Həkim kollektivi Həkimə sual ver
Söhbət otağı
Nikah Gecəsinin Sirrləri.
Nikah Gecəsinin Sirrləri.
Göndərən: NoName
Şərhlər:
Baxılıb: 12030
Səs ver:

Nikah vəya zifaf gecəsi bəylə gəlinin ilk dəfə, necə deyərlər, bir yastığa baş qoyduqları gecəyə deyilir. İmam Sadiq (ə) buyurur: "...Gecənin əvvəl saatlarında cinsi yaxınlıq etməyin...” Yəni zifaf gecə vaxtı olmalıdır. Bu, gecəyarıya yaxın olsa daha yaxşıdır. Amma, heç də o demək deyil ki, həyat yoldaşı ilə yalnız gecələr yaxınlıq etmək olar. Dediklərimiz ancaq zifafa aiddir, çünki insan gündüz fəaliyyət göstərdiyindən gərginlik keçirir və gecə istirahət edir. Bunun isə doğulacaq övlada müsbət təsiri var. Digər tərəfdən, gecə gəlinin ismət və həyasının qorunması üçün daha münasibdir. Peyğəmbər (c) buyurur: "Gəlinlə zifafı gecə edin, onun qonaqlığını isə gündüz verin”.
Bəzən nikah gecəsi cinsi əlaqə ya tamam mümkün olmur, yada natamam baş verir: nəticədə gəlin ər evində qız kimi qalır, buna görə də hamilə ola bilmir. Təbabətdə buna virqoqamiya (latınca virqo – qızlıq, bakirəlik; qamos - ər) vəya qız (bakirə) nikahı deyilir. Mütəxəssisə müraciət olunmadıqda bu hal uzun müddət və hətta ömürlük davam edə bilər. Belə ər-arvad bir-birinə sədaqətli olsa da, ailə səadətinə qovuşa bilmir.

Nikahdan sonra yaranan problemlər.
Nikahdan sonra müxtəlif səbəblər üzündən problemlər yarana bilər. Asan anlaşılması üçün onları 3 qrupa bölək:
1. Qorxu, həyəcanla bağlı problemlər;
2. Məlumatsızlıq və təcrübəsizlikdən yaranan səbəblər;
3. Erektil disfunksiya vəya cinsi zəiflik (impotensiya).

Birinci səbəb qorxu, həyəcandır ki, bu da bəzi qızların nikah gecəsi barədə olan yalnış söhbətlərdən aldığı psixi təsirdir. Bir qızı yengəsi elə qorxutmuşdu ki, o, gəlin köçsə də, ər evində 3 il qız kimi qalmışdır. Qorxu bəzən o qədər çox olur ki, bəy gəlinə toxunmaq, hətta yaxınlaşmaq istəyəndə qızın bütün bədəni sıxılır və əlaqə mümkün olmur.
İkinci səbəb ər-arvadın cinsi əlaqə və cinsi həyat barədə məlumatsızlığından, təcrübəsizliyindən və s. ibarətdir ki, bu da ailədə sərt tərbiyənin nəticəsidir.
Üçüncü səbəb kişilərdə cinsi zəifliklə bağlıdır. Bu halı törədən tibbi-psixoloji səbəblər müxtəlifdir. Əvvəllər zəif olmayan bəy eşitdiyi yalnış söhbətlərdən aldığı psixi zərbədən, psixoloji çətinliklərədən və s.-dən nikah gecəsi zəifləyir. Gəlinin qorxu keçirməsi, yengənin bayırda gözləməsi, yatağın gizli və rahat yerdə olmaması kimi hallar da bəyi həyəcanlandırır. Oğlana bəzən uzun müddət nişanlı qalmaq da pis təsir edir. Nikah gecəsi "bəy-gəlin bağlanıb”, "tilsimə düşüb”, "qorxub” və s. kimi xalq arasında yayılan söhbətlər də elə bu səbəblərdən yaranıb.

Problemin həlli yolları.
30 illik təcrübəmə və dünyanın bir çox klinikalarında gördüklərimə əsaslanıb deyə bilərəm ki, bütün bakirə nikahların müalicəsi tamamilə mümkündür. Mütəxəssisə tez müraciət olunarsa müalicə tez də başa çatar.

