Həkim kollektivi Həkimə sual ver
Söhbət otağı
Evlilik insanı və imanını nələrdən qoruyur?
Evlilik insanı və imanını nələrdən qoruyur?
Göndərən: NoName
Şərhlər:
Baxılıb: 1418
Səs ver:
alt

Allah ibadətdən itaətə qədər bizə lazım olan hər şeyi vəhyiylə bildirib və bunlar da müqəddəs kitabımızda öz əksini tapıb. Quran oxumaqla yaşamaq arasında bağ qurur. Necə yaşamaq lazım olduğunu onu oxuyaraq öyrənirsən.

Həyat üçün, həyatın davamı üçün ən vacib olan əsas bir şərt var: ailə. Ailə – bir-birinə möhtac olan, güvənən, bir-birində sükunət və hüzur tapan qurumdur.


“Sizi tək bir candan xəlq edən, ünsiyyət qurub sükunət tapsın deyə ondan onun zövcəsini yaradan Odur…” [Əraf, 189].

Ailə iki nəfərin başlatdığı və onların təməli üzərində yüksələn bir binadır. Bu iki nəfər bərabər olduqda sükunət tapa bilərlər, onları bir-birindən ayırsanız, hidrogenlə oksigen ayrılınca nə baş verəcəksə, onun şahidi olacaqsınız. Onlar ayrılınca ortada ailə deyə bir şey qalmır. Boşanmaq isə “Allahın ən çox sevmədiyi halaldır”. Hər müsəlman bunu düşünmək məcburiyyətindədir və evlənərkən Allahın qoyduğu tələblərə uymalıdır. Çünki müsəlman cənnətdə belə bu münasibətinin davam etməsini arzuladığı biri ilə evlənir. Evlilik həyatı dərdi, acını və cənnəti paylaşmaqdır. Birlikdə cənnətdə olmaq üçün bu dünyada fədakarlığı öyrənməkdir. Ailə qurmaq üçün isə əsas olan həyat yoldaşını doğru seçməkdir. Burada da əsas şərt Allah rizasına nail olmaq və Onun qoyduğu təməllərə yönəlməkdir.

Müşrik qadınlar və kişilər iman gətirməzsə…


“Müşrik qadınlar iman gətirməyincə onlarla evlənməyin! Əlbəttə, iman gətirmiş bir kəniz, sizi heyran edən müşrik bir qadından daha xeyirlidir. Müşrik kişilər iman gətirməyincə (mömin qadınları) onlara ərə getməyin. Əlbəttə, iman gətirmiş bir kölə, sizi heyran edən müşrik bir kişidən daha xeyirlidir. Onlar sizi atəşə çağırırlar. Allah isə sizi Öz rizası ilə Cənnətə və bağışlanmağa dəvət edir. Daha doğrusu, Öz mesajlarını insanlara bəyan edir ki, bəlkə, düşünüb ibrət alsınlar” (Bəqərə, 221).


Allah nə buyurur?

Allahın bunu söyləməsindəki əsas məqsəd aydındır: bizə öyüd verir, bağışlanmağa dəvət edir, atəşin əzabından qoruyur.

Doğru seçim üçün sənə şərt bəyan edilib. Bundan sonra da səhv addım atmaq artıq sizin günahınızdır. Yanlış qərar verdinsə, atəşə hazır ol. Həm bu dünyada, həm də axirətdə.

İslama görə, qadınla nəyinə görə evlənirlər?

Bəqərə surəsinin bu ayəsi ilə uyğun gələn bir hədis də Rəsulullahdan nəql edilir: “Qadınla 4 şeyə görə evlənirlər: 1. Malı, 2. Gözəlliyi, 3. Nəsli, 4. İmanı. Siz imanlı olanı seçin ki, eviniz bərəkətli olsun”.


İslam evliliyin uzun ömürlü olması üçün doğru bir zövc seçimini əsas alır. Yuvanın hüzur, səadət, xoşbəxtçilik və qarşılıqlı güvənə söykənən prinsiplər üzərində qurulması üçün bu yuvada dinin ön planda olması vacib şərtdir. Çünki din üzərində qurulan evliliklərdə insan yaşlandıqca məhəbbət artar, münasibətlər daha da gözəlləşər, inkişaf edər və ailə bağları bir az da qüvvətlənər. Zənginlik, zahiri gözəllik, əsl-nəcabət kimi ünsürlər həm keçicidir, həm də insanı təkəbbürləndirir. Buna görə də Rəsulullah evliliyi qarantiyaya almağı tövsiyə edir. İmanlı biri ilə evlənin deyir. Məhz bunun üçün də evliliklər cəmiyyətin dəyərlərinə görə deyil, Allahın dəyərlərinə görə qurulmalıdır. İslama görə, sağlam ailə qurmanın şərti möminlərin bir-biri ilə evlənməsidir.


