Həkim kollektivi Həkimə sual ver
Söhbət otağı
Evliliyə zərər verən davranışlar
Evliliyə zərər verən davranışlar
Göndərən: NoName
Şərhlər:
Baxılıb: 1423
Səs ver:
Xoşbəxt evliliyə sahib olmaq hər kəsin arzusudur. Bu da bir reallıqdır ki, evində xoşbəxt ola bilməyən insan işində, cəmiyyət arasında da xoşbəxt ola bilməz. Əgər evində bir nigarançılıq varsa, insan mütləq özünü işdə, cəmiyyətdə də narahat hiss edəcək. Amma evində xoşbəxt olan adam istər işdə, istərsə də cəmiyyətdə üzləşdiyi çətinlikləri dəf etməyi bacarır.

Bir atalar misalında deyildiyi kimi, "əvvəl evin içi, sonra çölü”. Amma elə insanlar da var ki, el arasında deyildiyi kimi, evə getmək onlar üçün sözün həqiqi mənasında, əzab-əziyyətdir. Bu vəziyyətin yaranmasında onları qınamaq da olar, qınamamaq da. Bəs insanları ailələrindən uzaqlaşdıran səbəblər nələrdir?

Araşdırmalar göstərir ki, bu problemlərin sırasında diqqətsizlik xüsusi rol oynayır. Bu, özünü birbaşa büruzə verməsə də, tədricən, yəni münasibətlərə təsir göstərməklə əhatə dairəsini genişləndirir. Necə deyərlər, işdən evə dönən və xoş münasibət, üzdə təbəssüm uman kişi və ya xanım tam tərsi ilə qarşılaşınca, evdə mənəvi rahatlıq tapa bilmir.

Bu problemlər sırasında münasibətlərdəki anlaşılmazlıq və ya hansısa qərar qəbul edilərkən başqasının fikrinin nəzərə alınmaması kimi səbəblər də var. Bu məsələdə həm kişinin, həm də xanımın üzərinə böyük məsuliyyət düşür.

Türkiyəli psixoloq Cihad Kayanın sözlərinə görə, evlənmədən öncə qadının sevilməsinə səbəb olan məqamları evləndikdən sonra unutması, nəzərə almaması həyat yoldaşının ondan soyumasına səbəb olur.

Psixoloqun sözlərinə görə, bəzi xanımların geyim-kecimlərinə, özlərinə fikir verməmələri həssas kişiləri hətta ailələrindən belə soyuda bilir. Psixoloq: "Hər bir xanım özü-özlüyündə bir növ kübar olmalıdır. Məsələn, o əgər evin bütün işlərini yerinə yetirir əsas diqqəti buna yönəldirsə, nəticədə özünü unudursa, həyat yoldaşına onun istədiyi qədər diqqət edə bilmirsə, kişi evindən və ailəsindən uzaqlaşır. Hətta uzaqlaşmasa belə, bir növ soyuyur”.

"Həmişə belə edirsən”, "Sən onsuz da beləsən”, "Diqqətsizsən” kimi fikirlərdən istifadə edən və ailə həyatında bir cür, sosial ortamlarda başqa cür davranışlar göstərən, həyat yoldaşının dərdinə və sevincinə ortaq olmayan, yalan söyləyən, hər iki cins üçün də keçərli olmaq üzrə məhrəm tələbləri cavabsız buraxan tərəflər bir-birilərinə qarşı sayğını da itirirlər.

"Biz sizi həyat yoldaşlarınızla, analarınızla, atalarınızla, uşaqlarınızla, mallarınızla, canlarınızla imtahan edərik” ayətini xatırladan mütəxəssis: "Bütün bunları gerçəkləşdirməsinə və ideal bir yoldaş olmasına rəğmən yüzlərcə xanımın aldadıldığı gerçəyini də göz ardı etməmək lazımdır”,-deyir.


Bu davranışlar evliliyə zərər verir!

İnadkar olmaq. Nə vaxtsa yerinə yetirilməyən tələbi, xahişi tez-tez gündəmə gətirib başa qaxınc etmək evliliyə zərər gətirir.

Diqqətsizlik. İşləməyən xanımların həyat yoldaşlarının alışqanlıqlarını və xasiyyətlərini bildikləri halda xəstəlik, gecə uşağa baxmaq kimi səbəbləri çıxmaq şərti ilə, başqa vaxtda nahar hazırlamamaları, onları işə gedərkən qapıdan yola salmamaları da incikliyə və narahatlığa səbəb ola bilir.

Bitməyən suallar. Kişini iş saatları içində məcburi səbəblər xaricində sıx-sıx arayaraq "hardasan”, "nə edirsən”, "yanında kim var” suallarını vermək.

Güvənməmək. Həyat yoldaşının mobil telefonunu tez-tez yoxlamaq, onu rahat buraxmamaq, hətta nəqliyyatdakı problemlər səbəbindən eve gec gəldiyi zaman üz-gözünü turşutmaq və yersiz suallar vermək.

Ailə məhrəmiyyəti. Ailədə bir problem yaşanan kimi, valideynləri və ya qaynana-qaynatanı tapıb və ya onlara zəng vurub  həyat yoldaşını şikayət etmək.

Sosial çevrəyə müdaxilə. Kişiyə onunla görüş, bununla görüşmə kimi təlimatlar vermək.

Yersiz qısqanclıq. Kişini öz anasından qısqanmaq, kişiyə anasını (qaynanasını) şikayət etmək, dava-dalaş zamanı onun ailəsini pisləmək.

Müqayisə etmək. Başqalarının öz həyat yoldaşlarına aldığı hədiyyələrdən danışmaq, müqayisə etmək və s.

Məsuliyyətlər. Kişi qapıdan girər-girməz, ondan uşaqlarla maraqlanmasını tələb etmək, "al bu uşaqları, bütün gün məni öldürüblər” kimi cümlələrlə qarşılamaq.

Pis şeyləri unutmamaq. Keçmişdə olanları tez-tez xatırlayıb, problem və münaqişələr yaratmaq.


Şərhlər:
Baxılıb: 1423
Geriyə
loading...
Hörmətli Qonaq, siz sayta qeydiyyatsız istifadəçi kimi daxil olmusunuz.
Saytda şərh yazmaq, xəbər göndərmək və eləcə də digər hüquqlardan istifadə edə bilmək üçün QEYDİYYATDAN keçməyinizi məsləhət görürük.

TEZKLİKLƏ

Adların mənaları Yuxuyozmalar
Xəbər lenti HAMISI
YeniQadin.Biz
Səsvermə
 

Saytın hansı bölməsini xoşlayırsınız?

Qadınlar.Biz həyatı
Gündəm - Magazin xəbərləri
Moda
Gözəl qadın
Bizim mətbəx
Sağlıqlı yaşam
Hamiləlik və Analıq
Qadın və Cəmiyyət
Münasibətlər
Həyat tərzi
Bürclər və Qoroskop
Bölümlü Hekayələr
Kişi dünyası
Oyunlar
Video - Musiqi

 
 
HAMISI Ən çox oxunanlar
İdeal çəkini hesabla
Boyunuz : sm
Çəkiniz : kq
Yaşınız :
Cinsiniz :
İdeal Çəkiniz : kq
Fərq : kq

BÜRC UYĞUNLUĞU

Sevgilinizlə bürc uyğunluğunuzu öyrənə bilərsiniz