Həkim kollektivi Həkimə sual ver
Söhbət otağı
Qarderobunuz payızın küləkli günlərinə hazırdır?
Qarderobunuz payızın küləkli günlərinə hazırdır?
Göndərən: ALESSANDRA
Şərhlər:
Baxılıb: 1196
Səs ver:
Artıq bir həftədir ki, payızın sərin nəfəsi özünü göstərir. Payız qapıdadır və soruşur ki,  "hazırsınızmı, gəlirəm”.

Gələn həftədən isti yay öz yerini yağmurlu, küləkli payıza  təhvil verəcək. Bəs, siz buna hazırsınızmı?
 
Qarderobunuz buna bənzərdirsə, deməli, yeni mövsümə hazırsınız. Yox, deyilsə, bizim qarderobumuza baxıb çatışmayanları tamamlamağa tələsin.

Beləliklə, payız qarderobunun əvəzolunmaz 12 geyimindən biri dabanlı botilondur (qısaboğaz çəkmə).

Payız aylarında havalar dəyişkən olduğu üçün tufli və baletkalar sizi çətin vəziyyətdə qoya bilər.Odur ki, onlara etibar etmək olmaz. Payız çəkməsinin əsas xarakteristikası davamlı olmasıdır. Yəni ayaqqabınız yaş asfaltda ayaqüstə qalmaqda çətinlik yaratmamalıdır.

Payız aylarında üstünlüyü sözsüz ki, laklı və dəri çəkmələrə verməlisiniz. Ümumiyyətlə, ayaqqabı məsələsində heç vaxt xəsislik etməyin. Çünki həyatınızın böyük hissəsini onların üzərində keçirirsiniz.

Klassik və universal cins
Təzə cins almağa və əlavə pul xərcləməyə gərək yoxdur. Dekorsuz klassik cinslər  öz aktuallığını hər zaman qoruyub saxlayır.

Məxmər, dəri və ya zamşa don
Zamşa və məxmər don romantiklər üçün mükəmməl seçim olacaq. İdeal variant axtarışında olanlara "V" yaxalıqlı qısa və qolsuz modellər təklif olunur. Onu vodolazka və ağ maykalarla geyinə bilərsiniz.

Slipon və ya loafer ayaqqabılar
Qadın geyimləri ilə uzlaşdırılan kişisayağı ayaqqabılar dəbdən düşmək istəmir. Elə yaxşı ki, düşmür. Qadın geyimləri çox çeşidli olsa da, gəlin etiraf edək ki, kişi geyimləri daha rahatdır. Məsələn, dəri sliponlar payız üçün çox əlverişlidir. Onlar həm cins, həm də incə paltarlarla əla uzlaşır, İstənilən geyimlə uyğunlaşan ayaqqabı axtarışındasınızsa, payıza  uyğun olaraq qara rəngli modeli seçin.

Vodolazka
Vodolazkanı nə ilə desən, geyinmək olar: cinslə, klassik şalvarla, eləcə də bu payız aktual olan midi və mini yubka ilə mükəmməl yaraşar.

Dama-dama köynək
Klassik tünd-qırmızı dama-dama köynək sizin obrazınıza nostalji təsir bağışlayacaq. Həzin payız günləri üçün ideal seçimdir. Köynəyin yalnız adi qaydada deyil, həm də beldə bağlanan variantını sınaqdan keçirin.

Dəri kurtka
Payız dəri kurtka olmadan lap darıxdırıcı olar. Yəqin ki, çoxları mənimlə razılaşar ki,  dəri kurtkalar tutqun payız günlərində qadına seksuallıq bəxş etmək kimi qeyri-adi xüsusiyyətə malikdirlər. Dolabınızdakı dəri kurtka köhnəlibsə, onu dərhal yenisi ilə əvəz edin və ya rənglətdirməyə verin.

Plaş
Bu geyim növü alicənablığı və eleqantlığı simvolizə edir. Moda həvəskarları bu gün qarderoblarını əfsanəvi retro elementi - plaşları olmadan təsəvvür edə bilmirlər. Klassik plaşlar heç vaxt dəbdən düşmədiyinə görə, hər bir qızın qarderobu üçün çox yaxşı sərmayə hesab olunur. Çünki plaş sizi istənilən vəziyyətdən xilas etmək gücünə malikdir. Sual yarana bilər ki, necə? Gündüz cinslə, gecə isə kokteyl donlarla və yubkalarla çox yaxşı uzlaşır.

İpək yaylıq
Siz yaylıq, ləçək, şərf və digər bu qəbildən olan aksessuar həvəskarı olmasanız da, onlar hər bir qıza mütləq lazım olur. Məsələn, onların köməyi ilə 60-ci illərin dəbinə uyğun olaraq aktual retrosayağı obrazlar yaratmaq olar.

Rezin çəkmələr
Dəbli çəkmə və tufliləri leysanlı havalarda korlamağa dəyməz. Belə günlərdə dalbadal tufli geyinsəniz, ayaqqabılarınız su keçirəcək. Ona görə də hər birimizin qarderobunda bir cüt yaxşı rezin çəkməsi olmalıdır.

Xalat palto
Xalat paltolar həm payız, həm də qış üçün aktualdır. Tez xəstələnənlər üçün əla qoruyucudur.

Papaq
Papağa uşaqlıqdan nifrət etsəniz də, səhhətinizi təhlükəyə atmamaq naminə heç olmasa, bir ədəd dəbli baş örtüyünüz olmalıdır.


Şərhlər:
Baxılıb: 1196
Geriyə
loading...
Hörmətli Qonaq, siz sayta qeydiyyatsız istifadəçi kimi daxil olmusunuz.
Saytda şərh yazmaq, xəbər göndərmək və eləcə də digər hüquqlardan istifadə edə bilmək üçün QEYDİYYATDAN keçməyinizi məsləhət görürük.

TEZKLİKLƏ

Adların mənaları Yuxuyozmalar
Xəbər lenti HAMISI
YeniQadin.Biz
Səsvermə
 

Saytın hansı bölməsini xoşlayırsınız?

Qadınlar.Biz həyatı
Gündəm - Magazin xəbərləri
Moda
Gözəl qadın
Bizim mətbəx
Sağlıqlı yaşam
Hamiləlik və Analıq
Qadın və Cəmiyyət
Münasibətlər
Həyat tərzi
Bürclər və Qoroskop
Bölümlü Hekayələr
Kişi dünyası
Oyunlar
Video - Musiqi

 
 
HAMISI Ən çox oxunanlar
İdeal çəkini hesabla
Boyunuz : sm
Çəkiniz : kq
Yaşınız :
Cinsiniz :
İdeal Çəkiniz : kq
Fərq : kq

BÜRC UYĞUNLUĞU

Sevgilinizlə bürc uyğunluğunuzu öyrənə bilərsiniz