Allahın və Rəsulun əmrinə uymaq bizə Quranda əmr olunub. İman etmisənsə, bu əmri pozmaq kimi şansın yoxdur. “Allah və Rəsulu bir işə hökm verdiyi zaman artıq mömin bir kişiyə və qadına o işi öz istəyinə görə seçmə şansı yoxdur. Kim Allaha və Rəsuluna qarşı gələrsə, o açıq-aydın zəlalətə düşüb” (Əhzab, 36).


Evlilik insanın imanını artırırmı və onu nələrdən qoruyur?


Özünə «mən müsəlmanam» deyən biri hər halı ilə Allahın rizasını düşünməlidir. Evlilik də bu riza üçün qurulmalıdır ki, “iman yarısı”nı əldə etmiş olasan. Peyğəmbərimiz “Evlilik imanın yarısıdır” deyir. Bu nə mənaya gəlir?


1. Evlilik insanı zinadan, haramdan qoruyur. Cəmiyyəti məhvə sürükləyən amillərin başında zina gəlir. Möminlər Allahın əmrinə itaət edərək bu çirkin işə bulaşmaqdan çəkinərlər.

2. Evli cütlər ibadətdə bir-birinə yardımçı olur, bir-birinin əksiyini düzəldir.
3. Ümmətin çoxalması, dinin yayılması yalnız qanuni bir evliliklə mümkündür. Allahın dininə və Rəsulun sünnətinə uyaraq evlənənlərin sayı çoxaldıqca cəmiyyətin təməlləri möhkəmlənər.
4. Belə ailədə böyüyən uşaq körpəlikdən Allahı tanıyar, qadağalarını bilər, əmrlərinə sarılar. Təbii ki, burada valideynlərin üzərinə də böyük bir yük düşür. İlk başda təməlləri doğru atılmış bir ailə bünövrəsi möhkəmdirsə, niyyət Allahın razılığıdırsa, o zaman övladın şansı çoxdur. “Öldükdən sonra savabı kəsilməyən ən gözəl işlərdən biri də saleh övlad yetişdirməkdir. Valideynləri öldükdən sonra belə övladın etdiyi dualar mütləq onlara çatar” (Müslim).

İslam bir yaşam tərzidir; evlənməkdən boşanmağa, yeməkdən içməyə, yürüməkdən oturmağa, ibadətdən işləməyə, ticarətdən siyasətə, barışdan savaşa qədər bütün hərəkətlərini İslami əsaslar üzərində nizamlayanlar, həqiqətən də möminlərdir. İslamın bir hissəsini həyatına tətbiq edən, bir hissəsini tərk edənlər isə müşriklərdir. Bunu biz deyil, Quran deyir. Elə isə əməl etməyə çalışaq.


Şərhlər:
Baxılıb: 1418
Geriyə
loading...
Hörmətli Qonaq, siz sayta qeydiyyatsız istifadəçi kimi daxil olmusunuz.
Saytda şərh yazmaq, xəbər göndərmək və eləcə də digər hüquqlardan istifadə edə bilmək üçün QEYDİYYATDAN keçməyinizi məsləhət görürük.

TEZKLİKLƏ

Adların mənaları Yuxuyozmalar
Xəbər lenti HAMISI
YeniQadin.Biz
Səsvermə
 

Saytın hansı bölməsini xoşlayırsınız?

Qadınlar.Biz həyatı
Gündəm - Magazin xəbərləri
Moda
Gözəl qadın
Bizim mətbəx
Sağlıqlı yaşam
Hamiləlik və Analıq
Qadın və Cəmiyyət
Münasibətlər
Həyat tərzi
Bürclər və Qoroskop
Bölümlü Hekayələr
Kişi dünyası
Oyunlar
Video - Musiqi

 
 
HAMISI Ən çox oxunanlar
İdeal çəkini hesabla
Boyunuz : sm
Çəkiniz : kq
Yaşınız :
Cinsiniz :
İdeal Çəkiniz : kq
Fərq : kq

BÜRC UYĞUNLUĞU

Sevgilinizlə bürc uyğunluğunuzu öyrənə bilərsiniz