Həkim kollektivi Həkimə sual ver
Söhbət otağı
Payızda dəbli görünmək istəyənlər üçün 10 trend
Payızda dəbli görünmək istəyənlər üçün 10 trend
Göndərən: ALESSANDRA
Şərhlər:
Baxılıb: 948
Səs ver:
Payız və qış aylarında nələrin trend olacağını öyrənmək istəyirsiniz?

Moda mütəxəssislərinin payız və qış ayları üçün 10 proqnozunu təqdim edirik:

Məxmər parça
Soyuq havalar üçün ən münasib parçalardan biri olan məxmər bu il də dəbdədir. Qarderobunuza məxmərdən tikilmiş geyimlər, hətta məxmər ayaqqabılar əlavə etməyə tələsin.

Solğun çalarlar
Bu günə kimi solğun çalarların, adətən, yay aylarında istifadə edildiyinin şahidi olmuşduq. Ancaq bu il dizaynerlər bizi təəccübləndirmək istəyirlər. Odur ki, qışa uyğun solğun çalarlar dəbə minəcək. Solğun mavi isə ən çox görəcəyimiz rəng olacaq.

Bənövşəyi
Dəfilələrdə nümayiş olunanlardan belə görünür ki, qarşıdan gələn payız və qış aylarında ən populyar rəng bənövşəyi olacaq. Odur ki, bu qış bənövşəyinin müxtəlif çalarlarına müraciət edə bilərsiniz. Dəb mütəxəssisləri bənövşəyinin açıq tonu olan lavanda çiçəyinin rənginin daha çox seviləcəyini proqnozlaşdırırlar.

Xalta
Bu ilin aksessuar dəbində elə bir yenilik yoxdur. Ötən il dəbdə olan xalta formasındakı boyunbağılar bu il də trendlər arasında yerini alıb. Mən bunu dizaynerlərin hiyləsi hesab edirəm. Çünki ötən il xalta boyunbağıları nə qədər reklam etsələr də, bu aksessuarlara istənilən reaksiyanı ala bilmədilər. Xanımların bir çoxu bu qeyri-adi dəblə ayaqlaşmaq istəmədi. Odur ki, brendlər əllərində qalan malları satmaq üçün bu il də xalta dəbini zorla həyatımıza daxil etməyə çalışırlar.

Tenis paltarları
Ağ rəng uzun müddətdir ki, dəbdə hakimiyyəti ələ keçirib. Tenis ayaqqabıları da bir neçə mövsümdür ki, trendlər arasındadır. Dizaynerlər indi də tenis geyimlərini gündəlik həyatımızın bir parçasına çevirməyə çalışırlar. Görək, bu dəblə kimlər ayaqlaşacaq.

Sviterlər
Sinəsi "V” formasında kəsilmiş, uzun  və bol kəsimli sviterlər dəbi fəth edəcək. Siz də qış ayları üçün belə bir sviter əldə edin.

Parlaqlıq
Əsasən, yağışdan qorunmaq üçün geyinilən paltarlarda müşahidə edilən parlaqlıq payızın əsas dəb tendensiyasına çevriləcək. Belə ki, parlaq pencək, ətək və ayaqqabılar mövsümün trendləri arasına daxil olacaq.

Balonkalar
Ötən il Rihannada görüb ələ saldığımız uzun və iddialı balonkaları bu il dəblə ayaqlaşmaq istəyən hər kəsin üzərində görəcəyik.

Bəzəkli cinslər
Cins dəbində dizaynerlər 2000-ci ilə qayıdıblar. Bu il cinslər eynilə 2000-ci ildəki kimi bəzəkli və naxışlı olacaq. Xüsusilə də, naxışlı cins şalvarlar ilin ən populyar geyiminə çevriləcək. Ümid edirəm ki, bunun sonu muncuqlarla bəzənmiş cinslərə gedib çıxmaz.

Qrafika və illüziya
Ağ və qara rəng hər zamankı kimi populyarlığını qoruyub saxlayır. Ancaq bu il ağ və qara rəngli geyimlərdə xüsusi illüziyalar, qrafika üsulları nəzərə çarpacaq. Zolaqlar, tül və dekolte qara rəngli geyimlərə xüsusi ecazkarlıq qatacaq.

 

 

 

 

 

 

 

 



Şərhlər:
Baxılıb: 948
Geriyə
loading...
Hörmətli Qonaq, siz sayta qeydiyyatsız istifadəçi kimi daxil olmusunuz.
Saytda şərh yazmaq, xəbər göndərmək və eləcə də digər hüquqlardan istifadə edə bilmək üçün QEYDİYYATDAN keçməyinizi məsləhət görürük.

TEZKLİKLƏ

Adların mənaları Yuxuyozmalar
Xəbər lenti HAMISI
YeniQadin.Biz
Səsvermə
 

Bəs sizin bürcünüz nədir?

Qoç
Buğa
Əkizlər
Xərçəng
Şir
Qız
Tərəzi
Əqrəb
Oxatan
Oğlaq
Dolça
Balıqlar

 
 
HAMISI Ən çox oxunanlar
İdeal çəkini hesabla
Boyunuz : sm
Çəkiniz : kq
Yaşınız :
Cinsiniz :
İdeal Çəkiniz : kq
Fərq : kq

BÜRC UYĞUNLUĞU

Sevgilinizlə bürc uyğunluğunuzu öyrənə bilərsiniz