Həkim kollektivi Həkimə sual ver
Söhbət otağı
3 Yanvar - Səfər ayının 20-si İmam Hüseyn(ə) qırxı günü
3 Yanvar - Səfər ayının 20-si İmam Hüseyn(ə) qırxı günü
Göndərən: Ayten Melek
Şərhlər:
Baxılıb: 3871
Səs ver:

3 Yanvar - Səfər ayının 20-si İmam Hüseyn(ə) qırxı günü

 İmam Hüseyn (ə)- ın qırxı Ərbəin günü münasibəti ilə!

İmam Sadiq (ə): "Babam Huseynin (ə) ziyarətində nə qədər savabın olduğunu bilsəydiniz, aranızda qan tökülmək ehtimalına qədər, bir- birinizi bu ziyarətdə ötməyə çalışardınız.”
Ərbəin günü
Bismilləhir- Rahmənir- Rahim! Mahi- Muhərrəm daxil olduğu ilk gündən möminlər Həzrət Peyğəmbərin (s) istəkli nəvəsi, cənnət cavanlarının ağası olan Həzrət Huseyn (ə) üçün matəm saxlayıb, əzadarlıq edirlər və Həzrətin (ə) Kərbəla məktəbinin dərslərindən təbərrük götürməyə çalışırlar.
Bu il də, Muhərrəm ayının ilk günündən matəm saxlayan möminlər, nəhayət ki, ərbəin gününə- İmam Huseynin (ə) vəfatının qırxıncı gününə yetişdilər. Öz xüsusiliyi, özəllikləri ilə fərqlənən- ərbəin günü.
Möminlər bu günlərdə İmam Huseynin (ə) şərif məzarını ziyarət etmək, ərbəin gününə yetişmək üçün Kərbəlaya üz tuturlar. İmam Huseynin (ə) zəvvarı olurlar. İmam Huseynin (ə) aşiqlərinin sayı- hesabı bilinmədiyi kimi, zəvvarlarının da, sayı- hesabı bilinmir.
Ərbəin günü- İmam Huseynin (ə) ilk dəfə ziyarət edildiyi gündür. İmam Huseyni (ə) ilk dəfə ziyarət edən və İmam Huseyn (ə) ziyarətçilərinin ilki olan, Həzrət Peyğəmbərin (s) təqva əhli, sədaqətli və mömin səhabələrindən olan rəhmətlik Cabir İbni Abdullah Ənsaridir.
O, Əhli- Beyt (ə), Quran aşiqi, pak bir şəxsiyyət idi. Cabir ibn Əbdullah Ənsari- Mədinə şəhərinin əhli idi, yəni, ənsardan idi. Ənsar- Həzrət Peyğəmbərə (s) Mədinə şəhərində kömək edənlər idi. Həzrət Cabir, Səfər ayının 20- si, yəni, ərbəin günü Mədinədən Kərbəlaya səfər etmişdi. Bir ziyarətdən digər ziyarət üçün gəlmişdi. Peyğəmbərin (s) şərif məzarını olduğu Mədinə elindən İmam Hüseynin (ə) məzarının yerləşdiyi Kərbəlaya üz tutmuşdu.
Həzrət Cabir, İmam Hüseynin (ə) oğlu İmam Səccadı (ə) və İmam Huseynin (ə) nəvəsi- İmam Səccadın övladı İmam Baqiri (ə) görmüşdü. Həzrət Peyğəmbərin (s) bir əmanətini çatdırmalı idi Həzrət Cabir- Həzrət İmam Baqirə (ə). Həzrət Peyğəmbər (s) Həzrət Cabirə bildirmişdi ki, vaxt gələcək, sən, mənim övladlarımdan olan Baqiri (ə) görəsəksən və mənim salamımı Baqirə (ə) çatdırarsan.
Rəvayət edilir ki, bir gün Həzrət Cabir küçədə İmam Baqiri (ə) görür və O Həzrətin (ə) Həzrət Peyğəmbərə (s) oxşadığını görüb kimliyini xəbər alır Həzrət İmam Baqirdən (ə). İmam Baqir (ə) kim olduğunu söylədikdə, Həzrət Cabir sevinir, gözləri sevinc göz yaşları ilə dolur. Və nəhayət, Həzrət Peyğəmbərin (s) əmanətini- salamını İmam Baqirə (ə) çatdırır.
Həzrət Cabir ziyarətdə
Həzrət Cabir çox qocaman səhabə idi və gözlərinin görmədiyi rəvayət edilir. O Həzrət, Ətiyyə ibn Səd Kufi adlı bir şəxslə İmam Huseynin (ə) məzari- şərifinin zəvvarı olmaqdan ötrü Kərbəlaya gəlir. Fərat çayında qüsul edib özünə ətir vurur, Allahı zikr edərək məzari- şərifə tərəf gəlir. 
Məzara yetişir və əlini məzari- şərifin üzərinə qoyduqdan sonra özündən gedir və məzarın üzərinə yıxılır. Ayıldıqda isə, üç dəfə "Ya Huseyn!” deyir. Daha sonra buyurur: "Dost da, dostun cavabını verməz?” Daha sonra "Haradan mənə cavab verəsən, halbuki boynunun damarları çiyinlərindən asılı qalıb, başınla bədənin arasında ayrılıq düşüb. Mən şəhadət verirəm ki, sən peyğəmbərlərin ən yaxşısının və möminlərin Ağasının oğlusan. Şəhadət verirəm ki, sən təqvanın həmpeymanının, hidayət sülaləsinin oğlusan və Ali- Əbanın beşincisisən. Sən sərkərdələrin Ağasının və qadınların əşrəfi Fatimənin (s.ə) oğlusan. Necə də belə olmasın, halbuki səni peyğəmbərlərin seyyidinin əlləri tərbiyə edib və müttəqi adamlar arasında böyüyüb başa çatmısan. Süd əməndə də, süddən kəsiləndə də iman və İslam ilə birgə idin. Həyatında və ölümündə pak idin. Həqiqətən möminlərin ürəkləri səndən ayrılığa görə rahat deyildir. Baxmayaraq ki, sənin halının yaxşı olmağında heç bir şəkk yoxdur. Sənə ALLAHın salamı olsun. Mən şəhadət verirəm ki, sən qardaşın Yəhyanın getdiyi yolu getdin.”
Daha sonra Həzrət Cabir digər şəhidlərin məzarına baxıb: "And olsun Məhəmmədi (s) haqq olaraq peyğəmbərliyə seçən ALLAHa, biz sizinlə sizin daxil olduğunuz yerdə, yəni, cənnətdə şərik olduq.”- deyir. Ətiyyə, Həzrət Cabirin "biz sizinlə sizin daxil olduğunuz yerdə, yəni, cənnətdə şərik olduq” deməsinə təəccüb edir və sual edir: "Necə olur ki, biz onlarla şərik olduq, halbuki biz bu vadiyə oxlarla gəlib qılınc çalmamışıq, amma bunların başları ilə bədənləri arasında ayrılıq düşüb, uşaqları yetim və qadınları dul qalıb?”
Həzrət Cabir buyurur: "Ey Ətiyyə, həbibim Rəsulullahdan (s) eşitdim ki, deyirdi: Hər kəs hər hansı bir dəstəni sevsə, onunla da məhşur olacaq. Hər kəs bir dəstənin əməlindən razı olsa, onlarla həmin əməldə şərik olar. And olsun Məhəmmədi (s) haqq olaraq Peyğəmbərliyə təyin edən Allaha, mənim və mənim əshabımın niyyəti Hüseynin (ə) öz əshabı ilə bir yerdə keçdiyi yoldur”
Mübarək vəsiyyət
Daha sonra pak səhabə yanındakı yoldaşı Ətiyyəyə bir mübarək vəsiyyət edir:”Ey Ətiyyə, sənə vəsiyyət etmək istəyirəm, çünki qorxuram ki, bu səfərdən sonra səninlə bir daha görüşməyim. Sənə vəsiyyətim budur ki, Ali-Məhəmmədin (ə) dostu ilə nə qədər ki, onlarla dostdur, dost ol və düşməni ilə o vaxta qədər ki, onlarla düşməndir, düşmən ol. Hətta o düşmən namaz qılan və oruc tutan olsa belə. Ali- Məhəmmədin (ə) dostları ilə mehriban ol, hətta onların bir ayağı sürüşüb günaha tərəf meyl etsə, amma digər ayağı Ali- Məhəmməd (ə) ilə dostluq yolunda sabit qalsa belə. Ali- Məhəmmədin (ə) dostu cənnətə və düşməni isə cəhənnəmə gedəcəkdir.”
Beləliklə, Həzrət Cabir- ALLAH, Peyğəmbər (ə), Quran və Əhli- Beyt (ə) aşiqi olan o mübarək səhabə, İmam Huseynin (ə) ilk zəvvarı olur. Hər ilki huseynçilər dünyanın müxtəlif yerlərindən İmam Huseynin (ə) ziyarəti üçün Kərbəlaya gəlirlər, onlar, həm də, Həzrət Cabir ibn Əbdullah Ənsarini yad edirlər, O Həzrəti xatırladılar.
ALLAH- Təalanı and verək Öz İzzət və Cəlalına ki, bizləri İmam Huseynin (ə) ziyarətçilərindən qərar versin, dünya və Axirətdə Quran və Əhli- Beytdən (ə) bizi ayrı salmasın!


