Həkim kollektivi Həkimə sual ver
Söhbət otağı
İmam Həsən Əskərinin (ə) hədislərindən seçmələr
İmam Həsən Əskərinin (ə) hədislərindən seçmələr
Göndərən: Wiyinka
Şərhlər:
Baxılıb: 1518
Səs ver:
 
Rəbius-sani ayının 8-də (bu il Miladi təqvimi ilə fevralın 8-i) müsəlmanların 11-ci imamı Həsən Əskərinin mövlud günüdür. Bu münasibətlə İmamdan nəql olunan bir neçə gözəl hədisi təqdim edirik. 

"Yaraşıqlı sifət zahiri gözəllik, iti ağıl isə batini gözəllikdir”.

"Övladın kiçik ikən valideynə hörmətsizlik etməsi böyüyəndə onun üzünə ağ olması ilə nəticələnər”.

"Bu iki xüsusiyyətdən daha üstünü yoxdur: Allaha iman bəsləmək və din qardaşına fayda vermək”.

"Hər kim təharətdə həddi aşsa, sanki təharəti batil etmiş kimidir” (yəni hər kim qüsl və dəstəmazda suyu istaf etsə və ya dəstəmazda iki dəfədən artıq yusa, qüslü və dəstəmazı batil olar).

"Təəccübdən başqa hallarda gülmək cahillik əlamətidir”.

"İnsanlar arasında şirk zülmət gecədə qara parçanın üzərində gəzən qarışqadan daha artıq dərəcədə gizlindir” (yəni insanlar şirkə düçar olduqlarını zülmət gecədə qara parçanın üzərində gəzən qarışqanı görməkdən də çətin sezirlər).

"İnsanların ən pisi ikiüzlü, ikidilli olandır. Üzdə öz din qardaşını tərifləyər, arxada qeybətini danışar. Din qardaşının əlinə nə isə gəlsə, ona paxıllıq edər. Din qardaşı bəlaya düçar olsa, ona xəyanət edib tənha buraxar”.

"Ömrünüz qısa, günləriniz sayılıdır, ölüm isə qəfil gələr. Hər kim yaxşılığın toxumunu səpsə (xeyir əməllər etsə), yaxşı məhsul götürər. Hər kim pisliyin toxumunu əksə, peşmançılıq məhsulu ilə qarşılaşar. Kim nə əksə, onu da biçər. Adam nə qədər astagəl olsa da, Allahın yazdığı ruzi əlindən çıxmaz. Adam nə qədər həris olsa da, Allahın müəyyən etdiyi qədərdən artıq heç nə qazana bilməz. Hər kimə xeyir gəlsə, bilsin ki, bu xeyir Allahdandır. Hər kim şərdən xilas olsa, bilsin ki, onu bu şərdən qurtaran Allahdır”.

"Sizə Allaha münasibətdə təqvalı olmağı, dininizdə vərəyə (zöhd və təqvaya) riayət etməyi, Allah yolunda cəhd etməyi, sözünüzdə doğrucul olmağı, istər mömin, istərsə də facir olsa, sizə əmanət etibar etmiş şəxsin əmanətini qoruyub özünə qaytarmağı, səcdələri uzatmağı, qonşularla yaxşı rəftar etməyi tövsiyə edirəm. Çünki Həzrət Mühəmməd (s) bunları təbliğ etmək üçün göndərilmişdi. Qohum-əqrəba ilə rabitəni qırmayın, onların dəfnində iştirak edin, xəstələrin ziyarətinə gedin, hüquqlarını qoruyun. Sizlərdən hər kim dinində təqvalı, sözündə doğrucul olsa, əmanəti qorusa və camaatla gözəl davransa, onun haqqında deyərlər ki, bu, əsil şiədir. Mən bu sözdən sevinərəm. Allaha münasibətdə təqvalı olun. Çalışın ki, fəxr mənbəyi olasınız, xəcalət mənbəyi yox... Allahı zikr etməyi, ölümü xatırlamağı, Quran oxumağı və Peyğəmbərə salavat söyləməyi artırın. Peyğəmbərə salavat söyləməyin onqat savabı var”.

"İnsanların ən çalışqanı günahlardan uzaq qaçan şəxsdir”.

"Bütün pisliklərin açarı qəzəbdir”.

"Hər kim bu dünyadan kor halda köçsə, axirətdə də kor olar və yolunu azar. Bu, gözlərin korluğu yox, sinələrdəki qəlblərin korluğudur”.

(Hədislər "Biharül-ənvar” və "Tühəfül-üqul” kitablarındandır).


Şərhlər:
Baxılıb: 1518
Geriyə
Hörmətli Qonaq, siz sayta qeydiyyatsız istifadəçi kimi daxil olmusunuz.
Saytda şərh yazmaq, xəbər göndərmək və eləcə də digər hüquqlardan istifadə edə bilmək üçün QEYDİYYATDAN keçməyinizi məsləhət görürük.

TEZKLİKLƏ

Adların mənaları Yuxuyozmalar
Xəbər lenti HAMISI
YeniQadin.Biz
Səsvermə
 

Bəs sizin bürcünüz nədir?

Qoç
Buğa
Əkizlər
Xərçəng
Şir
Qız
Tərəzi
Əqrəb
Oxatan
Oğlaq
Dolça
Balıqlar

 
 
HAMISI Ən çox oxunanlar
İdeal çəkini hesabla
Boyunuz : sm
Çəkiniz : kq
Yaşınız :
Cinsiniz :
İdeal Çəkiniz : kq
Fərq : kq

BÜRC UYĞUNLUĞU

Sevgilinizlə bürc uyğunluğunuzu öyrənə bilərsiniz