Həkim kollektivi Həkimə sual ver
Söhbət otağı
Uşaqlarçün dini biliklər: Allah kimdir?
Uşaqlarçün dini biliklər: Allah kimdir?
Göndərən: NoName
Şərhlər:
Baxılıb: 1180
Səs ver:
Hörmətli istifadəçilər övladlarınızın dini biliyə yiyələnməsi üçün zəruri olan sisiləvi məqalələrlə tanış olacaqsınız. İlk məqalə isə "Allah kimdir?” adlanır.

Siz hər gün ata-ananızın, nənə-babanızın, müəllimlərinizin dilindən "Allah” kəlməsini eşidirsiniz. Onlar hələ baş verməmiş hadisədən danışanda "Allah qoysa, inşaallah” – deyirlər. Sizi tərifləyəndə "maşallah, Allah saxlasın” – söyləyirlər. Kimə isə təşəkkür etmək istəyəndə "Allah razı olsun, Allah köməyin olsun” sözlərini işlədirlər. Ümidlərini "Allah kərimdir”, xəbərsizliklərini "Allah bilir”, razılıqlarını "Allaha şükür” sözləri ilə ifadə edirlər.

Bəs, Allah kimdir?

Ətrafa nəzər salın. Nə görürsünüz? Sinif otağı, yazı lövhəsi, kitab-dəftəriniz, sinif yoldaşlarınız və s. Pəncərədən həyətə baxın. Səmada Günəş parlayır, buludlar hərəkət edir, ağacların yarpaqları titrəyir. Torpağın üzərini yaşıl otlar örtüb. Ağacların budağında quşlar yuva salıb.

Bütün bunları yaradan və bəsləyən Allahdır. Dünyadakı hər şeyi Allah yaradıb. O, Günəşi, Ayı, Yeri, bütün planetləri və ulduzları xəlq edb, heyvanları və bitkiləri yaradıb. İlk insanı yaradan da Allahdır.

Soruşa bilərsiniz: Axı, oturduğumuz məktəb binasını bənnalar ucaldıb. Əynimizdəki paltarları dərzilər tikib. Oxuduğumuz şeirləri şairlər yazıb, eşitdiyimiz musiqiləri bəstəkarlar bəstələtyib. Həyətdəki ağacları bağban əkib. Mindiyimiz maşınları da zavodlarda fəhlələr düzəldib. Bəs, nəyə görə deyirik ki, hər şeyi Allah yaradıb?

Amma məsələ bundadır ki, dediklərinizin heç biri özbaşına yaranmayıb.  Əgər binanı bənna tikibsə, bəs, daşı kim yaradıb? Ağacı bağban əkibsə, ağacın toxumları kim tərəfindən yaradılıb? Maşınlar zavodda yığılırsa, dəmir necə yaranıb?

Demək, hər şeyin ilkin yaradıcısı Allahdır. Allah materialları yaradıb, sonra insanlar bu materiallardan müxtəlif əşyalar hazırlayıblar. Bu əşyaların hazırlanma qaydasını onlara öyrədən də Allahdır. Əgər Allah maşını necə yaratmaq fikrini insanın ağlına gətirməsəydi, maşın necə yaranardı? Əgər Allah insana ağıl və yaddaş verməsəydi, kitablar necə yazılardı? Əgər Allah insana istedad verməsəydi, mahnılar necə bəstələnərdi?

Allah həm də yaratdıqlarını bəsləyir, inkişaf etdirir. Dünyada hər şey dəqiq nizam-intizam əsasında baş verir. Milyon illərdir ki, planetlər dəqiq orbit boyunca Günəş ətrafında hərəkət edir. Heç bir planet o biri ilə toqquşmur. Allah onların hərəkətini nizamlamasaydı, belə olardımı?

Yer üzündə on minlərlə heyvan və quş növü yaşayır. Onlar bir-biri ilə qidalanırlar. Milçəyi qurbağa, qurbağanı ilan, ilanı isə qartal yeyir. Bununla belə, onların heç birinin kökü kəsilmir. Allah hər canlının ruzisini bol-bol yetirir.

Bəs, Allah bütün bunlara necə nail olur? Bir qüvvə bu boyda kainatı necə yaradıb idarə edir?

Allah insanların təsəvvür edə bilməyəcəyi dərəcədə elmli, qüdrətli və mərhəmətlidir. Nə keçmişdə baş vermiş, nə indi baş verməkdə olan, nə də gələcəkdə baş verəcək heç bir hadisə Ondan gizli deyil. Allah istədiyi hər işi həyata keçirməyə qadirdir. Heç nə Ona mane ola bilməz. Allah bütün yaratdıqlarına qarşı sonsuz dərəcədə mərhəmətlidir. Buna görə də onları bəsləyir və ruzilərini yetirir.

Bilin ki, Allahın necəliyini insan tam təsəvvür edə bilməz. Allah cism deyil, Onun eni, uzunu və hündürlüyü yoxdur. Allahın cinsi yoxdur; yəni O, nə kişidir, nə də qadın. Allahın əli, gözü, dili, qulağı yoxdur. Amma O, hər şeyi gözsüz görür; öz yaratdıqları ilə dilsiz danışır; hər şeyi əlsiz yaradır və idarə edir; bütün duaları qulaqsız eşidir. Allahın yeri və məkanı yoxdur. O, cisim olmadığı üçün heç bir məkana yerləşə bilməz. Bununla belə, Allah hər yeri əhatə edir. Kainatda iynə ucu boyda da olsa, elə yer yoxdur ki, Allahın elm və qüdrətindən kənarda qalsın.
 
Mənbə: Quran əhvalatları kitabı


Şərhlər:
Baxılıb: 1180
Geriyə
Hörmətli Qonaq, siz sayta qeydiyyatsız istifadəçi kimi daxil olmusunuz.
Saytda şərh yazmaq, xəbər göndərmək və eləcə də digər hüquqlardan istifadə edə bilmək üçün QEYDİYYATDAN keçməyinizi məsləhət görürük.

TEZKLİKLƏ

Adların mənaları Yuxuyozmalar
Xəbər lenti HAMISI
YeniQadin.Biz
Səsvermə
 

Saytın hansı bölməsini xoşlayırsınız?

Qadınlar.Biz həyatı
Gündəm - Magazin xəbərləri
Moda
Gözəl qadın
Bizim mətbəx
Sağlıqlı yaşam
Hamiləlik və Analıq
Qadın və Cəmiyyət
Münasibətlər
Həyat tərzi
Bürclər və Qoroskop
Bölümlü Hekayələr
Kişi dünyası
Oyunlar
Video - Musiqi

 
 
HAMISI Ən çox oxunanlar
İdeal çəkini hesabla
Boyunuz : sm
Çəkiniz : kq
Yaşınız :
Cinsiniz :
İdeal Çəkiniz : kq
Fərq : kq

BÜRC UYĞUNLUĞU

Sevgilinizlə bürc uyğunluğunuzu öyrənə bilərsiniz