Şərhlər:
Baxılıb: 3871
Geriyə
Hörmətli Qonaq, siz sayta qeydiyyatsız istifadəçi kimi daxil olmusunuz.
Saytda şərh yazmaq, xəbər göndərmək və eləcə də digər hüquqlardan istifadə edə bilmək üçün QEYDİYYATDAN keçməyinizi məsləhət görürük.

TEZKLİKLƏ

Adların mənaları Yuxuyozmalar
Xəbər lenti HAMISI
YeniQadin.Biz
Səsvermə
 

Saytın hansı bölməsini xoşlayırsınız?

Qadınlar.Biz həyatı
Gündəm - Magazin xəbərləri
Moda
Gözəl qadın
Bizim mətbəx
Sağlıqlı yaşam
Hamiləlik və Analıq
Qadın və Cəmiyyət
Münasibətlər
Həyat tərzi
Bürclər və Qoroskop
Bölümlü Hekayələr
Kişi dünyası
Oyunlar
Video - Musiqi

 
 
HAMISI Ən çox oxunanlar
İdeal çəkini hesabla
Boyunuz : sm
Çəkiniz : kq
Yaşınız :
Cinsiniz :
İdeal Çəkiniz : kq
Fərq : kq

BÜRC UYĞUNLUĞU

Sevgilinizlə bürc uyğunluğunuzu öyrənə bilərsiniz