Belə ailələrdə, hətta nikah gecəsi normal keçən ailələrdə bəzən sonsuzluq (qadın və kişidə analizlər normal olduqda belə) yaranır. Düşmələr, hamiləliyin toksikozu, qarında və sidik-cinsiyyət üzvlərində narahatlıq, qeyri-adi ağrılar, cinsi yaxınlıqdan həzz almama, hava çatışmazlığı hissi, ürək nahiyyəsində xoşagəlməz ağrılar, qan təzyiqinin dəyişməsi, başda, beldə və oynaqlarda ağrılar, həyata marağın azalması, bir sözlə, ruh düşkünlüyü ilə əlaqədar müxtəlif əlamətlər əmələ gəlir. Xəstələr bəzən illərlə ginekoloqa, nevropatoloqa, kardioloqa, qastro-enteroloqa, uroloqa və s. həkimlərə müraciət edirlər. 
Belə halların əsasında qorxu, həyəcan, bəzən ruh düşkünlüyü olduğundan aparılan müalicələr effekt vermir. İstənilən həyəcanı (hətta işlə, səhnə ilə, imtahanla bağlıdırsa belə) yox etmək mümkündür. Müasir psixoloji, psixoterapiya ilə (xahiş edirik psixiatriya ilə səhv salmayın) həyəcanı bir neçə saata və bir neçə seansa itirmək olur. Xalq dilində desək: "Tilsimi sındırmaq olur”. Lazımi hallarda dərmanlardan da istifadə edirik.

Analar! Qızınızın səadətə qovuşmasını istəyirsinizsə, onu nikah gecəsinə hazırlayın. Əlbəttə, bu, çoxunuza qəribə və çətin gəlir. Onda bizə də müraciət edə bilərsiniz. 
Qızlar! Romanlara, poeziyaya çox uymayın. Biz heç də romantikanın əleyhinə deyilik. Amma, romantika nəzəriyyə, ər-arvad həyatı isə təcrübədir. 
Atalar! Övladınızın tərbiyəsi zamanı abır-həya pərdəsini götürməmək şərtilə oğlunuzu cinsi həyata hazırlayın. 
Oğlanlar! Nikahdan əvvəlki və sonrakı həyatınızı mənalı yaşamaq istəyirsinizsə, istənilən problemlə üzləşən kimi çəkinmədən mütəxəssisə müraciət edin. Biz sizlərə istənilən ailə problemləri ilə bağlı yardımçı olmağa hazırıq.

 

Şəmsəddin Babayev
Beynəlxalq dərəcəli həkim-terapevt, psixoterapevt, psixoloq və intimoloq.

 



Şərhlər:
Baxılıb: 12030
Geriyə
loading...
Hörmətli Qonaq, siz sayta qeydiyyatsız istifadəçi kimi daxil olmusunuz.
Saytda şərh yazmaq, xəbər göndərmək və eləcə də digər hüquqlardan istifadə edə bilmək üçün QEYDİYYATDAN keçməyinizi məsləhət görürük.

TEZKLİKLƏ

Adların mənaları Yuxuyozmalar
Xəbər lenti HAMISI
YeniQadin.Biz
Səsvermə
 

Saytın hansı bölməsini xoşlayırsınız?

Qadınlar.Biz həyatı
Gündəm - Magazin xəbərləri
Moda
Gözəl qadın
Bizim mətbəx
Sağlıqlı yaşam
Hamiləlik və Analıq
Qadın və Cəmiyyət
Münasibətlər
Həyat tərzi
Bürclər və Qoroskop
Bölümlü Hekayələr
Kişi dünyası
Oyunlar
Video - Musiqi

 
 
HAMISI Ən çox oxunanlar
İdeal çəkini hesabla
Boyunuz : sm
Çəkiniz : kq
Yaşınız :
Cinsiniz :
İdeal Çəkiniz : kq
Fərq : kq

BÜRC UYĞUNLUĞU

Sevgilinizlə bürc uyğunluğunuzu öyrənə bilərsiniz