands,do you hold them in your hands,Sir?
Oh, do you look at my tearful eyes even once?
Meleknur
Tebii makyaj edirem edende sade nude makyaji edirem
28 avqust 2015 23:11
# 7
Bəzən, xoşbəxt insan qalmaq üçün, nəyisə
bilməmək lazımdır...
Nəyisə görməmək...
rəmsə
Çox düzgün qeyd olunub,mənimdə yaşıl,mavi,bənövşəyi tenlərə acığım gəlir.Ancaq toprak tonlarında tenlərdən istifadə edirəm.Yazılanların hamısını demək olarki bilirəm.
28 avqust 2015 20:20
# 6
Dəyəri azalmayan,əksinə hər gün artan tək şey övladdırquc
Lola_Maya_
MEN ONSUZDSA tebii makyaja ustunluk verib ele elede makyaj edirem
28 avqust 2015 19:56
# 5
Fialka
Təbii makyaja üstünlük verirəm bu cür sevənlər lakin doğru edə bilməyənlər üçün faydalı məlumatlardır)
28 avqust 2015 19:49
# 4
BARBI
Tebii makiyajlari cox xoslayiram. Her zaman bu makiyaja ustunluk verirem
28 avqust 2015 19:41
# 3
Canımı yaktıktan sonra, hiç birşey olmamış gibi helallik isteyenler! Cehennemde yandığınızı görsem üzerinize benzin dökerim... !
Tomris Müslümova
Sadə makiyaj edirəm çox şit abartılı yox hələki gözlr və dodaqlar
28 avqust 2015 19:41
# 2
9 Milyard insan...9 Milyard ruh...Və içindən yalnız,bir dənəsinə ehtiyac duymaq çox qəribədir heart
ALESSANDRA
yasim az olduqu ucun makiyajdan istifade etmirem tsk 128
28 avqust 2015 19:35
# 1
Don't trust anyone ∆
İnformasiya
Qonaq qrupunda olanlar istifadəçilər bu xəbərə şərh əlavə edə bilməz.

(ana səhifəyə gedin.)

TEZKLİKLƏ

Adların mənaları Yuxuyozmalar
Xəbər lenti HAMISI
YeniQadin.Biz
Səsvermə
 

Bəs sizin bürcünüz nədir?

Qoç
Buğa
Əkizlər
Xərçəng
Şir
Qız
Tərəzi
Əqrəb
Oxatan
Oğlaq
Dolça
Balıqlar

 
 
HAMISI Ən çox oxunanlar
İdeal çəkini hesabla
Boyunuz : sm
Çəkiniz : kq
Yaşınız :
Cinsiniz :
İdeal Çəkiniz : kq
Fərq : kq

BÜRC UYĞUNLUĞU

Sevgilinizlə bürc uyğunluğunuzu öyrənə bilərsiniz